¹ Bɔkɔɩ Kʋshile ʋṣǝbaka, Maarii magɩdalaa kaja ace akufo nɩ ŋjɔkʋɖɩ futufutu, akpa ma, naa aŋǝ ntala nɖee ba cɩʋ nkufo kaanɔ ma nɖe mpile pile aɖa gʋsaʋ. ² Na acu ace Sɩmɔɔ Pɩɛɛr na yeesu akǝŋja nɖee Yeesu asɔlɔ awu ma sul, naa alǝ pɩ waa: Ba laa nɖiyar nkufo nɩ na ku yɔ gaɖuu baɖʋ nɩ ma na. ³ Pɩɛɛr na Yeesu akǝŋja baɖoo ace akufa nɩ ⁴ Na ba bɛrɛ banyɩv ba man acuu ace. Ama Yeesu akǝŋja asaaka ace were were atɔnɔ pɩɛɛr akpa akufo nɩ. ⁵ Na akur atǝn na jeɖe, akɩsa nɖee ba par na Yeesu ma ɩɖe ɖa atǝn. Ama ka kpa nkufo nɩ na. ⁶ Sɩmɔɔ Pɩɛɛr atǝr aŋkǝm, akpa ma, naa kpa nkufo nɩ, Na aŋǝ akɩsaɩ ba parapara Yeesu ma, atǝn. ⁷ Na nkuro nɖee ba sɩʋ Yeesu anɖi ma nɖe nɖa gʋsaʋ, ama nɖe ŋpɩlepile aɖa gʋsaʋ afǝlǝ. ⁸ Na Yeesu akǝŋja asaaka aye kpa nkufonɩ mɩaʋ, na ba ŋǝ naa ashee ɩja. ⁹ Ka nkǝlǝ kɩ ka na ye pɩ ɖaa ʋŋɔn ʋlǝ waa: Yeesu ataa ŋǝnǝ aɖoo bakɔnɔ nɩ ma na, ¹⁰ Na Yeesu abakǝnja ba kɔɔkɔɔ ashɛʋ bagaɖu. ¹¹ Ka ŋkǝlǝ nɖe Marii aɖe yiɖe nkufo kaanɔ aka na yu. Kur atǝn na jeɖe nkufo nɩ. ¹² N'aŋǝ malaɩka banyɩv baɖe ba kara ayɔkɔ ɩfɔnɔ asǝ gaɖuu ba ɖʋ Yeesu aŋkoŋpa ma, ʋɖǝn sǝ gaɖuu anɖi nɖa ma, asaaka ata sǝ gaɖuu ɩkei ɩɖa ma. ¹³ Na ba taba n‌ɩ waa: Ʋsǝmprǝ, mʋ lee ka ʋ na yu? Na tǝlǝ ashee pɩ waa: Ba tɔɔ amʋnɖiya ma laŋ na nna yu, kǝ ma yɔ gaɖu ba ɖʋ nɩ ma na. ¹⁴ Alǝ gǝŋ ma, na cǝpǝra ma, naa ŋǝ Yeesu aɖe yiɖelaŋ ama ka yɔ waa: Yeesu yiɖeka na. ¹⁵ Na Yeesu a lǝ nɩ waa: Ʋsǝmprǝ kɩ, mʋ lee ka ʋna yu? Mʋ lee ka kɩ? Marii ɖe tǝm waa: Nɖee ana tʋŋa akufo ma na, na alǝ nɩ waa: Ʋŋono, ɩta jɩ waa: Akɩ tɔɔ ka nɩ lǝ mʋ gaɖuu ʋɖʋ nɩ ma naa ma ce atɩ tɔɔ nɩ. ¹⁶ Na Yeesu a yiɖa nɩ, Marii! Na acǝpǝra alǝ nɩ na ɛbʋnʋ ka gɩkǝrǝ waa: Rabunii! Kaashɩ na gǝŋ waa: Acereka! ¹⁷ Na Yeesu a lǝ nɩ waa: Paakana fɔm