¹ Anyɩnɩfolu ɩpaa tǝɖǝ anyɩn na. Shee ma Gaja ɩja naa shee amŋ gboo ɩja. ² Bʋɖu tuutuuma bʋɖa ama wɛɛ a gafala nɩ. Maa kɩ ɖa gǝŋ na, maa n lǝ anyɩn, ntɩ ce matɩ pɛmpɛŋɛ gaɖu ashee anyɩn. ³ Ntace, naa tɩ pɛmpɛŋɛ gaɖu gaɖe ashee anyɩn baŋo, ntǝ ma kɔɔkǝwa apɩ, atɩ tɔɔ anyɩn ace na ma. Naa gaɖuɩ nɖa ma anyɩn gboo ɩɖa nkǝŋ. ⁴ Ɩyɔ gaɖuu nna ce ma, naa yɔ ʋnyɩŋca. ⁵ Na Tomaa alǝ nɩ waa: Nɖiyar, ku yɔ gaɖuu ʋna ce ma naa; Baɩ na gɩlee a yɔ ʋnyɩŋca? ⁶ Na Yeesu a lǝ nɩ waa: Amʋ na ʋnyɩŋca, Amʋ na ɩja, amʋ na ŋŋuro. Ʋɖǝm amana akpa ama wɛɛsul na kárɛ ka kʋn námʋ na. ⁷ Ɩta yɔ amʋ, ɩyɔ ama wɛɛ gboo, tɔɔ na nnyimǝ ɩyɔ nɩ naa aŋǝ nɩ. ⁸ Na Filipu a lǝ waa: Nɖiyar, foŋa atʋ aka wɛɛ naa ganɩ kanɖǝnɖǝn gafana atʋ. ⁹ Na Yeesu alǝ nɩ waa: Ɖaa nɖa anyɩnasul ma ɩlɩŋ, na ka yɔ amʋ aa Filiipu! Arɛ aŋǝ amʋ ma, aŋǝ ama wɛɛ; Baɩ n'ʋkɔɔ na lǝ waa: faŋa a tʋ ama wɛɛ? ¹⁰ Ka shee ɩja waa nɖa ama wɛɛ nɩ, n'ama wɛɛ aɖa namʋ aa? Bʋlei mnʋɖee nna lǝ anyɩn ma, analee alesʋra ɖe. ¹¹ Shee ma amʋɩja, nɖa, ama wɛɛ nɩ, n'ama wɛɛ aɖanámʋ; shee ma ɩja a lesvra ɖe laŋ. ¹² Ɩja, ɩja, ntɩ lǝ anyɩn, arɛ nɖee ashee amʋ ɩja ma, ataa lee alesʋra nɖee nnalee ma gboo, ataa leeɩ kɩbʋmbɔnɔ, aɖawaa ntɩ ce ama wɛɛ sul. ¹³ Bʋkɔɩ ɩnyiŋǝ námʋyɩɖa ma, ntɩ ma lee, naa ba kʋma gʋyà ʋpur nɩ. ¹⁴ Bʋkɔɩ ɩshɩ anyiŋǝ námʋyiɖa ma, ntɩ ma lee. ¹⁵ Itaji waa: sɩṣɔlɔmʋ, toŋo ma ama pɔ. ¹⁶ Naa ma nyiŋǝ ama wɛɛ, ashee anyɩn apǝla ka afɔlɩ nɖee a naa ɖa anyɩnasul na ce nace gayala ga mana ma. ¹⁷ Ɩja kaŋŋuro nɖee ɖulinya kaa sǝra acamŋji na ma ka na ŋǝ ŋji na, ka yɔ ŋji na; Ama anyɩn, ɩ yɩ ŋjɩ aɖʋwaa: Nɖa anyɩnasul, naa aɖa anyɩn ni nì. ¹⁸ Kǝ ma pala anyɩn gɩkompi na, ntɩ ma kɔɔ pɩ anyɩn asul. ¹⁹ Ɩta kɔɔ alee cei ɖulinya kaa kɔɔ na ŋǝ amʋ na; Ama anyɩn, ɩtu naa ŋǝ amʋ, aɖʋwaa: Nɖa ŋŋaro nɩ nányɩn gboo ɩɖa ŋŋuro nɩ. ²⁰ Kʋshile ɖe, ɩtu lafʋ ayɔ waa: Nɖa ama wɛɛ nɩ nányɩn ɩ ɖa námʋ, námʋ nɖa anyɩn nɩ́ nì. ²¹ Nɖee atoŋo aŋgʋpɔ na kʋn kaɖeiɖei ma, kárɛ asɔlɔ kámʋ. Nɖee asɔlɔ amʋ ma, ama wɛɛ ataa sɔlɔ nɩ, ntɩ ma sɔlɔ nɩ, naa afaŋa nɩ aŋgʋlɔ. ²² Juuɖi, k ɩlee ɩsɩkarɩyɔɔtɩ na, a lǝ nɩ waa: Nɖiyar baɩ na ʋ naa faŋa atʋ akʋʋlɔ na kaafaa ɖulinya na? ²³ Na Yeesu atǝlǝ ashee nɩ waa: Arɛ nɖee asɔlɔ amʋ ma, shee kárɛ a toŋo aŋgalei, naa ama wɛɛ asɔlɔ nɩ, gɩ tɩ gɩ pɩ asul, aɖa na nɩ. ²⁴ Nɖee kasɔlɔ amʋ na ma, ka na toŋo ambʋlei na, bʋlei mbʋɖee ɩna rǝŋǝ waa ma, kǝ ma jee bʋ na ama amawɛɛ atǝm amʋ ma ajee bʋ. ²⁵ Ntɩ lǝ anyɩn bʋlei mbʋɖe nɖa anyɩnasul ma laŋ. ²⁶ Ama apǝla pǝla ŋŋuro nsoŋsono nɖe, amawɛɛ anaa tɩ tǝm ashee anyun námʋ ŋyɩda ma, a taa cere anyɩn baa mʋnʋ nɩ kpaataa naa alige anyɩn bʋkɔɩ lǝ anyɩn ma. ²⁷ Mpala fɛɛ kʋɖav ashee anyɩn, mpala ama fɛɛ ashee anyɩn. Kǝ ma na shee ɖaa ɖulinya ana shee ma na. Anyɩncine ʋpaa pɩɛ na, asampǝna ɩpaa kpa anyɩn na. ²⁸ Ɩrǝŋǝ ɖaa nlǝ anyɩn ma: Ntɩce naa ma kɔɔ pɩ anyɩnasul. Ɩta sɔlɔmʋ, ɩtu san nányɩn ɖaa nna ce amawɛɛ sul ma; Aɖʋwaa: Amawɛɛ awu amʋ. ²⁹ Nnyɩmǝ ntɩ lǝ anyɩn bʋlei bʋɖe naa bʋ ye kpa. Naa bʋ takpa boŋo ɩshee ɩja. ³⁰ Kǝ ma kɔɔ na lǝ nányɩn fɔɩfɔɩ na; Aɖʋwaa: Ɖulinya kʋ́yarpi atʋ. Ka wǝɖa ɩko amalaŋ na. ³¹ Ama ɩsɩm ɖulɩnya ayɔ waa nsɔlɔ amawɛɛ, naa lee ɖaa amawɛɛ alǝ amʋ ma, ta ma gɩ ce gaɖuƒɔlɩ.