¹ Kpaarɩ na Yeesu ana kɛɛshɩɩ galeɩ na shee pɩ waa ʋsoro dən atəʋka arɛsɩŋyo naa akəl karaa naa alee gadʋ tʋŋka bʋto naa acəgʋma naakəl naa akaya. ² Na atəbə npa. Ayɔkɔ laaka katam na atəm atəŋleja dən waa Acə nbadee ba hayagawara ma sʋl acə atɩ cam ɩjɩrɛsɩŋpi. ³ Na barinɩ akə naa akərə nɩ asnɛʋ anyɛ ɩkɔnɔ. ⁴ Na akɔɔ atəm atəŋlejafɔlɩ asneepɩ na bakə nɩ naa alaa aŋdi. ⁵ Na akɔɔ atəm atəŋleja ariutaja na bakənɩ naa akə bafɔlɩ badən tuutuuma a laa aŋʋro. ⁶ Ʋboŋʋ nɩ akɔɔ a wʋda ʋpɩ asɔlɔka dən na atən nɩ asnee pɩ na na ləwaa ba tə ba she ampi jiri ma. ⁷ Na ba hayaka gawaara ba nalə banɩnɩ waa ŋəma tɩɩbi yar pɩ ma gɩkənɩ acii naa tii bi apra ataja. ⁸ Na barɩnɩ akə nɩ aci naa ataanɩ abəda alən na ga rɛsiŋ wara. ⁹ Nnyɩmə bayɩna rɛsiŋ kaa wara kandiyar a naa aleegəm ataa pɩ atɩ kə nbadee bahaya gawara ma naa təwa ashee barɛ bafɔlɩ. ¹⁰ Kɩtʋr galeɩgade ʋŋɔnnɩ aa ntala ndee ba cəkana aku ba bəda ma nlee kant ala nŋərə. ¹¹ Na ndiyarə ʋsɔlʋ nɩ na ɩpragəŋ ɩlee maa maaci ka gʋlesʋra ashee atʋ. ¹² Bade batɩyɛɛ waa shika, batɩ kaa shɩ waa bade pɩ Yeesu a lə Galeɩ gade ashee na ba təbə nkən ashɛʋ. ¹³ na ba təŋ Fariisi kə baja badən na Herodi a baja, a shee Yeesu waa ba cə atɩ tulonanɩ agɩlopi abʋleɩ. ¹⁴ Na ba pɩ atɩ lənɩ waa Afaŋaka gɩyɔwaa ʋle ɩja, na kana le nʋdən shika na adʋ waa kanakɩde waa arɛ da atɩya na akɩtɩfaŋa Gaja kʋnyʋca na ɩja gəma ɩshe ganɔ waa gɩ səla səsaarɩ laŋpoaa gɩ səla nɩ yaa gɩ paa səlanɩ na? ¹⁵ Yeesu ayɔɔ ba gɩmʋnafiki na abʋye pɩ: waa mʋleka ɩna taa mʋ ɩlɔɔ? Pɩ ma na dən iie dɔŋkɔnɔ naa na ŋə. ¹⁶ Na ba pɩ na deniie adɔŋkɔnɔ na Yeesu a tabo pɩ waa aŋa a foto na aŋa ʋŋɔnnagən, na ba lənɩ waa se saarɩ ajɩee. ¹⁷ Na alɔ pɩ waa sheema sesari sesari ayɔɔkɔ naa ashee gaja, Gaja kayɔɔ. Na a galee gade ga kpa pɩ biti. ¹⁸ Sadʋsu kəbaja nbadee ba cee na ləwaa ʋŋəm adʋwo nkufonɩ ma na ma ba pɩ Yeesu suɩ naa naa taba nɩ Galeɩ gade. ¹⁹ Afaŋaka ŋə bʋkɔ nbʋdee Musa aŋɔn tootʋma ʋdən ataci naa apala akarə ndee kaŋɔnama a parə a naa təwa gɩkoŋka naa təwə ʋŋono a bʋŋʋ ma. ²⁰ Na ba par bapakulumi asəbaka atʋwa naa aci kawʋda bʋŋʋma na. Na ba par bapa kulumi asəbaka atʋwa naa aci kawʋda bʋŋʋma na. ²¹ Anyɩʋ taja atʋwa gɩkoŋka naa aci pala kaŋʋna gəŋci ariʋtaja gboo gənci. ²² Gəŋci barɛ kʋlumi badee ʋdən kaŋɔna baŋkəm na ʋ səprə gboo aci. ²³ Ʋŋənʋkʋ shile kapaŋa naa atʋwa ʋsəprə? Adʋwaa barɛ kulumi bade batʋwaanɩ. ²⁴ Na Yeesu abʋye pɩ waa kɩda vliu maa adʋwaa ki na tɩ kaa shɩ ʋŋɔn na kɩ na tɩ kaa shɩ Gaja