¹ Gajaka gajaka futufutu, na basaraalaaja kaɖibaja ba wala nayɛɛ gʋfaŋ baɖe na ba ŋano, na babɔŋɔnja na yɛɛ gʋfaŋ baɖe na baŋono, na babɔŋɔnja ba sanɖusi kəbaja. Bari Yeesu akʋr nɩ ɩlɔ atɔɔnɩ atɩ shee Pilaati. ² Na Pilaati ataba nɩ waa: Akɩ na Yuɖaa kəbaja bagʋpayarɩ aa? Na Yeesu abuye nɩ waa ka ɖeiɖei n'ʋlə gəŋ. ³ Na basaraalaaja kaɖi baja bawala na paŋa na nɩ bʋlei tuutuuma. ⁴ Na Pilaatɩ ataba Yeesu acəŋə waa: kaatələ ashee pɩ aa? Kiɖe akpala gʋyagʋya ɩ bana ciu nak ɩ ma. ⁵ Yeesu kakɔɔ abuye pɩ gaɖən na, nɩkpa Pilaatɩ biti. ⁶ Baa jɩŋgaarɩ apaŋa na, batɩ laa sarka nɩ karɛ ɖən alam, nɖee samaa ana yɛɛ ma. ⁷ Sarka nɩ karɛ ɖən batɩ yɩɖa nɩ waa: Barabasɩ, babʋŋa aɖʋ ganʋ alee mbɔnɔ alaa ʋɖən aŋŋuro. ⁸ Na samaa ace atɩ na taba ganɔ, bʋkɔɩ ba cee na lee bagʋshile nɩ ma. ⁹ Na Pilaatɩ abuye pɩ waa: ɩtɩ yɛɛ ma lam Yuɖaa kəbaja ba gʋyarɩ aa? ¹⁰ Aɖʋwaa: Pilaatɩ agɩlopi gɩyɔ waa: Ncənyoro ŋji basaraalaaja kaɖibaja bari na Yeesu ashee nɩ. ¹¹ Ama basaraalaaja kaɖi baja bapiklə samaa balə waa ba lam Barabaasɩ. ¹² Na Pilaatɩ akɔɔ ataba pɩ waa: Baɩ na masara na nɖee ɩna yɩɖa waa: Yuɖaa kagʋyarɩ ma? ¹³ Na ba kɔɔ akuro a cəŋə waa: kal ma nɩ. ¹⁴ Na Pilaatɩ aləpi waa: mɓɔnɔ mpaŋa njɩ a lee? na ba kɔɔ akuro acəŋə waa: kal ma nɩ! kal ma nɩ! ¹⁵ Na Pilaatɩ ana yɛɛ alee bʋkɔɩ ba lə ma, na alam Barabaasi; Na shee ganɔ ba kəɖa Yeesu ɩpɛ, na shee ganɔwaa: bakal Yeesu gʋyo kaŋhʋra laŋ. ¹⁶ N'ɩsɔja batɔɔ Yeesu a kpana gasɔjafala nɩ n'ɩsɔja baŋunii ba wala. ¹⁷ Na ba tɔɔ ɩtoko barana akara Yeesu, naa alʋ ɩwiwə kaŋfu ɖaa ŋyarɩfu ma, atər anɖilaŋ. ¹⁸ Na baɖa na sala nɩ waa: Gɩ salakɩa yuɖaa kagʋyarɩ! ¹⁹ Nabatɔɔ gɩpɛ ɩ gɩɖa ɖaa ʋnɔɔlɩmɩ ma, akəɖa andi naa ashem nɩ atabara, naa a cəm bakəwəla akur atən aŋyɩɩ. ²⁰ Bakiɖe nɩ fɔɩ alɔgɔtɩɩnɩ aboŋo ma, na ba fɔdɔ toko aana nakɔɔ na ɩtoko ashe nɩ, naatɔɔ nɩ acə bakal. ²¹ Ʋsoro ɖən batɩ yɩɖa nɩ waa: Simɔɔ sirɛnɩ kaja, Alɛkɩsaɖina Rufuu ba ya na gəŋ aɖe ɖoo na awar na pɩ ma, na balee nɩ ɖoole a cam Yeesu agʋyo kaŋkʋra atoŋo. ²² Na batɔɔ Yeesu acə na gaɖuɩ ba na yɩɖa waa: Gɔlgota ma, kaashɩ na gəŋ waa: ʋɖikəwa kaaɖu. ²³ Na tɔɔ bʋkana ɩ baɖʋ mir ncən ma, ashee nɩ waa: Anyem, na abəla ʋnyem. ²⁴ Na bakal nɩ gʋyo kaŋkʋra laŋ, naa akəu ɩkɔɩ baŋə nɖee a tɔɔ atoko ma. ²⁵ Ɩɖe lee gakɔŋkɔŋɔ gariutaja, saanɖee