¹ Irkoy ne Musa se: " Nin da Haruna ma ziggi ka koy Rabbi do, da Nadab da Abihu da Israyla Arkusu waaya, aran ma sududu za nangu moro. ² Musa hinne no maanu Rabbi; boro cindo mana maanu a do, jama si ga kaaru a bande mo. ³ Musa kaa ka ci jama se Rabbi wone sanney da Asaria kulu. Jama kulu margante tu da jinde beeri: "Iri ga te hay kulu kan Rbbi ci. ⁴ Musa na Rabbi me sanney kulu hantum. A tunu mo susuba za da hinney, a na sargey feema cina tondi-daaro cia ga nda tondi way cindi hinka Israyla kunda way cindi hinka se. ⁵ A na Israyla ize arkusu-yan samba, i ma sargey noyan te Rabbi se, i ma yeeji-yan wi ki ka salle saabu-yan sargay te Rabbi se. ⁶ Musa na kuro jara sambu, ka daŋ taasa beri ra, jara mo a na dooru sargey feema boŋ. ⁷ A na alkawolo tira sambu ka caw mo jama jine; i binde ne : "Ir gae hay kulu kan Rabbi ci, ir ga may a se mo. ⁸ Musa na kuru sambu, ga na dooru jama bon ka ne: " Alkawolo kuro ne kan Rabbi te da aran a wone sanno boŋ. ⁹ Musa kaaru nda Haruna, Nadab nda Abihu, nda Israyla arkusu way-ya. ¹⁰ I di Israyla Irkoyo, a cey cire go danga safir ŋyalawante kan i goye, danga beena wane hananeyoŋ. ¹¹ Rabbi mana nga kamba dake Israyla izey jine borey gaa. I di Irkoy, i ŋwa i haŋ mo. ¹² Rabbi ne Musa se kaaru ay bande tondo boŋ ma gooro noodin; ay ga ni no tondi tablu-yan, Asariya da lordey kan yan ay hantum jama dondonandiyan se. ¹³ Musa tunu nga da Yasua a koccia, Musa binde kaaru Irkoy tondo bon ¹⁴ A ne arkusey se: " Aran ma iri batu ne, kala watin kan se cine iri ye ga kaa aran do. Guna Haruna nda Hur ga goro aran bande; hala aran ra a fo gonda kalima, i do no aran ga koy. ¹⁵ Musa kaaru tondo boŋ, buru fo mo na tondo daabu. ¹⁶ Rabbi darza bangay Sinaï tondo ga, buro mo na daabu jirbi iddu, jirbi iyya, Rabbi na Musa ce buro bindo ra. ¹⁷ Rabbi darza bangadiyaŋo go danga danji tondo bon beene, Israyla izey moyey cire. ¹⁸ Musa furo burey bindo ra ga, a kaaru tondo bon. Musa goro tondo bon zari waytaci nda cini waytaci.