¹ Rabbi salan Musa se ka ne: ² "Ma salan Israyla izey se, i ma kande ay se sargey. Aran ga taa ay se mo boro kulu kan ga no da bine folon ga. ³ Wo kan aran ga taa, i ga sarga a se ne: wura, nzarfu, da guuru-say. ⁴ Da taafa bano-yan, taafa-cirey da boogu da hincin hamni taafa-yan. ⁵ Da feeji kuuru cirey, da hari-ra hansi kuuru, da jitti bundu. ⁶ Da ji mo fitilla ra kaariyan se, da yaazey-ji tuusuyan se, da dugu mo haw kaano se. ⁷ Wa kande Onyx tondiyan, da tondi wani-waniyan, kwaayo talamyan se, da kwaayi-ize mo. ⁸ I ma nongorey hanno soola ay se, ay mo ga goro i game ra. ⁹ A ran ma suduudu-yan fuwo da goy-jiney deedando kan ay ga aran no boŋ. ¹⁰ I ma sundurko te da jitti turi bundu kan a salleyaŋo ga to kambe kar hinka nda jare, a taffayeyaŋo kambe kar fo da jare, a kayyaŋo kambe kar fo da jare. ¹¹ Ni ma daabu nda wura hanno ka windi a ra hara nda tarey hara. ¹² Ni na wura korbey taaci soogu, ni mi daŋ mo a wane kambu taaca gaa. kambu fa ga i hinka , a fa mo ga i hinka. ¹³ Ni ma jitti turi bunduyan te, ni ma wura dan ki daabu. ¹⁴ Ni ma goobey dan sundurko carawo korbeyey ra sundurko jare-yaŋo se. ¹⁵ Gobey din mo ga goro sundurko carawo korbeyey ra, i ma si foobu ka kaa. ¹⁶ Ni ga seeda tirey mo kan ay ga ni noo gisi sundurko ra. ¹⁷ Ni ma sasabandiyan nango do te da wura kan ga hannan, kan kuyanŋo ga te kambe hinka da jare, a taffayanŋo mo ga to kambe kar fo da jare. ¹⁸ Ni ma ciiti malayka te da wura, ni ma i te mo da wura hanno sasabandiyanŋo kambu hinka ga. ¹⁹ Ni ma ciiti Maleyka te kambu fo ga, kambu fa mo ga ma ciiti maleyka fo mo te; aran ma te ciiti maleyka yan kan ga faata carawu hinkey ga. ²⁰ Ciiti maleyka mo nga fatey salle beene, ka sasabandiyanŋo daabu da nga fattey, ka ngey moydumey bare ga care guna; ciiti malakey moydumey ga sasabandiyanŋo nango do harey guna. ²¹ Ni ma sasabandiyanŋo nango dake sundurko bon, ni ma seeda tirey kan ay ga noo i se dan surdurko ra ga gisi. ²² No din no ay ga kubay da nin; sasabandiyan nango bon beene, ciiti maleykey hinka bindo ra kan yan go ga seeda sundurko bon beene, ay gay loordey kulu no ni se Israyla izey se. ²³ Ni ma taabal te da jitti bundu, sa salleyanŋo ma te kambe-kar hinka, a taffeyanŋo ma te kambe-kar fo, a gusuyanŋo mo kambe-kar fo nda jare. ²⁴ Ni ma daabu da wura hanno, ni ma wura bonkunga te a se ka windi nda. ²⁵ Ni ma mee-jabbu te a windanta kambe , kambe- faâta fo wane, kan bon ni ga bonkunga kan i te nda wura a windanta bon kulu. ²⁶ Ni ma te tabulo se wura korbey taaci, ni ma korbey taaca dan a kangĥe taaca lokkotey ra. ²⁷ Korbey ga goro mee-jabo jare ga, i ga gobuyan dan i ra kan ga tabulo jare. ²⁸ Ni ma gobey te da jitti bundu, ni ga i daabu mo da wura, tabulo jare-yanŋo se. ²⁹ Ni ma faarantey da gulley-izey, da tassey, da haŋ-gasey sargey wonney, te da wura hanno. ³⁰ Ni ma sargey buru mo dake tabulo bon ay jine alwatikulu. ³¹ Ni ma fitilla gisi-yan nango te da wura hanno, fitilla gisi-yan nango mo kulu ni ga te da wura kan i goy; a cya, a bundo, a gasi-zo, a bosey da wone pomey mo ma cia a folon. ³² Kambe iddu no ga fatta fitilla carawey ga, kambe hinza fitilla gisi-yan nango caraw fa ga, kambe hinza fa mo fitilla gisi-yan nango caraw fa mo ga. ³³ Kambe fa hima ga baranda gasizey hinza kan ga hima nda amand cine kan ra gonda boosi nda pomme; kambu fo mo ga gasizey hinza kan ga hima nda amand cine kan gonda bossi nda pomme. Yadin cine mo no a hima nda kambe iddo kulu kan ga fatta ga fun fitilla gisi-yan nango go. ³⁴ Fitilla gisi-yan nango bundu-ize fo ga hima ga baranda gasou-ize taaci kan yan ga hima nda amand, kan yan ra gonda pomme nda boosi. ³⁵ I ma te mo boosi me gunguni fo fitilla gisi–yan nango kamba salante hinka cire kan go fitilla gisi-yan nango ga, boosi gunguni kambe hinka fo cire boosi gunguni hinka kambe fa mo cire, yadin cine no i ga te kambe iddo kulu kan yan go ga salle fitilla gisi-yan nango ga. ³⁶ Bossi gunguney da fitilla kambe sallantey i ma i kulu te a folon: a kulu mo wura koonu no i ga te da wura hanno mo. ³⁷ Ni ma fitilla iyye te kan i ga i gisi i gisi fitilla gisi-yan haro bon, zama i ma du ga kaaria jine. ³⁸ Ni ma silley pattiyan haro da boosu kuyyan taasey te da wura hanno. ³⁹ I ma fitilla nda nga goy jineyey kulu te da wura talent hanno fo ( danga wura kilo waytaaci cindi gu cine tiney noya.) ⁴⁰ Ma laakal dan mo ka te mata kan cine i deedandi se da din ka cabe ni se tondo bon.