kɩka shɩ na. ²⁵ Bakono bʋŋənʋkʋ shɩle basoro kəba kɔɔ təwa ba səmprə na gəŋci ba səmprə kəba kɔɔ ako ba sorona, a ma ba nəbapra daa ɩmalayɩka mana ma na ndila lan. ²⁶ Daa bʋkɔɔɩ bʋle bakono bʋŋənʋ na kɩtʋr musa a gʋbɔnɩ ngadee Gaja galə nɩ gʋyo ngʋdee gʋ na cam ʋtonʋ ama kʋ na snɩ ʋtonu na maa amʋna Abraham a Gaja, amʋna ɩsaka a Gaja, amʋna Yaakubu a Gaja. ²⁷ Gaja kaa lee bakonoba Gaja na ama aŋʋro baja ba Gaja ba Gaja jɩ. Ɩda ʋtərutəru ʋbʋŋbɔnɔnɩ. ²⁸ Abɔ ŋɔnja dən adʋnɩ gʋtɔ a bʋliləkanɩ ma na a tam waa Yeesu a cee bʋye sadʋcɩ kaja na na akəm asəla nanɩ naa ataba nɩ waa: bʋkɔ bʋpaŋa bʋ leeka bʋ səba ka? ²⁹ Na Yeesu abʋye pɩ waa ŋə ma bʋsə bakə rəŋə ma na ɩsəraɛl atɩŋdiyar Gaja a lee ʋdɔŋkɔnɔ na: ³⁰ na sne a sɔlɔ a kɩɩkoyar Gaja na akufolu gɩŋʋni, na akaɩŋro nŋʋni, na akafaŋa ɩŋʋni, na akɩ ka shɩ ɩŋʋ ni. ³¹ Ŋə ma ʋfɔlɩ ʋtaa sɔlɔ akʋwor daa akɩlo pima ŋʋkɔ bʋŋbɔnɔ bʋdən kən bʋ kɔɔ wu a wana. ³² Na abɔŋɔnja alə nɩ waa ɩcəm afaŋaka ʋlə na ɩja waa Gaja galee ʋdɔŋkɔnɔna na ʋdən ka kɔɔ da kɩ lee ʋ ni na. ³³ Na asɔlɔ nɩ na akɩɩfolu gɩ ŋʋni, na aka faŋa ɩŋʋni, na akinŋʋro nŋʋni, na akɩ ka shɩ ɩŋʋni a sɔlɔ a kʋwor daa akɩɩ lopima, ɩcəm awu a shile ɩleeka na ɩ sava balaaka. ³⁴ Yeesu aŋə waa atələ na gʋfaŋama na a lə nɩ waa k'a lən na Gaja kaa yarə təna na na ʋdən kaa kɔɔ asəra atabakɩ bʋle na. ³⁵ Yeesu atɩ təwə ʋfaŋʋ ʋnyɩŋʋ kaŋku nɩ na naa lə waa maakɔ lanna babɔŋɔnja bana lə waa Kristo alee daʋda ʋpur na? ³⁶ Daʋda agɩlopi nŋʋro nsoŋono nrəŋə nɩ, na alə waa, Gaja ɩko yar alə amʋdi yar waa apɩ atɩ sə aŋgʋnyɩ sonolaŋ halɩ ma wala akɩ bɛrɛ mana apɩ na akɩnnyɩ anyɩ pɩ. ³⁷ Daʋda agɩlopi atɩ yɩ da nɩ waa ndiya rashee le baye na na le ʋpur? Na samaa abʋbɔnɔ ade atɩ dʋ nɩ gʋt nʋ ciŋkərka. ³⁸ Ʋfaŋʋ nɩ na a na lə pɩ waa rima anyɩ ŋbawor na ba bɔŋʋnja nbadee bana yeeyee na ɩja ba balamaka na na sala barɛ bʋ ɖʋ nbʋ dee barɛ bana walama. ³⁹ Aŋa na yɛɛ aboyɩɩ ɩsəbaka sinagɔgɩ nɩ na bʋdu səbaka ɩjɩŋgaarɩ kabudu. ⁴⁰ Nbadee bana canna bakoŋka ayɔkɔ ɩfa la nɩ ma na na taŋa taŋa pi nɩ nyʋŋu la moka ma batə ba cəm na pɩ ɩkəma ɩbʋbɔnɔ. ⁴¹ Yeesu ade sənyarɩ boyilaŋ naŋə daa samaa ana kəʋ ɩtanɩ ma bataŋja ba na dʋ ɩtanɩ tuutuuma ma ba na dʋ ɩtanɩ tuutuuma ma. ⁴² Na aŋə gʋna ʋkoŋka dən ashɛɛ rɛ adʋ ceŋji bajala ba nyɩʋ ɩde fələ na ŋasaa ka. ⁴³ Na yeesu ayɩda abakəŋja naa alə pɩ waa gʋna ʋkoŋka ashɛɛr nde adʋ a wu ŋarɛ baŋʋni. ⁴⁴ Ba saaka ba she daa ŋa sɔlɔ ma a ma ade ashee bʋ kɔɔ awʋda bʋ ŋni nbʋdee awʋda atoŋo na aŋʋr o ma.