1 Pɔɔl Yeesu-Kristo atǝŋleeja, bayɩɖa nɩ alee atǝmka, aɖu nɩ afǝlǝ waa: A lǝ Gaja kalaabaarʋ asaŋsono, 2 Nɖee Gaja ga cee lǝ kaale ɖooɖooɖo na annabi mana na cɩrɩ kʋŋɔn ma, 3 Ŋgaɖee galee ʋpur baŋʋm Ɖaʋɖa abʋŋʋma nɩ ma, 4 Naa bayɩɖa nɩ na ŋŋuro ɖacɩrɩ cɩrɩ kɩ kashɩ waa: Gaja ʋpur, ʋŋǝnu aɖoo bakono nɩ laŋ, Yeesu-Kristo atɩnɖyar, 5 Agʋjɔɔ kʋgɩ ŋǝ na bayɩɖa atʋ waa: Batǝmka, naa gɩ pala mbaɖee kǝ ba yɔ Gaja na ma, ba wǝɖa na nɩ ʋcine na cu nɩ, 6 Bagɩ cuca nɩ Yeesu-Kristo ayɩɖa anyin gboo ma, 7 Mbaɖee baɖa Rom, balee Gaja abasɖɔka ba yɩɖa pɩ balee ɖacɩrɩ cɩrɩ kǝbɛrɛ ma; Gaja galee ataya na atɩnɖi yar Yeesu-Kristo bagʋjɔgʋɖa n'anyɩ n' 8 Ntɩ kʋma Gaja na Yeesu-Kristo aŋyɩɖa, aɖʋ anyɩnʋcine ɩwǝɖama, ɖulinya aŋunii ayɔʋ. 9 Aɖʋwaa: Gaja ɩ nna lee antǝma ma, n'ʋpur alaa baarʋ asoŋsono, balee sǝriya waa:Ntɩ lige anyɩnalaŋ baaŋjǝŋ. 10 N'tɩ nyiŋa baa ʋshile b'ʋpaŋa na, waa: ɩlee Gaja k'ʋciŋsɔlɔka na aŋfaanɩ ma pɩ atɩ jeɖe anyɩn.. 11 Ncɔɔtɩ yɛɛ waa mpɩ anyɩnasul naa aƒaŋa anyɩn gʋjɔɩ gʋpala ɩtoŋo gɩshɛbɔ ma, 12 Kokoo naa atɩ ganɔ gɩ ŋǝ ɩkaŋkɩrɩ aman awǝɖa ʋcine ,am n'anyɩn ma. 13 Kǝ ma nayɛɛ ɩnyir waa: Ntɩkpeɖe na yɛɛ ma pɩ anyɩnasul atɩ ŋǝanyɩn na ma ŋǝ akɔɖǝn aca ma anyɩnasul ɖaa ɩsamaa basaakasul ma, ama halɩ na nnyimǝ ɩnaa tɩ barasɛɛ amʋ. 14 Nji Grɛkɩ kǝbaja ʋɖa, nalesʋrabɔnɔ baja, na bayɔka na n'yashɛshɛ baja. 15 Galaŋ ntɩ yɛɛ ma pɩ atɩ lǝ anyɩn laabaarʋ asaŋso na kaalei anyɩnɩ ɩɖa Room ma. 16 Aɖʋwaa: kǝ ma wǝɖa laabaarʋ asoŋsonokɩ cifalana, ɩlee Gaja kɩ kashɩ ɩbʋmbɔnɔ kanɖi nsono njɩ ashee m'aaɖee bashee ɩja ma na, ashee yuɖaa kǝbaja ʋsǝbʋ nɩ, na Grɛkɩ kǝbaja gboo . 17 Aɖʋwaa na nɩ na Gaja kaɖeiɖei loa afaŋ ʋcine n'ʋcine, ɖaa baŋɔn waa: ʋcine ɩ ɖei ɖei yar awɛɖa ma, ʋnʋʋ pala aɖa ŋŋuronɩ. 