bakal nɩ ma. ²⁶ Na ba ŋɔn kpalakɩ ɖən laŋ akal anɖilaŋ ɩna faŋa waa: Nnɖe na Yuɖaa kagʋyanɩ. ²⁷ Na ba kal bapɩtɩrɩ banyɩʋ, ʋɖən gʋnyɛsonolaŋ, asaaka gʋnyɛpɛnɛ laŋ. ²⁸ Ɖaa ʋŋɔn ʋlə ma, ɩlaƒʋ alee: waa: Baɖʋ nɩ mnɔnɔ baja bagɩcuca. ²⁹ Mbaɖee ba na fə ma, baɖe batɩ lim nɩ nafɩnɛ babʋnɔ, nalə waa: woo! Akɩɩ ʋlə waa: ʋtaa pi ʋnyiŋu kaafala, naa acəji ɩshile ɩriu ma. ³⁰ Fʋra akʋʋlɔ, akɩɩlopi, naa argə gʋyokaŋkʋra laŋ. ³¹ Na basaraalaaja kaɖi baja, na babɔŋɔnja ba nɩ gboo ba na bɩɩlɛɛ nɩ, na lə bawor naa afʋraka basaaka, na kasəra afʋna agɩlopi na! ³² Kristo Israɛl kagʋyarɩ argə gʋyo kaŋkʋna laŋ n nyimə gɩŋə naa gɩshee ɩja! Mbaɖee ba kal pɩ gboo ma, ba nɩ miaʋ basẹba na lin ni. ³³ Gakɔŋkɔŋɔ gakoloŋtaja gakə ma, na ŋkomo nshee gatəna gaŋuniila, halɩ bʋkɔŋɔ cɩɩnɩ. ³⁴ Gakɔŋkɔŋɔ cɩɩnɩ kaaja nɩ, na Yeesu akuro kəŋkəŋ kəŋ: Eloyi Eloyi lama sabatanii, kaashɩ na gəŋ waa: Amikoyar, amɩkoyar mʋ lee ka ʋbɔɖa amʋ. ³⁵ Mbaɖee baɖa ŋkəŋ ma, kəbaɖən barəŋə gəŋ ma, na ba lə waa: Atɩ yɩɖa Elii ³⁶ Nabʋɖən acu atɔɔ ʋnɔɔlumɩ apar ŋkɩsa asɔm finɛɛgɩ anam ashee nɩ anyem, na lə waa: pala ma gɩkiɖe aŋə ɩtajɩ waa Elii ataa pɩ atɩ rgə nɩ. ³⁷ Ama Yeesu akuro kəŋkəŋ naa anyəŋknə. ³⁸ Na paatusaŋ nɖee bakəl ʋnyiŋu kaafaala nɩ ma, afatrə akpala ɩnyɩʋ tɔɔ na alaŋ halɩ atə. ³⁹ Ɩsɔja ɩshɩnʋn banɖiyarɩ a yɩɖe ŋyɩɩ aŋə ɖaa Yeesu aciima, na alə waa: Gasono gasono ʋsoro nnɖe alaʋ alee Gaja ʋpur. ⁴⁰ Basəmprə baɖən baɖe bayɩɖe gaɖulɩŋka na kiɖe kəbaɖən pɩ gəŋ Marii Magɩɖalaa kaja, Marii Yakubu, Josee na Salomee bana. ⁴¹ Bacee natər aŋkəm na kaŋa na nɩ, ŋkelee aɖa galilee ma, na basaaka ɩ ba yàlà nɩ acee Yerusalɛm ma. ⁴² Gɩtəŋshile ʋshilè ʋna ci basəba na kpeɖe Sabaatɩ ma. ⁴³ Na Yosɛfʋ arɩmatee kaja akpa, aɖe lee gərma karɛl ana kal na bɛrɛ gʋfaŋa ma. Ʋni gboo atɩ saa Gaja kaayaritəna. Na atɔɔ ʋcine ace Pilaatɩ sul anyiŋə ganɔ Yeesu aŋkompa. ⁴⁴ Nɩlee Pilaatɩ biti ɖaa Yeesu were ma, na ayɩɖa ɩsɔja ɩshɩnʋn banɖiyar ataba nɩ, aci ma ɩlɩŋ. ⁴⁵ Ɩsɔja ɩshɩnʋn banɖiyar alə nɩ kɩja ma, na atɔɔ Yeesu aŋkompa ashee Yosɛƒʋ. ⁴⁶ Na Yosɛfʋ ashɩ nkuro nfunka na ma, naa arge Yeesu gʋyo kaŋkʋralaŋ, naa apar nɩ ŋkuro naa aɖʋ nɩ ŋkufo nfɔlɩ bako gʋtakəwa nɩ naa apiklə ntala a cəʋ ŋkufo kaanɔ. ⁴⁷ Marii Magɩɖalaa kaja, na marii Yosee anar baɖe ba yiɖe na ŋə gaɖuu baɖʋ nɩ ma.