¹ Gaja gakʋɖa gaka ma, basaraalaja kaɖibaja mpa kə ba ŋono baɖa na yɛɛ gʋfaŋa ɩ ba kə na Yeesu ma. ² Bari nɩ akʋr ɩlɔ, naa ace na nɩ atɩ shee gominantɩ karɛ ɖən ba tɩ yɩda nɩ waa pɔɔsɩ pilaatɩ. ³ Ŋkələ Yuɖaasɩ aŋə waa ba kə Yeesu agale i ma, na alee nshɩŋyɔ, ńakɔɔ na ɩtampi akoo na təb atɩ shee basaraalaaja na baŋono, ⁴ naa lə pɩ waa: Nlee taalɩ atɔɔ ɖlumyar ashee. Na ba buye nɩ waa: Gani kaawa atʋ na ɩsaa na akasul. ⁵ Na yuɖaasi akɔɔ na ɩtanɩ abəɖa ʋnyiŋu kaafala nɩ. ⁶ Na basaraalaaja bapom ɩtanɩ ɖe n'a alə waa: kɩshee gana waa gɩɖʋ ɩtanɩ ɖe gataŋɖu ɖʋka na aɖʋwaa akɔnɔ kɩtanɩ nɩ. ⁷ Bawala a lee asəŋsi aboŋo ma, na ba tɔɔ ɩtanɩ ɖe atɩ shɩ nɖee a na cə bʋbo ma, agawara ba naa fun basana ɩ ba ci ma. ⁸ Galaŋ na ba na yɩɖa gawara gaɖe waa: Akɔnɔ kaawara halɩ nʋrɔŋ. ⁹ Ŋkəŋ na ŋgaɖee annabi yeremii abʋŋalə ma, ɩlee; waa batɔɔ ɩtampi akoo na təb nɖee ɩsəm na Ɩsraɛl bapur ma; ¹⁰ Ashɩ na ndee ana cə bʋbo ma, agawara ɖaa ɩkoyar alə waa: Ma lee ma. ¹¹ Na ba tɔɔ Yeesu ace na gaminantɩ sul na gominantɩ ataba Yeesu waa: Akɩ na yuda kəbaja bagʋ yarɩ aa? Na Yeesu abuye nɩ waa ganɩ jɩ ʋlə gəŋ kaɖei ɖei. ¹² Ama mbʋɖee bɔsaraalaaja ba na cən na nɩ ma kabuye pɩ na. ¹³ Ŋkəŋ na Pilaatɩ alə nɩ waa: rəŋə alesʋra gʋya gʋyaɩ ba na cən na kɩ maa? ¹⁴ Yeesu ka kɔɔ abuye gominantɩ abʋlei bʋŋunii kaaɖən na, ŋkəŋ nɩ́kpa gominantɩ biti. ¹⁵ Baa jɩŋgaari baa apaŋa na kagʋshile gominantɩ laa sarka karɛ ɖən alam. ¹⁶ Sarka nɩ karɛɖən aɖe ɖa nkəŋ ba tɩ yɩɖa nɩ waa: Barabaasɩ. ¹⁷ Baŋunii bawala ma, na pilaatɩ atabapɩ waa: aŋa na ɩna yɛɛ waa: malaa nɩ a lam, Barabaasɩ yaa Yeesu nɖee ɩna yɩɖa waa: kristo ma? ¹⁸ Aɖʋwaa bagɩlopi bayɔ waa: Ncəŋyoro njɩ barɩ na Yeesu. ¹⁹ Pilaatɩ asə ɩkəma kamboi laŋ na cimɩkəma ma, n'akar acə atɩ lə nɩ waa: Gaɖən gapaa tɩ ɖa akɩnnʋsoro ɖei ɖei karɛ ɖe anyɩŋgɩcuca na oo! aɖʋwaa: Ʋrɔŋ ɖe njɩ ɩshɛɩ gʋɖa nɩ ʋsoro ɖe laŋ. ²⁰ Na basaraalaaja na baŋono bapɩkɩl samaa waa: ataba barabaasɩ laŋ, naa ba kə Yeesu. ²¹ Na gominantɩ ataba pɩ waa: Baŋa nɩna yɛɛ waa ma lam? na batələ waa; Barabaasɩ. ²² Na pilaatɩ a lə pɩ waa: Baɩ n'ɩnayɛɛ waa: Ma sara na Yeesu ŋɖee ɩna yɩɖa waa: Kristo ma? na baŋunii balə waa: