1 Bonkono Dariyus jiiri hinkanta, handu iddanta, a jirbi sintina ra no Rabbi Irkoyo na nga sanno tonandi Annabi Haggay do, da Zorubabel Seyatiyel izo kan ga Yahudia may se, da Alfaga beero Yehozadak izo Yesuwa do, ka ne: 2 "Ya no Rabbi kundey koyo ci ka ne, Jama wo goono ga ne: " lokaco kan iri ga Rabbi windo cina 3 Wodin sabey se no Annabi Haggay na Irkoy saano tonandi i do ka ne: 4 "Alwato no aran se aran ma goro aran fu hanney ra, wati kan se cine i na ay fuwo tutubu ka zeri?" 5 Wonne no Rabbi kundey koyo ci: "Wa hagoy da aran te goyey; 6 Aran gono ga i boobo duma amma kayna no aran go ga wi, Aran ga nwa, amma aran nwaro si aran kungu, aran ga han amma aran haaro si aran yeesi. Aran na bankarey dan, amma aran hargo man fun, Boro kan goono ga du banandi mo go ga dan foolo kan bagu ra. 7 Ya no Rabbi kundey koyo ci: "Wa hagoy da aran te goyey", 8 wa kaaru tondi kuuku yan bon ka bunduyan zumandi ka ay windo cina, Ay bina mo ga farhan, ay darza mo ga goro, ya no Rabbi ci. 9 Aran go ga tamahan aran ga du iboobo, kala nga ne aran du i kayna. Watin kan se aran ye ka kanda fu mo, ay na funsu. I fo se? Rabbi kundey koyo ne: "Zama ay windo kan halaci se." A ka ga gare aran ra a fo kulu gono ga te nga windo cine. 10 Wodin se no benney wonji haran ma te, laabo mo wonji nga albarka mo. 11 Ay na koggandi ce laabo bon, nda tondi kuukey bon, dna nwari wani-waney bon, da jii bon, da hay kulu kan laabo ga hin ga kaa tarey bon, nda borey nga da almananey bon, da aran taabi kambe goyey kulu bon kan sinda nafa." 12 Wato kan Zerubabel, Sayaltiyel Izo da Yesuwa Alfaga beero, Yehozadak Izo, da Jama kulu maa Rabbi Irkoy jinda se, da mo a sanney kan Annabi Haggay te mata kan cine Irkoy na donton da. Jaama kulu mo too da Irkoy hamburkumey. 13 Haggay kan Rabbi doton ne jama se, Rabbi Lordo bon: Rabbi ne :" Ay go aran bande." 14 A binde Zurobabel, Sayaltiyel Izo kan ga Yahudia may, da Yesuwa alfaga beero Yehozadak Izo, da jama kulu mo kan cindi din, Rabbi na i biney bare kan ga nan i ma kaa ka goy Rabbi kundey koyo windo ra. 15 Wodin mana koy ga sintin kala Bonkono Dariyus jiiri hinkanta handu iddanta, jiirbi waranka cindi taacanta hane.