¹ Deeda kan Annabi Habbaku maa neya: ² "Ya Rabbi za wati fono ay goono ga ni ce, ni mo ni sino ga maa ay se? Ay ga jinda tunandi ni gaa tonyeyan sabey se, amma ni wangu ka faaba. ³ Ifo se no ni goono ga laala cabe ay se, ni goono ga goro hine ka taali guna? I fo se hasarawu da tonye go ay jiine? Kusuuma goono, canda-canda mo tun. ⁴ Wodin se no laabizey na saaley kaa Asariya gaa. I sino ga cimi ciiti goy mo te, zama boro laaley na adilantey windi, wodin se no ciiti sanney ga fatta a siiriyan. ⁵ Wa moy dake dumi cindey ga, wa guuna dambara-hari ma aran di, kala aran ma hamburu, zama aran zamana ra ay ga kande ari-yan kan si miila i gaa. ⁶ Ay ga kande aran gaa Babila-izey, dumi laaloyan no kan si barkar ba kayna, kan gaa kwara beeri yan tangam ka zaama ka ni fuwey taa i gaa. ⁷ A ga hamanniney, a ga laala mo, a citifondey da gaabo mo si kala a se. ⁸ I bariyey waasu nda mariyan, I si hatta danga cini sakali yan,a barrikarey mo ga saaba ka tun care bande, nangu mooro mo nomi ga fun, i ga deesi mo danga gaabu kan na nga fatey feri ga zubu nga hamo bon. ⁹ Dumey kulu maana kaa kala i ma hamay se, i mondumey sino ga guna kal jine nda aniya, I ga kasu-izeyan margu mo danga taasi cine. ¹⁰ Oho i ga bonkooney hahaara, koy-izey mo donda-crey hariyan no i se. Wangu fu kulu, i ga dond'a mo, zama i ga laabu margu ka gusaam ka kaaru a bon ka nwa. ¹¹ Waato din ga i zumbu ka bisa sanda haw bissayan cine, i ga ciya taali-teriyan mo. Nga kan a gaabo ga ti a Irkoyo! ¹² Ya Rabbi ay Irkoyo, ay hananyan koyo, manti za don ni goono no? ir si buu bo, Ni na dumo sinji kan ga nan ni ma ni citi-goyey te. Ay tondo, ni a ce kan ga nan ni ma gooje. ¹³ Nin wo, ni may hananyano baa d'i ma laala guna, ni si hin ka goro ga taali guna. I fo se no ni goono ga mo daaru ka amaana-nwarey guna nda gomni? Ni goono ga dangay waato kan boro laalo ga boro kan bisa nga adlilitarey kaama ka gonne. ¹⁴ Ni ga booro himandi danga teeku hamisa cine, wala alman-gandabirante kan sinda koy? ¹⁵ Babilizey gani kulu candi nda daarbizey yan ka kaa tarey, a mi candi ka dan nga bilillo ra, i mi margu mo ngey taaro ra. Wodin se no ga farhan ka te bina kaani. ¹⁶ Wodin se no i sargey te ngey taaro se, ia dugu ton mo ngey bilill se, zama i gano i ga du ham boobo, i nwaro mo ga yulwa. ¹⁷ I ga ngey bilillo foobu-foobu no? I g soobey ka dumey kulu halaci, bakaraw si waala?.