18 Gaja kʋnyana ʋrgǝ nalaŋ ashee bɛrɛɩ bana lee alesʋra ɩbɔnɔ na ƒɔɩƒɔɩ najɩwa kalesʋra na mbaɖe balugo ɩja ma, 19 Aɖʋwaa bʋkɔɩ baaŋa ayɔ na Gaja ma, baƒaŋapɩ, Gaja gakaǰa asheepɩ. 20 Aɖʋwa Gaja kaɖeiɖei nɖee kǝ ba na ŋǝ na ma, ɩkashɩ nɖee kɩwada gayala na ma, ɖaa alee ɖulɩnya ma, gɩ ta taa akiɖeɩ. Ba lee bɛnɛka ba jɩ na pɩ sunru ma na, 21 Aɖʋwa ba yɔ Gaja, n'abǝla ʋyɔʋ, n'abǝla kǝ ba kʋma nɩ na; baƒaŋa nɩbali, na bɩƒolunɩ kagʋƒaŋa gʋshee ŋkomo. 22 Ba tɩ kʋma balɔ waa, Bawǝɖa gʋƒaŋa, ama nya shɛshɛ njɩ bawɛɖa; 23 Na batɔɔ Gaja kʋkʋmʋ kʋ naci na ma, na na kɛshɩɩ na bɛrɛ ba cika, bʋsapɩ, ɩsaʋ, n'ɩbu. 24 Galaŋ na Gja gapala pɩ ɖa ajɩwa kalesʋra nɩ, a ɖʋ bagɩnyinƒɔnɔ laŋ, batɔɔ balɔ na lee ƒɔɩƒɔɩ kalesʋra; 25 Batɔɔ Gaja kɩɩja aƒʋb n'ɩsǝi, ɖaa ba ni ba lee Gajaɩ gawaɖa alɩbarka nace nace ma, na ba cǝpra na lee ayɔkɔ bɔɔta. 26 Galaŋ na Gaja gapala pɩ baɖa yɛrɛ yɛrɛ: Aɖʋwaa: ba ba ka ba cǝpra na lee bʋkɔɩ kɩ sǝm ba lee na ma, na lee; 27 Basoro gboo, babǝla ɖaa ɩsǝm ba lee na ba baka ma, naa ,naa lee bʋkɔɩ kɩsǝm na ma, basɔlɔ mbɔnɔ kalesʋra nabɔbawor basoro alesʋraɩ kɩcɩm na ma, ba tɩ ba cam balesvra ɩbɔnɔ na bʋliu k'ʋɖa. 28 Ɖaa baƒaŋa nɩ kǝ ba na yɛ́ɛ́ ba yɛ̀ɛ̀ Gaja na ma na Gaja gapala pɩ ajɩwa kalesʋra nɩ, na bʋkɔɩ kɩsǝm na nɩ, 29 Bʋkɔɩ kɩɖa ɖeiɖei na ma, ɩrŋǝ na pɩ, ɩni nɩ gǝŋ mbɔnɔ kʋleʋ, asɔlɔ gɩtanɩ awu baamʋnʋ, awǝɖa gɩyɔɩ; Gɩnyiŋƒɔnɔ, bawor baŋŋuro kʋlaw, Gaboro, gɩ joto, awǝɖa mbɔnɔ atǝŋtǝŋ; 30 Kɔrɔmɔtɔ, saawara, arɛbɔnɔ, nakʋmabalɔ, naƒaŋa balɔ, naɖʋ balɔ gaɖuu kǝbatǝ na ma,na lɩm basaaka bambɔnɔ, kǝ bacu babaya na, Gʋƒaŋa gʋnyɩm pɩ aƒǝl, 31 Kǝ ba lee barɛŋǝrǝ na, kǝ ba na yu ashee ʋɖǝn na, kǝ ba na ŋǝ ʋɖǝn ʋshɛɩ na. 32 Gaja kɩ kǝma ɩɖa ashee pɩ, kɩlee waaba na lee alesʋra ɖe ma, kanɖǝnɖǝn na, amaba tɩ kʋma mbaɖee ba na lee ɩ ma.