¹ Yeesu aɖʋwo ŋkəm asnɛʋ ampanɩ na abakəŋja bater aŋkəm. ² Sabaatɩ kʋshɩle adetɩfaŋa Gaja kaaleɩ sinagɔɔgə nɩ, barɛ tuutuuma bade batɩ rəŋə, na bakpabiti naləwaa nkana aŋə nbʋde kabʋja bʋleɩ, ashenɩ, nkana aŋəma maci kalesʋra nde naleɩ. ³ Kile kafinta naa mari puraa yaakubu na yose na yudi na simɔ bʋŋono aa, na abanyəka basəmprə kəbada atɩŋnɩnɩ aa nakəba sheɩjana. ⁴ Ama Yeesu aləpɩ waa kəbana she andobi dən ɩja agədu na, koo ayarə mana nɩ koo a gafalanina. ⁵ Kaasəra ale mamacidə nakilee atən gʋnyɛ bashɛdɛkabadəm lam naa baŋə səʋci na. ⁶ Ɩtɩdanɩ biti daa kəbana she ɩja na ma Yeesu adetɩkpabʋpapiri nbʋɖee bʋsərpɩma na faŋapɩ Gaja kaaleɩ. ⁷ Na ayɩda abakəŋja təbnabanyɩʋ nanatəmpɩ banyɩnyɩʋ na asnepɩ ɩko banakərə aŋvro bɔnɔ. ⁸ Na aləpewaa bapatoŋo akodəm acəna gasanana nakile ʋbɔlʋna, ba paatoŋo babodobodo na ŋaa ʋfələ na baa Gɩtanɩ anyɩ bɛlɛtɩ nɩ na. ⁹ Laama anyɩnakɔkɔdɔ naa ɩpaatoŋo toko banyɩʋ na. ¹⁰ Naaləpɩ waa baa gafalagapaŋanɩ nɩɩ kpa dama gadʋ gadɔnkɔnɔ halɩ ɩpɩtɩshɛʋ. ¹¹ Ɩtakpa gadʋ gadən na barɛ kə bacamanyɩm na koo kəbarəŋə na anyɩmna dʋwo mankəm naa akʋŋkʋŋa anyɩnɩkeɩ kaŋtuli naa gənɩ gale səria ashepɩ. ¹² Nabacə atɩlə ndawa nfʋbaka kaaleɩ asheepɩ. ¹³ Bade batɩ kərə aŋʋrobɔnɔ tuutuuma, bade batɩfʋr bashɛdɛka tuutuuma bʋshi bade batɩŋə səʋci. ¹⁴ Gʋya Herodi atɩrəŋə banalə Yeesu agaleɩ ma aŋnyɩda npra batɩkʋma, naanaləwaa Yuhana amənakanabarɛ bʋto aŋənə bakononɩma lana ana kulna nɩ nale maa maaci k alesʋra. ¹⁵ Badən batɩ lẹwaa Eli na badən batɩlənɩ waa ale andobi dən na daa andobi badən ma. ¹⁶ Ama Herodɩ anarəŋə gən ma na analəwaa Yuhana ndee nsər aŋdi ma akɔɔkaŋənəaa. ¹⁷ Adʋwaa Herodɩ aceebʋŋapala bari Yuhana adʋnkupɔɔka adʋwaa atʋwaa aparə Filipu akare malan. ¹⁸ Nawaa Yuhana atɩlənɩwaa kɩsəm atʋwa a kapal akar na malam. ¹⁹ Herodiasɩ acam na Yuhana ʋnyana nayɛɛ akə Yuhana aci. ²⁰ Amakasərana a dʋwaa Herodɩ atɩcu Yuhana adʋwaa ayɔnɩ waa alee arɛ ndee a ada deɩ deɩ nada cɩrɩ cɩrɩ ma adetɩ kələkələnɩ, arəŋəgəma nɩleenɩ biti, na anyatra rəŋə nʋcɩŋkərka. ²¹ Ʋshile ndee Herodi anajɩ agajɩkalka kajɩŋarɩ ma na ajɩ ashee aŋtəma kɩsɔja kadibaja na galili kə baŋono. ²² Herodiasɩ ʋpur ʋsəŋprə akpa nku narɩgʋcəmama na akpagɩnyɩ ne ashee Herodɩ na ʋcɩnkərka na alə gapɩsimpigade waa bʋkɔ nbʋdee anayɛɛ ma ta bamʋ ntəmatsheekɩ. ²³ Na akɔɔ pele acam na mana waa bʋkɔ nbʋdee, ʋnataba mʋma ntəmatokɩ baa ma aŋgɩyarɩ kaŋsa ʋjɩ. ²⁴ Badʋwoma na ataba anar waa maakɔnɩ ma tabanɩ na anar alənɩ waa yuhana amənaka na bʋto aŋdi. ²⁵ Na alee were akpa Gʋyasul naa ataba waa ntɩyɛɛ ashe mʋ Yuhana Amənakabʋto aŋdi pɛrɛntɩ nɩ nnyəmə de. ²⁶ Nagʋya ʋcine ʋpɩyɛ ama daa acam namana kakɔɔ nayɛɛ ablana. ²⁷ Kpaarɩ na atəm acɔɔmɩ waa acə atɩ pi na Yuhana amənakabʋto aŋdi. ²⁸ Na acɔɔmɩ acə atɩlaa yuhana saraka naa atə də aŋdi aɖʋ pɛrɛntɩnɩ acə atɩshee gapisimpi