¹ Fariisi kəbaja na babɔŋɔnja baɖoo na yərusalɛm awala ba Yeesu sul. ² Na ba ŋə Yeesu abakəŋja baɖə ba na jɩ ʋjɩʋ n'anyɛjɩwa kəba shire banyɛna. ³ Fariisi na Yuɖaa kəbaja kə ba ye na jɩ ʋjɩʋ kəba shire banyɛ gɩshɛbɔ ɖaa baŋano ba lə ba gʋshinɩ ma na. ⁴ Ba ta ɖoo na nɖɔŋka taagbaa laŋ shee ba shire banyɛ boŋo naye jɩ ʋjɩʋ, na ba kɔɔ aŋə alesʋra tuutuumaɩ ba gʋpɔ gʋbəla ma, ɖaa ɩkɔɔpʋ kʋraʋ, bʋbo kʋraʋ, nanyaanʋ arukɔ kɩja. ⁵ Na Fariisi na babɔŋnja bataba nɩ waa: Mʋlaŋ na kɩbakəmja kə ba na kʋn bʋɩ baŋono ba gʋshile gʋlə gʋlə ma na, baɖe batɩ jɩʋjʋ nanyɛ jɩwa kə ba shire banyɛ na? ⁶ na Yeesu abuye pɩ: Mʋnaafiki, Esaye acee bʋŋa lə annabi kabʋlei gɩshɛbɔ anyɩnaleŋ, baŋɔn waa: Samaa nɖe atɩ lee bɔɔta aganɔ nɩ, ama agɩfolu nɩ alɩŋ namʋ gaɖu. ⁷ Abɔɔta analee amʋ ma, fɔɩ na, atɩ cere bɛrɛ bafaŋ kagʋpɔ. ⁸ Ɩkɔɔna Gaja kagʋpɔ abəɖa naanaa kʋn bɛrɛ ba gʋshile. ⁹ Na akɔɔ alə pɩ aciŋə waa: ɩkɔɔna Gaja ko mʋra abəɖa yɔgʋ yɔgʋ, naa atoŋo anyu gʋpɔ. ¹⁰ Aɖʋwaa: Musa a lə waa: cu akawɛ n'akaŋaŋa; Na nɖee alim ayar kokoo anar ma, shee babɔ agʋtɔ acii. ¹¹ Nanyyɩn ɩna lə waa: ʋɖən ata lə ayar waa maa gʋjɔ ŋgʋɖe kʋ makaŋa nakɩ ama shee ma shee Gaja. ¹² Kɩ na pala nɩ alee akɔɖən ashee ayar kokoo anar na. ¹³ Ɩtɔɔ ayɩŋgʋshile ɩtɩ ma, akə na Gaja ka lei naa naa lee alesʋra kalesʋra. ¹⁴ Na akɔɔ ayɩɖa samaa aciŋə asul, na aləpɩ waa: ɖʋ ma amʋ gʋtɔ anyɩŋganɔ arəŋə. ¹⁵ Akɔɖən ɩmana ɩnakpa arɛ agʋlɔnɩ naa ba lə naa: Alee abɔnɔ ma; Ama bʋkɔɩ bʋ na ɖoo na nɩ ma, bʋ na pala baɖe ba lə waa: alee abɔnɔ. ¹⁶ Ʋɖən ata wəɖa atɔ na rəŋə, karɛ arəŋə gɩshɛbɔ. ¹⁷ Ŋkəlee apala samaa akpa afal ma, nabakəŋja bataba nɩ nkɔlɩ nɖe akəma kaashɩ. ¹⁸ Na alə pɩ waa: Anyɩn gboo, kɩwəɖa gʋfaŋa ɩtɩ kaashɩaa? Kɩrəŋə waa: Akɔɖən kɩ na kpa arɛ ancəna nɩ naa akpa nɩ ajɩwa na aa? ¹⁹ Aɖʋwaa: ɩni kɩ na kpa