1 Gaa no Musa nda Israyla arkusey na jama lordi ka ne:lordey kulu kan yan ay n'aran lordi nd'a hunkuna,aran m'i haggoy. 2 A ga ciya mo,hano kan hane aran ga Urdun danandi ka furo laabo kan Rabbi ni Irkoyo ga ni no din ra, kala ni ma tondi bambata yan sinji k'i yonu nda karmaari. 3 Ni ma asariya wo sanney kulu hantum i gaa mo, d'aran danandi ka furo. Yaadin gaa no i ga yadda ni ma furo laabo kan Rabbi ni Irikoyo na alkawli nd'a ni se. 4 A ga ciya mo, d'aran na Urdun danandi, tondey din kan ay n'aran lordi nd'a hunkuna, aran g'i sinji Ebal tondo bon, k'i tuusu nd'a karmaari. 5 Ni ma sargay feema cina noodin mo Rabbi ni Irkoyo se da tondiyan. Guuru goy jinay kulu ma si lamba i gaa.