na Gapisimpi gacə atɩshee anar. ²⁹ Yuhana abakəŋja barəŋəgəma, na bapɩ atɩtʋwaa gʋlɔ acə atɩfum. ³⁰ Na Yeesu abatəmka bawala asə Yeesu sul nanaa tam bʋkɔɔ nbʋdee baleɩ ma, na bʋkɔnbʋdee afaŋapɩ ma. ³¹ Na Yeesu a lə pɩwaa təbə ma a pɩ utəru nɩ atɩ ŋʋra ceɩ a dʋ waa ba cəka na ba kəwaka ba yɔgɔ na kə ba ŋə gayɛ bajɩ ʋjiʋ na. ³² Na ba cɔ atɩ kpa nyɩfoi nɩ a shɛɛʋ gʋsaʋ gʋfɔk utəru nɩ. ³³ Barɛ tuutuuma ba ŋə pɩ ba na cəma naa ayɔ pɩ na ba pəla ba ŋuni ba cu nɩ keɩ a tɔnɔ pɩ a kpa Gadu ngdee ba na cəma. ³⁴ Ba dʋwo nyifɔi nɩ ma na Yeesu a ŋə samaa a bʋnbɔnɔ na ba da nɩ ɩshɛɩ daa ɩbɔɔrɩɩ kə ba wʋda a paŋaka na ma. Na asəba na faŋa pɩ ayɔkɔ ɩbʋnbɔnɔ. ³⁵ Daa Gakɔŋkɔŋɔ ga tʋro a cə nnyɩ boŋoma naa ba kəŋja ba kəm a səla na nɩ naa naa lə waa atɩya ʋtərunɩ na, na Gakɔŋkɔ ŋɔ ga tʋro boŋo. ³⁶ Kərə pɩ ba cə bukoii na apa ɩjala ndee ɩsəla na Gadu ma a cə atɩ snɩ bʋkɔɔɩ ba jɩ ma. ³⁷ Na Yeesu a bʋye pɩ waa anyɩgilopi shee mapɩ ʋjɩʋ ba jɩ gɩcə atɩ sni bodo bodo ɩdenii ɩshɩnyɩʋ a shee pɩ ba jɩaa. ³⁸ Na lə pɩ waa bodobodo bayɩ nɩɩ wʋda na bacə atɩ kɩde naa abuye nɩ waa bodobodo banʋn na bʋfɩlɩ bʋnyɩʋ. ³⁹ Na aləpɩ waa tɩ ma pɩ atən akuloakulo a ŋɔ itolonɩ. ⁴⁰ Na basə bawor laŋ banʋŋ nʋn Halɩ barɛ ɩnyɩnatəb. ⁴¹ Na ataa bodobodo banʋn na bʋfilɩ bʋn yɩʋbʋde, naa ataa agayɛ atəŋə na ndila na akʋma Gaja naa adʋ aləbarɩ ka, na ashee a bakəja bayʋga ashee samaa ayʋga bʋfɩlɩ bʋnyɩʋ ashee baŋʋni. ⁴² Na baŋʋni bajɩ akʋn. ⁴³ Na ba kɔɔpɩ na bodobodo ka kələ bʋsnɛɛ təb na bʋnyɩʋ na bʋfɩlɩ nbʋ dee bʋsaa ma asneenɩ. ⁴⁴ Nbadee bajɩ bodobodo de ma ba pa barɛ kotoku nʋn. ⁴⁵ Kparɩ na apam a ba kəŋja a bakpa nyɩfoyi ni atɔnɔ na shɛʋ bɛtɛ si da kagʋsaʋ katam ade agɩlopi ade atɩkərə sama. ⁴⁶ Akərə pɩ boŋo ma na acə gʋbʋnʋ lan atɩ nyɩŋə. ⁴⁷ Gɩtəŋ shile gɩkpama nyifoyi nde nkpa Gato ka gɩcɩɩca boŋa, Yeesu aŋdədə a de naa da atən. ⁴⁸ Aŋə waa batɩ sara na nyɩfoyi nafar a dʋwaa gʋsərə gʋfʋba ʋwʋ gɩjɩ bɔŋɔ bʋkɔŋkɔŋɔ bʋ nan kalʋwa tʋ, na a sara bʋtolaŋ na cə atɩ wʋdapɩ, na ade atɩɛɛ afəl balaŋ. ⁴⁹ Ba ŋənɩ asara bʋtolaŋ na cə ma na ba tamwaa ʋkoŋso atʋka na basəba na kuro. ⁵⁰ Adʋwaa baŋʋni ba tɩŋənɩ, na bagɩfolu gɩ na təɖəpɩ, na Yeesu a na ləpɩ waa Amʋ na paamatədə gɩfoluna. ⁵¹ Na akpa na ʋdapɩ nyɩfoyi nɩ ma, na gʋsə rəgʋyide, na ɩle pɩ koro na ba kpa biti. ⁵² Na kəba tɩ kaashɩ mamaci kagʋlesʋra ngʋdee gʋleemana, adʋwaa bɩcine ɩce apiɛɛ. ⁵³ Badə gato boŋo ma na bapɩ Genesarɛɛ tɩ kaŋpanɩ naana wana ŋarɛ. ⁵⁴ Tam ndee barəgə nyɩfoi n nɩ kparɩ ma na barɛ baŋə Yeesu naa ayɔnɩ. ⁵⁵ Ʋsrəsrə nɩ na barɛ batoŋo basnɛ dɛka na ɩli na pɩ na mana bʋdu nbʋdee ba shɩ na rəŋə waa adama. ⁵⁶ Bʋdu bʋdən anakpama, apabʋnbɔnɔ, na apojala, na bʋkoyɩnɩ ba na tɩ bashɛdɛ ka bʋdu nbʋdee barɛ bana walama, bade batɩ nyɩŋə nɩ waa ashɩ pala basnɛdɛka bashɩ fɔm atoko nbadee bashɩ na fɔm nɩ ma ba na ŋə səʋcina.