¹ Yeesu a ɖoo ʋnyiŋu koŋku nɩ ma, natəŋka dən a lə nɩ wáá, nɖiyar, ŋə ntala mpaŋa na gaƒala gapaŋa jɩ gəŋ! ² Na Yeesu a lə nɩ wáá, ʋ ŋə ɩfala ɩbʋmbɔnɔ ɖe aa? Kɩ ɖa atala atalagoŋ na kɩ fəɖa na. ³ Olifiye kagʋbʋnʋ laŋ atəŋə n'ʋnyiŋu kaafaala jɩ gəŋ. Na Piyɛr, Jakɩ na Juan na Andree gboo ba taba nɩ gbaa ɖaa gəŋ ma. ⁴ Lə atʋ, nnyən gani gaɖe ga pɩ na lama apaŋa na ba yɔ na ma wáá ayɔkɔ do ɩ lee? ⁵ Na Yeesu a lə pɩ wáá lee ma nɖən ɖən, páà ma pala ʋɖən a páàpáà anyɩn na. ⁶ Aɖʋwaa baɖən ba tə ba pɩ n'amʋyɩɖa a lə bɛrɛ tuutuuma waa amʋ na. ⁷ Anyfaŋa ɩ páà jɩ ŋŋɔ ɩ na ta naa rŋə gʋtara kabulei na ŋkəmprə na aɖʋwaa ɩ sim alesʋra ɖe ɩ pɩ. Ama ɩni gboo kɩ lee ʋboŋu na gəŋ na. ⁸ Gatəna gaɖən ga tə ga na təŋə gatəna gafɔlɩ, garɩtəna gboo ga tə ga təŋə gafɔlɩ gboo, bʋtəna bʋ tə bʋ tor bʋdu tuutuuma na gakɔnja ga tə ga ɖa ɩ nu lee bʋyoro kʋsəbʋ. ⁹ Anyɩŋgɩlopi lee ma nɖəɖən Ba tə ba yala anyɩn ashee ɩkəmfala gəŋ ma ta tə ba kə anyɩn sɩnagɔɔgɩ kɩfala nɩ ba tə ba yɩɖa anyɩn ɩkəma gominantɩ sul, ayɩɖa anyɩn bayarɩ su amalaŋ ɩ laa səriya ashee pɩ ma laŋ. ¹⁰ Ɩ sim ʋsəbʋ nɩ, ba pɩ na laabaarɩ asoŋsona bʋtəna bʋŋunii nɩ. ¹¹ Ba ta toŋo anyɩn atɩ yala, páà ma lee shika na bʋkɔɔ ɩ nɩɩ lə ma na ama lə ma bʋkɔɔ ba shee anyɩn gakɔŋkɔŋɔ gaɖe nɩ kpaarɩ ma aɖʋwaa kɩ lee anyɩn ɩ nɩɩ lə bulei na ama ŋŋuro nsoŋsono n nɩ lə bulei. ¹² Gʋŋona gʋ tə gʋ yala gʋpala ashee bʋce, gʋya gʋ tə gʋ yala ʋpi bapi atɔɔ shee baɖe ba wala alee ganɔ asəu babaya akə pɩ ba cii. ¹³ Ba tə ba ŋa anyɩn amaloŋ ama arrɩ a na shɩ yiɖe cɩŋcɩrɩŋcɩ ma, a ɖoo na ndɩ. ¹⁴ Ɩ tɩɩ ŋə ba na pɛmpɛŋɛ bʋ kɔɔ ka bʋ cəm na gaɖuu ɩ səm ma, arɛɩ a na lee ma a lee nɖənɖən gəŋ ma mbaɖee ba ɖa Juɖee ba cu akpa abʋnʋ laŋ. ¹⁵ Arɛɩ a da ŋku loŋ ma, a páà rŋə a kpa gafala nɩ a tɔɔ akoɖən na. ¹⁶ Arɛɩ a ɖa awar ma a páà kɔɔ ŋkən atɩ tɔɔ ataka na. ¹⁷ Nɖi ncika ashee ashee basəmprə mbaɖee ba da na acəna ma na mbaɖee ba na nyara bapi ɩshilé ɖe nɩ ma. ¹⁸ Nyiŋə