¹ Yeesu a lǝ a leesʋra ɖe aboŋo ma, náɖen na abakǝŋja bace seɖɩrrɔɔ kaato kʋpaŋpaŋa gʋɖɛɛ gʋɖǝn gʋɖa nkǝŋ na ba kpa gʋɖɛɛ gʋ ɖe n ɩaɖen na abakǝŋja. ² Yudaasɩ nɖee ana yɛɛ atɔɔ nɩ ashee ma, ayɔ gaɖu gaɖe, aɖʋwaa Yeesu nábakǝŋja ba ceetɩ ɖa gaɖu gaɖe. ³ Yuɖaasɩ aɖe toŋo ɩsɔja mana na bɛrɛɩ basaraalaaja na Fariisi kǝ baja ba tǝm pɩ baɖe ba toŋo ɩfɩtɩla nɩ́bɔlʋ na ataryɔkɔ ace nkǝŋ. ⁴ Yeesu a cee yɔ bʋkɔɩ bʋ nɩ bʋ wǝɖa nɩ ma, na a sara awa na pɩ, ataba pɩ waa: Aŋa nɩɩna yɛɛ? ⁵ Na ba tǝlǝ ashee nɩ waa: Yeesu Nasarɛɛtɩ kaja. Na Yeesu a lǝ pɩ waa: Amʋ nnokama. Yudaasɩ nɖee a na yɛɛ a tɔɔ nɩ ashee ma, aɖe ɖa bagɩcuca. ⁶ Nkǝlǝɩ Yeesu a lǝ pɩ waa: Amʋ nnaakama ma, na ba kɔɔ gɩkǝmgɩkǝm afǝɖa atǝn gɩrɛŋgɩrǝŋ. ⁷ Na akɔɔ ataba pɩ aciŋǝ; Aŋa nu na yɛɛ? Na ba lǝ waa: Yeesu Nasarɛɛtɩ kaja. ⁸ Na yeesu a tǝlǝ ashee pɩ waa: Naa nlǝ anyɩn waa: Amʋ nnookama. Ɩta lafʋjɩ waa: Amʋ nɩɩ na yɛɛ, Pala ma mbaɖe bashɛʋ. ⁹ Ana lǝ ga nɩ ma, naa galei ɩ ba bʋŋa lǝ ma, ɩ lee waa: Mbaɖee ʋhee amʋ ma, kǝ ma bǝɖa bʋɖǝn na. ¹⁰ Na Simɔɔ Pɩɛɛr ɖe toŋo gapɔɔ ʋpafoi nɩ, na ma na ka gapɔɔ asɔ asaraalaaja abʋmbɔnɔ atǝŋleeja a gʋtɔ gʋsono a sɩr kʋ. Ba tɩ yɩɖa atǝŋleeja ɖe waa: Malɩshuusɩ. ¹¹ Na Yeesu a lǝ Pɩɛɛr waa: Kara akaapɔ ʋpafoi nɩ. Kɩsim ma nyem gakupi ŋgaɖee amawɛɛ ashee amʋ maa? ¹² Nɩ́sɔja ma na, bakǝm cɩmja, na Yuɖaa kǝbaja ba ri Yeesu akʋr nɩ ɩlɔ. ¹³ Na ba ce na nɩ Aanɩ gaɖu boŋo naɩ: Aɖʋwaa Aanɩ a lee ka kayiifu ʋyǝʋ, ka iifu alee basaraalaaja banɖɩyar kaaja gaɖe nɩ. ¹⁴ Kayiifu acee ka akal na Yudaa kǝbaja gʋfaŋa waa: Ɩwǝɖa aŋfaanɩ waa arɛ ɖɔŋkɔnɔ a cii ashee samaa. ¹⁵ Simɔɔ Pɩɛɛr na Yeesu akǝŋja ɖǝn, ba tǝr Yeesu aŋkǝm Akǝŋja ɖe ba cee a yɔ nɩ waa: A lee asraalaaja bʋmbɔnɔ atǝŋleeja na, na baɖeŋna Yeesu ba man akpa asaraalaaja bʋmbɔnɔ a gakalaŋ; ¹⁶ Ama na Pɩɛɛr ayiɖe aka gakukonu. Na ŋɖee abʋŋa lee asaraalaja bʋmbɔnɔ atǝŋleeja ma, adoo alǝ na ʋsǝmprǝ nɖee akǝl gakukonu ma waa: Apala Pɩɛɛr akpa pɩ. . ¹⁷ Nkǝŋ na ʋsǝprǝ nɖee akǝl gakukonu ma, alǝ Pɩɛɛr waa: Akɩ gboo kalee ʋsoro ɖe abakǝŋja kʋ́ɖǝnaa? Na Piɛɛr a lǝ waa: «Aaɩ.» ¹⁸ Batǝleeja nɩ́sɔja mbaɖee ba na cam bɛɛ akpa na nku ma, ba bʋra ʋtonu na shele aɖʋwaa: Ʋnyǝŋkrǝ ɖe kpa gaɖu, Pɩɛɛr ɖe ɖa basul na shele ʋtonu mɩyaʋ. ¹⁹ Násaraalaaja abʋmbɔnɔ asǝba na taba Yeesu bʋlei abakǝŋja ńʋceru ɩ a na cere. ²⁰ Na Yeesu abʋye nɩ waa: Nlǝ na Sama gbagbaraa; naa asaŋkɔɔ acere sɩnagɔɔgǝ na ʋnyiŋu kaafala gabʋmbɔnɔ nɩ gaɖuu Yuɖaa kǝ baja ba na wala ma, kǝ ma lugo gaɖǝn na. ²¹ Maakɔ laŋ na ʋna taba mʋ gǝŋ? Taba pɩ bʋkɔɩ nlǝ pɩ ma, mbaɖee baɖʋ gʋtɔ arǝŋǝ ma, ba yɔ bʋkɔɩ. Nlǝ ma. ²² A lǝ gǝŋ ma, nísɔja bʋɖǝn ɩ a ɖa nkǝŋ ma, asɩnɩ Yeesu gʋnyɛ a lǝ nɩ waa: Gǝŋ ci atǝlǝ ashee asaraalaja abmbɔnɔ aa? ²³ Na Yeesu a lǝ nɩ waa: Ɩta jɩ waa kǝ ma lǝ gɩshɛbɔ na, faŋa mʋ ŋgaɖee kǝ ma lǝ gɩshɛbɔ na ma; ɩta jɩ waa: N lǝ gɩshɛbɔ, mʋlaŋ nʋ́ɩmʋ gʋnyɛ? ²⁴ Na Aanɩ atǝm ba ce na nɩ kayiifu asaraalaaja bʋmbɔnɔ sul baɖe bakʋr nɩ ɩlɔ. ²⁵ Simɔɔ Pɩɛɛr aɖe ɖa nkǝŋ na shele ʋtonu. Na ba lǝ nɩ waa: Akɩ gboo kalee abakǝŋja kʋɖǝn aa? Na ajɩ gɩwʋlʋ a lǝ waa: Kǝ ma lee akǝŋja na. ²⁶ Na saraalaaja bʋmbɔnɔ abatǝŋleeja kʋɖǝn a na lǝ Pɩɛɛr agalei saa nɖee a ka gapɔɔ asɩr gʋtɔ ma, na waa: Kǝ ma ŋǝ akɩ nna nɩ gʋɖɛɛ nɩ aa? ²⁷ Na Pɩɛɛr awǝla acɩŋǝ. Nácɩrɩ akʋl kpaarɩ. ²⁸ Na batɔɔ Yeesu kayiifu gaɖu a ce na roma ka gominant‌ɕagakǝmcǝmɖu gajakajaka ba kpa ma naa ayiɖe aka kǝ ba kpa gakǝmcǝmɖu nɩna, naa ba paa tɩ kpa ba lɔ ajɩwa na, naa ba sǝra ajɩ paakɩ. ²⁹ Na Pilaatɩ aɖoo awa na pɩ, a lǝ pɩ waa: Gapaŋa jɩ ɩna ciu nʋ́soro nɖe? ³⁰ Na ba tǝ lǝ ashee nɩ waa: Maa ka lee arɛbɔnɔ na maa ka g ɩri nɩ a pɩ nákasul na. ³¹ Pɩlaatɩ ka ŋǝ gabɔnɔ gaɖǝn na ma, na a lǝ pɩ waa: Tɔɔ ma nɩ anyɩnŋgilopi cim ma na nɩ ɩkǝma ɖaa anyɩŋgʋpɔ gʋlǝ ma. Na Yuɖaa kǝbaja ba lǝ nɩ waa kɩ shee atʋ gan‌ɕwaa: Gɩ kǝ ʋɖǝn a cii na. ³² Naa daa Yeesu acee lǝ ma ɩlee, nkǝlǝ a na lǝ pɩ bʋce mbʋɖee a naa cii ma. ³³ Na Pilaatɩ akpa ɩkǝma kaŋku nɩ, naa ayɩɖa Yeesu ataba nɩ waa: Akɩ na Yudaa kǝbaja bagʋpayarɩ aa? ³⁴ Na Yeesu abuye n‌ɕwaa: Akulopi ʋnalǝyaa ba lǝ kɩ na aŋgalei? ³⁵ Na Pilaatɩ atǝlǝ ashee nɩ waa: Nlee yuɖaa kaja aa? Aka samaa na basaraalaaja kaɖibaja ba rɩ ka kɩ apɩ námasul: Mʋn'ʋlee? ³⁶ Na Yeesu abʋye nɩ waa: Aŋgayarɩtǝna kaalee ɖulɩnya nɖe nɩ kaa ja na. Maa aŋgayarɩtǝna kaa lee ɖulɩnya nɖe nɩ kaa ja na. Maa aŋgayaritǝna galee ɖulɩnya nɖe nɩ kaa ja jɩ, maa ambakǝŋja ba cǝ gʋtara ashee amv. Naa Yuɖaa kǝbaja ba paa sǝra amʋ na; Ama aŋgayarɩtǝna kaa ɖa atǝn tɩya na. ³⁷ Na Pilaatɩ a lǝ nɩ waa: Gǝŋ ma, akɩna gʋyar ɩaa? Na Yeesu atǝ lǝ ashee nɩ waa: ʋcɔɔlǝ jɩ, amʋ nagʋyarɩ ga laŋ na baŋʋm amʋ, mpɩ ɖulinya nɩna ma laa sǝriya ashee ɩja. Arɛ nɖee ɩja kʋpi ma, a na ɖʋ amʋ gʋtɔ. ³⁸ Na Pilaatɩ ataba nɩ waa: Mʋnʋ bayɩɖa waa: Ɩja? Alǝ gǝŋ aboŋo ma, náɖoo ace tɩ wǝɖa Yuɖaa Kǝbaja naa lǝ pɩ waa: Kǝ ma ŋǝ gabɔnɔ gaɖǝn n'ʋsoro de na woo. ³⁹ Ama, ɖaa ɩ ɖa waa: Ba iam sarka nɩ karɛ ɖǝn anyugʋshile paakɩ ka jɩŋgaarɩ kasaa ma, ɩtɩyɛɛ ma lam Yuɖaa kagʋpayarɩ aa? ⁴⁰ Nkǝŋ na bakuro: Aaɩkɩlee ʋni na, ama Barabaasɩ. Barabaasɩ aye lee mbɔnɔyar na.