¹ Ay go ay batuyan nango do, ga kay fuu kuuku bon. Ay goono ga hangane hay kan Rabbi goono ga ne ay se, da mo hay kan ay tu a se ka ne ay heeno banda. ² Rabbi tu ay ka ne: "Annabi- tareyo wo hantum, a jeeri walhaney bon kan ga naan i maa cawu da fahamey. ³ Zama Annabi-tarey no kan i na alwato jiisi, a go ga dira ga kaa, a si taari mo. Ba day a geey, a baatu, zama a ga to, a ga to mo sikka kulu sino. ⁴ Guna, a fundo to da bon-berey, da fundi beerey mo, amma adilanta nga cimi bero ra no a ga bafuney. ⁵ Mata kan booro kan na baji han ka suu ga te, yadin no mayrey-koyey, ngey mo sinda fulanzamey. A ga nga mayo fiti danga sarey gusu cine. A ga hima danga buuyan kan si kungu. A ga dumey kulu candi ka kaande nga do. A ma Boorey dumey kundey kulu margu nga bon se. ⁶ Hayey wo kulu, manti i ga hima borey se bintuney da donda-carey, da bon hawey hariyan bo? I ga ne : laali hari no boro kan ga margu han kan mati a wane! Kala wati fo no wodinn ga ban? Lali yan hari no booro kan ga tooton nga wane garawey tinna ga! ⁷ Ni wone garaw-koney mo, manti i ga i jirsi? Ni taabandi-koy mo manti i ga tun ngey bon ga? I ga kaa mo ka bana ni ga. ⁸ Zama ni na dumi boobo koome, wodin se no boorey dumey kundey mo ga ni koome; Zama ni na booro boobo kuri mun, ni na laala yan maa cebe labey ra, da kwarey ra da jaama kulu se. ⁹ Laali yan hari no boora kan go margu nga fuwo se arzaka kan sinda fondo, zama a ma du ga tun caley bon beene, a ma du ka nga bon wa da balawey kan ga kaa! ¹⁰ Ni na hawi candi nka kaande na windo se, za kan ni na dumi boobo halaci, ni na zunubi te fundo se. ¹¹ Zama cinaro tondon go ga kuwa, fu bundo mo gono ga tu a se. ¹² Laali hari no booro kan na kwaara sinji Kuri waney bon, kan ga kwaara cina da bine laalo! ¹³ Ga ne, wati kan Rabbi kundey koyo na jiisi nda, dumey kulu goyey ga kokoro danjo ra, laabu wani-waney mo goono ga ngey bon fargandi yamo se. ¹⁴ Zama ndunya ga too da Rabbi beera darza maate kan cine harey go ga teeko dabba daabu nda. ¹⁵ Laali yan hari boora kan ga cala noyandi, ni kan bajji dooru a se a ma han ga suu, zama ni ma du ka dii a ga-koono. ¹⁶ Ni hawo ga beeri nda ni darza; A han me ni bon se ga ni ga-koono cabe! Rabbi mo ga ni tilisandi ni ma futa han akambe nwaaro gassu-izo ra, ni darza ga bare ga te hawi. ¹⁷ Zama laaliyanyey kan ni cabe Liban, i ga kan ni bon, saaji almaney mo ga bare ni ga, zama ni na boro boobo kuri mun, ni na laalayan cabe labey ra, da kwaarey ra da jaama kulu se. ¹⁸ Ifo ga jaase himandi kan i ga jabbu ga kaa tuuri ga, hala goytero ma nga goyo wi ka te? Ifo ga jaase himandi kan i soogu guru gaa kan si nafa kala taari, kan ga nan goytero kan na te ma nga naana dan a gaa, nga ne mo tooru kan yan sinda me no a goono ga te. ¹⁹ Laali yan no boora kan ga ne bundu se: "Tun ka key"! A ma ne tondi kan si hin ka saalan se: "Tun jiirbi"! A ga hin ga beerey cawandi no? Guna nga ne, i na taalam da wura nda nzarfu mo, amma biya bafunante si ara. ²⁰ Rabbi go nga fu hannanta ra ndunya kulu ma dangey a jiine.