ma ayɔkɔ ɖe ɩ páà pɩ njisʋɖa kasaa na. ¹⁹ Adʋwaa kishile, ɖe nɩ kʋcinpɩyka kagʋsʋra gʋ ma na ɖoo ɖaa Gaja ga lee ɖulunya halɩ atɩ kpa ʋrɔŋ ma, na kagʋsʋra ka gʋ kɔɔ ɖa ayɔ na. ²⁰ Maa ndɩyar ka faa ɩshilé ɖe na maa ʋɖən ka ɖoo na nɖi na bɛrɛ mbaɖe laŋ ma na gəŋ mbaɖee ba na kʋn nɩ ɖeiɖei ma. ²¹ Ʋɖən a ta lə anyɩn wáá Kristo a ɖa atɩya koo a awáá, páà shee nɩ ɩja na. Aɖʋwaa Kristo na aɖebi ɩsəi kəbaja ba tə ba ɖoo. ²² Ba tə ba lee maamaci kalee abɔ na bɛrɛ bafaŋa (babakaarɩ) ɩ ta daa gəŋ ma. ²³ Kɔɔ ma na laakaari n cee tɩ lə ma anyɩn batʋŋaka anyɩngɩlopi anyɩn bʋŋunii. ²⁴ Asampəna kɩshile de kaŋkən, ʋshilè ʋ tʋʋ mən aŋɔrɔ naŋɔrɔ ka kɔɔ akər na. ²⁵ Lŋɔrɩpi ɩ tɩɩ fəɖa na ɖoo nɖəla laŋ naa atugo tugo ɩkashɩ baja mbaɖee ba ɖa ŋkən ma. ²⁶ Gəŋ ma ba tə ma ŋə arɛ́ ʋpur a tʋ ŋkomo ŋaŋkra nɩ nɩkashɩ ma n'ʋciŋkərka. ²⁷ Gəŋ ma a taa təm ɩmalaika ba tɩ wala ɖulunyan kɩfɩrɩmɩ ɩnan halɩ nɖəla kaayala kaɖisaŋka baja. ²⁸ Tɔɔ ma gʋfidiiyo kalei akɛɛshɩɩ acere n'anyalɔ. Kɔla ɩ ta tɩ nyɔŋkrə na kabɔ ɩ səbʋtaʋ, ɩ yɔ wáá nɖusʋɖa nsəla səla boŋo. ²⁹ Gani kaŋkəŋ ɩ ta tɩ na ŋə ayɔkɔ ɖe, yɔ ma wáà arɛ́ ʋpur a səla na gʋcaŋkɔ. ³⁰ N tɩ ləanyɩn ɩja, saamaanɩ nɖe k'a fəl naa ayɔkɔ ɖe ɩ páá pɩ na. ³¹ Nɖəla na gatəna ɩ tɩɩ fəl ama abʋlei ka bʋ ƒel na. ³² Ama bʋkɔɔ bʋ shee lee ʋshilé na gokɔŋ kɔŋɔ ma ʋɖən ka yɔ na baa ɩmalaɩka ba ɖa nɖəla nɩ ma, ʋpi gboo ko yɔ na she gʋya anyɖənɖən. ³³ Kɔɔ ma na laakaarɩ, na ma na kəwərə kɩfonyine na nyiŋə aɖʋwaa kɩ yɔ sáà nɖee gakɔŋkɔŋɔ gaɖe go naa ko ma na. ³⁴ Ɩ nɩɩ ɖa ɖa ɖaa arɛ a ce gasana apala agafala a shee abatənleeja ba naa kiɖe naa ashee baa aŋa antəma a lee ma naa alə gʋcaŋkɔ kakiɖəka a naa kɔɔ na laakaarɩ. ³⁵ Lee ma laakaarɩ aɖʋwaa kɩ yɔ saa nɖee gafala yar a naa kpa ma na, gɩjibɔŋɔ jɩ aa? Koo n ʋshilé koo njɩkʋɖɩ koo gajaka. ³⁶ Lee ma laakaarɩ a páà kpa a wʋɖa anyɩn ɩ na fol ma kpaarɩ na. ³⁷ Lee ma laakaari, ŋgaɖee n na anyɩn wáà, bɛrɛ baŋunii pɩ n lə na shee.