¹ Sabatɩ a bon ma na Marii magedala kaja na Marii Yakubu na Salomee ba na ba shɩ ɩtʋlaarɩ bakaŋkəra na cə ba cə tɩ pɛŋpɛŋɛ Yeesu agʋlɔ. ² Bɔkɔɩ kʋ shile ʋsebaka Gaja kajaka nkələndee ʋshile ʋ na ta ma na ba cənkufo sul. ³ Bade ba tɩlə boŋnɩnɩ waa aŋa naá pəkəl ntala shee tʋ. ⁴ Bataa bɩ nyɩne akɩde ma na ba ŋə waan tala nbʋŋbɔnɔ nde ntɩne. ⁵ Na bakpa nkufonɩ naŋə gapisopi gadən Gadegasə gʋsonolaŋ akara ja ba fɔnɔ na ba gɩfolu gɩtədə pɩ. ⁶ Na alə pɩ waa paa ma tədə gɩfoluna: Yeesu Nazarɛtɩ kaja ndee bakal naa aŋənə ʋshɩle ʋrɩutaja aɖʋwo ma na ɩnayɛɛ aa? kakɔɔ da atɩyana. Kɩ de ma Gadʋ ngadee ba cee dʋnɩ ma. ⁷ Ama kɔɔ ma cɔ atɩ ləshee aba kəŋja na Pɩyɛɛrɩ waa atɩ saa nyɩn Galili: nkən na ɩnɩ ŋənɩ daa acee lənyɩn ma. ⁸ Na ba dʋwo nkufonɩ naa acuu aɖʋ waa asa mpəna na ntərətərə nkpa pɩ, na kəbakɔɔ alə ʋdən gado na gifolu gɩtədə ka laŋ. ⁹ Yeesu aŋə nə adʋwo nkufoni Gajaka bɔkɔɩ kʋsəbʋnɩ ma Marii magədalaa kaja ndee ace akərə aŋʋro bɔnɔ kulumima na atɔ nɔ afaŋa agʋlɔ. ¹⁰ Na a cə atɩ lə laabarʋ de a shee nbadee ba ba cee da na nɩ ma baŋʋni bade bada gakonɩ. ¹¹ Ba rəŋə waa ada nŋʋro halɩ aŋənɩ ma kə ba she ya na. ¹² Gəni kaŋkən na akɔɔ afaŋa agʋlɔ ashee barɛ ba nyɩʋ nbadee ba da ʋnyccalan na cə ɩwaralaŋma. ¹³ Na ba kɔɔ apɩ atɩ lə ashee basaaka, ba ni mɩnyaŋʋ kəba shee ɩja acəŋə na. ¹⁴ Ʋboŋʋnɩ na akɔɔ afaŋa agʋlɔ a shee aba kəŋja təb nʋdən bade ba səna jɩʋjɩʋ na anabor na pɩ ba gɩfolu gɩ kaŋkəra, na ba gifolu gɩtərətərə ka, adʋ waa kəba shee nbadee baŋə ʋŋənʋ adʋwoma ɩjana. ¹⁵ Na akɔɔ lə pɩ waa kʋlamaa acə ndʋlinyan nŋʋni nɩ acə atɩ lə ndi nsono kaa le ashee dʋlinyan aŋʋni. ¹⁶ Arɛ ndee ana shee ɩja naa ba mə na na nɩ bʋto a laa ma ataaŋə ndi nsono ama arɛ ndee ka shee ɩja na ma ataa ci. ¹⁷ Ŋəma maamaaci ka gʋlesʋra ngʋdee gʋnʋgʋkʋn nbadee ba nəba shee ɩja ma batəba naa kərə aŋʋro ɩbɔ nɔ na amʋyɩ ada, naba təba naa lə gɩkərə gɩfoli. ¹⁸ Ba təba naa ri ibu: baa badʋ ʋləmə ŋʋce kʋja bʋtonɩ ashe pɩ kəbanyəm aci na. Batəba naatər anyɛ ba shɛ dɛka laŋ naa bana ŋə səʋci. ¹⁹ Ndi yar alə pɩgən boŋo ma na abodo Alaŋ naa asə Gaja ka gʋnyɩ sonolaŋ. ²⁰ Na bacə atɩ na lə Gaja kaale bʋdu bʋŋʋnɩ ndiyar ade tɩle na pɩ ntəma bʋkɔɔ bana lɔ maɩde tɩlee na maa maaci a na kʋnpɩ ma.