agɩfalu nɩ na, ama ancəna nɩ na na ɩna kpa, naa yetɩ doo agʋlɔ nɩ abəɖa. ²⁰ Na akɔɔ alə acəŋə waa: Bʋkɔɩ bʋ na ɖoo arɛ aganɔ nɩ ma, bʋ na kpa nɩ ajuwa. ²¹ Aɖʋwaa: acəna nɩ na, arɛ agɩfolu nɩ na afaŋa ɩbɔnɔ, gɩsna kalesʋra, fɔɩfɔɩ kalesʋra, bawor ba ŋŋuro kʋlaʋ. ²² Ʋpətəra, gɩlanɩ kʋsɔlʋ, mbɔnɔ kalesʋra, gɩjoto, n yasɛshɛ, gɩnyiŋfɔnɔ, ʋwor kʋciu na ma, gʋlɔfaŋaka, ʋtɛtɛleu. ²³ Ayɔkɔ ɩbɔnɔ ɖe, gɩfalunɩ na ɩna ɖoo, ina kpa arɛ ajɩwa. ²⁴ Yeesu atəbə ŋkəŋ ma, nace Tiir na Sdɔɔ kɩ kara kara nɩ. ²⁵ Akpa gafala gaɖən nɩ ma, ka na yɛɛ ʋɖən a yɔ na: Ama kasəra alugo agulɔ na. Aɖʋwaa: ʋsəmprə ɖən ʋpur ŋŋuro mbɔnɔ nɖe nɖa na nɩ, a rəŋə Yeesu aɖama, nace atɩ cim aŋyɩɩ. ²⁶ Ʋsəmprə de alee grɛkɩ fenisii kaja na. Aɖe tɩ pəlapəla nɩ waa: Akərə ŋŋuro mbɔnɔ ʋpur laŋ. Na Yeesu alənɩ waa. ²⁷ Pala bapi bajɩ akun naɩ. Aɖʋwaa: kɩ cəm batɔɔ bapi bʋjɩʋ aɖʋ bʋshimpiri na. ²⁸ Nʋsəprə ɖe abuye nɩ waa: Nɖiyar gasonojɩ ama, Bʋshimpirɩ bʋtɩ pomfufuri nɖe bapi bajɩ ɩɖoo təbiri laŋ afəɖa ma. ²⁹ Ŋkəŋ na alənɩ waa: galei gaɖe ʋlə ma laŋ, kʋla ʋʋuro mbɔnɔ nɖoo akapi laŋ. ³⁰ Akpa agaɖu afal ma, ʋpi aɖa lii laŋ ŋŋuro mbɔnɔ nɖe nɖoo ʋpi laŋ. ³¹ Yeesu atəbə tiie, akɔɔ apɩ siɖɔɔ nace Galilee katəŋku nace dekapola kaatəna nɩ. ³² Na ba pɩ na gacɔɔtɔ kaa na səra aləbʋlei na ma, apəlapəla nɩ waa: Atər anyɛ alaŋ. ³³ Na atɔɔ nɩ ace nʋpaŋpaŋa alɩŋ na samaa gaɖu, naa tɔɔ ɩsəwa akara atɔ nɩ, na tɔɔ a tabara gacɔɔtɔ ka gɩɖanʋ. ³⁴ Na ataa agayɛ alaŋ naa aŋur nɩkashɩ nálə waa: Efərata kashɩ na gəŋ waa: Tine akatɔ. ³⁵ Kpaarɩ natɔ ɩmana atine, agɩɖanʋ gɩkʋɖa aɖetɩlə bʋlei gɩshɛbɔ. ³⁶ Na Yeesu akaka pɩ ba paa tɩ lə ʋɖən arəŋə na, na alə pɩ cəŋə, na karagayɛ na lə jɩ baaŋkana gbagbara. ³⁷ Nɩɩ lee pɩ maamaaci abʋmbɔnɔ, baɖe batɩ ləwaa: Acɔɔ na lee alesʋra ɩsoŋsono nɩ: Na tɩne bʋcɔɔtɔ batɔ baɖe ba tɩləbʋlei.