amʋna: Aɖʋwaa kǝ ma kana boɖo amawɛɛ sul na. Ama kʋla ce atɩ ŋǝ ambasoro, alǝ pɩ waa: Ntɩ boɖo amawɛɛ nɖee a lee anyɩnaya ma, na Gaja na anyɩn Gaja sul. ¹⁸ Na Marii magɩɖalaa kaja ace atɩ lǝ Yeesu abakǝŋja waa: Aɖe ŋǝ nɖiyar na alǝ nɩ bʋlei bʋɖe. ¹⁹ Bɔkɔɩ kʋshile ʋsǝbaka ɖe, ka gɩtǝŋshile, gaɖuu Yeesu abakǝŋja baɖa ma, ka caŋkɔ ɩɖe rim aɖʋwaa: Asampǝna ɩtɩ kpa pɩ na Yuɖaa kǝbaja, na Yeesu akpa asǝ bagɩcuca, na lǝ pɩ waa: Fɛɛ aɖa ashee anyɩn. ²⁰ Alǝ pɩ gǝŋ boŋo ma, na afaŋa pɩ anyɛ n'ʋbo. N'ʋciŋkǝrka ʋpɩ ashee pi bakɔɔ ŋǝ nɖiyar ma. ²¹ Na Yeesu alǝ pɩ acǝŋǝ waa: Fɛɛ aɖa anyɩnasul! Ɖaa amawɛɛ atǝm amʋ ma, amʋ gboo ntɩ tǝm anyɩn. ²² Alǝ gǝŋ aboŋo ma, naa wu gʋsǝrǝ balaŋ a lǝ pɩ waa: Cam ma ŋŋuro-nsoŋsono. ²³ Mbeɖee ɩtǝɖǝ bambɔnɔ ma, ntɩŋtǝɖǝ; Mbeɖee kɩ tǝɖǝ pɩ na ma, bambɔnɔ ntɩnɖa. ²⁴ Nkǝlǝ Yeesu apɩ basul ma akǝŋja Tomaa nɖee ba na yiɖa waa: Ɖiɖim ma, ka ɖa bagicuca na. ²⁵ Na bakǝŋja basaaka ba lǝ nɩ waa: Gɩ ŋǝ nɖiyar . Ama na alǝ pɩ waa: Na kǝ ma ŋǝ anyɛ ka kulu na, na kǝ ma kara aŋgɩsǝwa ɩca bakal nɩ ma kakulu nɩ na kǝ ma shee ɩja ayɔ na. ²⁶ Ɩcǝm ɩshile ganaana ma, Yeesu abakǝŋja ba saŋ wala aciŋǝ aɖa gafala nɩ, arim acaŋkɔ, Tomaa ɖe ɖa nkǝŋ. Na Yeesu akpa asǝ bagɩcuca, na alǝpɩ waa: Fɛɛ aɖa ashee anyɩn! ²⁷ Na alǝ Tomaa waa: kim nakusɩwa apɩ, kɩɖe amnyɛ, bɔlɔ akʋʋnyɛ, naa akara amʋbo nɩ: Paa kaŋkǝr gɩfolu na, she ɩja. ²⁸ Na tomaa alǝnɩ waa: Amʋnɖiyar na aŋ Gaja! Na Yeesu a lǝ nɩ waa: ²⁹ Ʋŋǝ amʋ ma, laŋ n'ʋshee ɩja ǝa. Nɖinsono ashee ɩnbaɖee kǝ ba ŋǝ na, naa shee ɩja ma. ³⁰ Na Yeesu akɔɔ lee maamaaci kalesʋra tuutuuma abakǝŋja baŋyu, ama kǝ ba ŋɔn alesʋra ɖe gʋbɔ ŋgʋɖe nɩ na. ³¹ Ama ba ŋɔn aleʋra ɖe naa ɩshee ɩja waa: Yeesu lee ka Kristo, Gaja ʋpur, ɩta shee ɩja ɩtu ŋǝ ŋŋuro na aŋyɩɖa.