Bakal nɩ. ²³ Na gominantɩ alə waa: mbɔnɔ mpaŋanjɩ alee? Na ba pɛmpɛŋɛ akuro kəŋkəŋkəŋ waa: bakalnɩ. ²⁴ Pilaatɩ aŋə waa: kaasəra pɩ na, samaa pɛmpɛŋɛ na pele ma, n'tɔɔ bʋto, ashire anyɛ baŋyɩɩ n'alə waa: Mmana ɖeiɖei karɛ nɖe agalei nɩ ɩsaa ńanyɩnasul. ²⁵ Ŋkəŋ na samaa aŋunii atələ waa: Akɔnɔ kaalei gafəɖa atɩnna atɩbapi atɩnɖɩ laŋ. ²⁶ Ŋkəŋ na Pilaatɩ alaa barabaasɩ alam; Naa akəɖa Yeesu ɩpɛ, naa atɔɔ nɩ ashee batɩ kal nɩ. ²⁷ N'ɩsɔja batɔɔ nɩ ace na roma kəbaja bagakəmcəmɖu naa awala asul asər nɩ akal. ²⁸ N'afɔdɔ ɩtoko naa akara nɩ ntukupəʋ nrana. ²⁹ Na ba lʋ ɩyiwə kaŋfu asiu anɖilaŋ, n'atɔɔ ʋrʋkətɛmʋ aɖʋ agʋnyɛsono nɩ, na bawala acəm bakəwəlaŋ Yeesu aŋyɩɩ na lɛʋ nɩ haa naa bɩɩlɛɛ nɩ lə waa: Gɩtɩ salakɩ Yuɖaa kagʋyarɩ! ³⁰ Na bashem nɩ atabara, acam na nɩ ʋrʋkʋtɛmʋ akəɖa anɖi. ³¹ Babɩɩlɛɛ nɩ aboŋo ma, na bafɔɖɔ ntukupəʋ nrana naa akara ayɔɔkɔ, naa tɔɔ nɩ acə na ma batɩkal. ³² Baɖoo na ce ma, na bawa na sirɛɛnɩ kʋsoro ɖən batɩ yɩɖa nɩ waa: simɔɔ, na ba lee nɩ ɖoole acam na Yeesu gʋyokaŋkʋra atoŋo. ³³ Bakpa Gɔlgɔta kaaɖu ma, kaashɩ na gəŋ waa: ʋriɖikəwa. ³⁴ Na ba tɔɔ ana agɩshɩmʋ acəkala na bʋkana ashee nɩ waa: Anyem; Akəm aŋə ma, na'bəla kanyem na. ³⁵ Bakal nɩ aboŋo ma, nabayʋga ɩtoko naa akəʋ ɩkɔɛ ba ŋə arɛ ɖee atɔɔ agaɖaŋciki ma naa galeiɩ annabi abʋŋa lə ma, ɩlee, waa: ba kəʋ ɩkɔɛ aŋgaɖaŋciki laŋ. ³⁶ Baboŋo ma, na basə na jɛlɛ nɩ. ³⁷ Na ba ŋɔn kalakɩ laŋ waa: nɖe na ba na yɩɖa waa: Yeesu, Yuɖaa kəbaja bagʋyarɩ. ³⁸ N'a akal bapɩtɩrɩ banyɩʋ, ʋɖən gʋsono laŋ asaaka gʋpɛnɛ laŋ. ³⁹ Mbaɖee ba na fəl ma, baɖe ba tɩ lim nɩ, na fɩnɛ bʋnɔ. ⁴⁰ Na lə waa: Akɩ nɖee ʋlə waa: ʋtaapi ʋnyiŋu kaafala naa, acə jɩ ʋshile ʋriutaja ma, fʋra akʋlɔ akɩɩlopi! ɩtajɩwaa: ʋlafʋalee Gaja ʋpur rəgə gʋyɔkaŋkʋra laŋ. ⁴¹ Basaraalaaja kaɖibaja na babɔŋɔnja, na baŋo no, ba ni gboo baɖa na kiɖe nɩ fɔɩ na lə wao: ⁴² Afʋra basaaka, ama kasəra afʋra agʋlɔ na, ɩtajɩ waa: ʋni na israɛl kagʋyarɩ, arəgə gʋyo kaŋkʋra laŋ naa gɩshee nɩ ɩja. ⁴³ Aɖa na kantaŋ na Gaja ma; Gaja garəgə nɩ nnyəm ə na gɩ ŋə, ɩta jɩ waa: Gaja gasɔlɔ nɩ. Aʋwaa a lə waa: Amʋ na Gaja ʋpur. ⁴⁴ Na baptɩrɩ maʋ baɖa na lim nɩ gboo. ⁴⁵ Tɔɔ na bʋkɔŋkɔŋɔ bʋ koloŋ ace bʋkɔŋkɔŋɔ cɩɩnɩ nkomo ntashee gatəna gaŋunii laŋ. ⁴⁶ Bʋkɔŋkɔŋɔ cɩɩnɩ kasaa na Yeesu akuro kəŋkəŋkəŋ na lə waa: Elii Elii lamasabaatanii? kaashɩ na gəŋ waa: Amɩkoyar amikoyar, mʋ lee ka ʋbəɖa a mʋ. ⁴⁷ Mbaɖee baɖa ŋkəŋ ma, bʋɖən arəŋa ma, n'alə waa: Atɩ yiɖa Elii. ⁴⁸ N'ʋɖən acu kpaarɩ atɩ tɔɔ ŋkɩsa apar na gɩpɛ asɔm finɛgrə nɩ acɛkpɛ cɛkpɛ ashee nɩ anyem. ⁴⁹ Ama basaaka baɖe ba tɩ lə waa: Gɩyɩɖe akide ŋə, ɩta jɩ waa: Elii ataa pɩ atɩ fʋra nɩ. ⁵⁰ Na Yeesu akɔɔ akuro kəŋkəŋkəŋ naa cii. ⁵¹ na paatɩɩsaŋ nɖee batəw ʋnyiŋu kaafa gabʋmbɔnɔ nɩ ma, afater akpalanyɩʋ tɔɔ n'alaŋ halɩ atən, gatəna gatatar, abʋnʋ ɩta paɖa. ⁵² Cɩrɩ cɩrɩ kəbɛrɛ ɩ ba bʋŋ afun ma bakufo ɩta tine bakɔɔ aŋənə. ⁵³ Baɖoo akufo nɩ ma, n'aɖa ŋkəŋ, Yeesu aŋənə ma, na bayeta akpa cɩrɩ cɩcɩ kampa nɩ bɛrɛ tuutuuma ba ta ŋə pɩ. ⁵⁴ Ɩsɔja ɩshɩnʋnyar na mbaɖee baɖa nkəŋ natʋŋa Yeesu ma, ba ŋə ɖaa gatəna gatar, na bʋkɔɩ bʋsara ma, na sampəna ɩbʋmbɔnɔ ɩkpa pɩ, na lə waa: ʋsoro nɖe alafʋ alee Gaja ʋpur. ⁵⁵ Basəmprə tuutuuma ɩ ba tər aŋkəm ɖoo Galilee nakaŋana nɩ ma, baɖe bayiɖe gaɖulɩŋka na kiɖə. ⁵⁶ Basəmprə baɖe kə baɖən pɩ gəŋ Marii magɩdalaa kaja, na Marii Yaakubu na Yosɛfʋ bana, na sebeɖee bapur bana. ⁵⁷ Gɩtatəŋshile laŋ n'ʋsorotaŋja dən, batɩ yɩɖa nɩ waa: Yosɛfʋ, aɖe lee Yeesu akəŋja ɖən. ⁵⁸ Acə pilaatɩ sul, atɩ nyiŋə ganɔ waa: Bashee nɩ Yeesu aŋkaŋpa. Na Pilaatɩ ashee nɩ ganɔ. ⁵⁹ Na Yeesu alaa ŋkoŋpa, atɔɔ ŋkuro nfɔnɔ par na Yeesu. ⁶⁰ Na'acə na nɩ atɩ ɖʋ ŋkufo nfɔlɩ ako gʋtakʋw ələ nɩ ashee agʋlɔ ma. Nápikil ntala aciʋ ŋkufo kaanɔ n'afəl ashɛʋ. ⁶¹ Marii magɩɖalaakaja na Marii asaaka basə asəla na bawaor ŋkufo kaanɔ. ⁶² Gajɩkʋɖaka ɩɖe lee sabaatɩ kʋshilekpeɖəka, na basaraalaaja na fariisi kəbaja baman ace Pilaatɩ sul. ⁶³ Na a lə nɩ waa: Nɖiyar gɩtɩ lige aseirɛ ɖe ŋkələ aɖa ŋŋuro nɩ ma, waa: ʋshile ʋriutaja aɖə ataa kɔɔ aŋənə. ⁶⁴ Galaŋ shee ganɔ batʋŋa ŋkufo alɩ ʋshile ʋri utaja, naa abakəŋja ba paa tɩ nyim aŋkoŋpa, naa a lə samaa waa: Aŋənə aɖoo bakono nɩ na. Ɩni kɩjɩsəi ɩtɩɩ wu ɩsəbaka. ⁶⁵ Na Pilaatɩ alə pɩ waa: ɩwəɖa batʋŋaka; kʋla ma atɩ tʋŋa ɖaa ɩna yɛɛ ma. ⁶⁶ Na ba ce ŋkufo kaanɔ ba na na ntala aboŋo ma, na ba sə na tʋŋa.