¹ Naa Paaki kajiŋgaarɩ ayekpa, Yeesu yɔ waa alʋwa atʋ akpa boŋo a naa tǝbǝ ɖulinya nɖe nɩ akɔɔkɔɔ ayar sul ma, ashee sɔlɔ abaja ɩɩ baɖa ɖulinya nɩ ma, na apala ʋɖa ashee. ² Saa nɖee ba na jɩ ʋsɔlʋma, sheetaanɩ acee kpeɖe aɖʋ yuɖaasɩ isikariyɔɔtɩ agɩfolu nɩ ɖaa anaa Sara naa atɔɔ Yeesu ayata ma. ³ Yeesu nɖee acee yɔ waa ayar akɔɔna baamʋɩn a ɖʋ anyɛ nɩ ma, na Gaja sul na a ɖoo na ma apɩ Gaja sul na akɔɔkǝwa ashɛʋ ma. ⁴ Ata ayɩɖelaŋ tebiri kaŋkǝmǝ naa afɔɖɔ a toko naa a tɔɔ gʋrɩmka arɩɩn anǝl ma. ⁵ Naa a tɔɔ gvnyanʋ gʋbɔɖɔka afʋr bʋto ncǝn na sakǝl na abakǝŋja bɩkei, naa tɔɔ gʋrɩmka arɩm ansǝl ma, na shɛr na bɩkei. ⁶ Ɩshee tɩ cǝm na simɔɔ pɩɛɛr ma; Na Piɛɛr alǝ nɩ waa: «Nɖiyar akɩ naa sakel a mɩkei aa?» ⁷ Na Yeesu a lǝ nɩ waa: «Bvkɔɩ nna lee nnyɩmǝ waa ma, kɩɩ kana ye akɩ na, ama ɩtɩɩ tɩ yekɩ.» ⁸ Na Piɛɛr a lǝ nɩ waa: «Aaɩ ayɔ nayɔ kaasal amɩ kei na. Na Yeesu a lǝ nɩ waa: «na kǝ ma sakǝl akɩ na kaa ŋǝ akɔɖǝn amasul na.» ⁹ Na Simɔɔ Piɛɛr alǝ nɩ waa: «Nɖiyar, ɩpaa lee ɩkei kanɖǝnɗǝn na, ama anyɛ na ŋɖi gboo. ¹⁰ Naa Yeesu a lǝ nɩ waa: «Arɛɩ aci baŋo ma, ɩkei kanɖǝnɖǝn na ɩhɩɛ waa a sakǝl naa agʋlɔ gʋŋunii cɩrɩcɩrɩ. Ɩɖa cɩrɩ cɩrɩ beŋo, amakɩ lee anyɩmbaŋunii na.» ¹¹ Aɖʋwaa Yeesu a yɔ nɖee a naa ɖoo aŋkǝm ma, galaŋ na alǝ waa: «Kɩ lee anyunbaŋunii ɩɖa ka cɩrɩ cɩrɩ na.» ¹² A sakǝl bɩkei boŋo ma, na atɔɔ ayɔkɔ akara, naa sɛ tebiri kaŋkɛmɛ, naa taba pɩ waa: «Bʋkɔɩ nlee ashee anyɩn waa ma ɩye anyɩn aa? ¹³ Ɩna yɩɖa amʋ waa nɖiyar na acereka ma; ka ɖeiɖei nu lǝ gǝŋ nlafʋlee. ¹⁴ Nta laƒʋ sakǝl anyɩnɩkei, amv n nɖee nlee nɖiyar na acereka ma, gaŋ anyɩn gboo shee ɩnaa sakǝl anɩmbawor bikei. ¹⁵ Nfaŋaanyɩr pɩ gǝŋ, ɖaa ɩ naa lee na shee anyunbawor ɖaa nlee ashee anyɩn ma. ¹⁶ Ɩja ɩja ntɩ lǝ anyɩn, atǝnleeja ka wu atǝma yar na, na ŋɖee batǝm ma ka wu nɖee atǝm nɩ ma na. ¹⁷ Ɩta yɔ alesra ɖe na leeɩ ka ɖeiɖei ɩlee albarka kǝbapi. ¹⁸ Kɩ lee anyɩmbaŋunii pɩ nna lǝ na shee na yɔ mbaɖee n laa ma. Ama ɩsǝm ɖaa ʋŋɔn ʋlǝ ma, ɩlee: «Nɖee ajɩ amʋjiŋ ma, alaa ʋkei cim amʋ.» ¹⁹ Tɔɔ na nnyimǝ ntɩ lǝ anyɩn, naa alesʋra ɖe ɩye ɩkpa, naa ɩta kpa boŋo ɩshee ɩja gʋrɩsʋraɩ n lee ma. ²⁰ Ɩja ɩja ntɩ lǝ anyɩn waa: Arɛɩ a cam nɖee ntǝm nɩ ma, amʋ na acam, na arɛɩ acam amŋ ma, acam nɖee atǝm amʋ ma. ²¹ Alǝ gǝŋ aboŋo kpaarɩ ma, nɩɩ mana kǝ Yeesu ntǝrǝtǝrǝ aŋŋuro nɩ na alǝ gbagbaraa waa: «Ɩja ɩja ntɩ lǝ anyɩn, anyɩnʋɖǝn ataa tɔɔ amʋ ashee.» ²² Abakǝŋja baɖe ba tɩ kiɖe bawor na taba na yɛɛ ba yɔ arɛɩ Yeesu analǝ ma. ²³ Yeesu akǝŋja kʋɖǝn nɖee Yeesu asɔlɔ paa ma, a caŋkǝra na Yeesu. ²⁴ Na Simɔɔ Piɛɛr a kǝ nɩ gɩnyine waa: «ataba Yeesu a ŋa na a na lǝ.» ²⁵ Na akaŋja nɖee acaŋkǝra na Yeesu ma, ataba nɩ waa: «Nɖiyar a ŋana karɛ?» ²⁶ Na Yeesu atǝlǝ asheenɩ waa: «Nɖee nnǝma tɔɔ baɖo boɖo asɔm ashee ma, ʋni na. Naa ma na tɔɔ baɖobaɖo a sɔm ashee Yuɖaasɩ Ɩsɩkarɩyɔɔtɩ Sɩmɔɔ ʋpur. ²⁷ Yuɖaasɩ a cam kpaarɩ ma, na sheetaanɩ amanakpa nɩ, na Yeesu a lǝ nɩ waa: «Bʋkɔɩ ʋnaa lee ma, lee bʋ kpaarɩ. ²⁸ Ama mbaɖee na pɩ ba man a sǝ tebiri kaŋkǝmǝ ma, kɩye pɩ bʋkɔɩ laŋ a lǝ nɩ gǝŋ ma na: ²⁹ «Baɖen baɖe ba tɩ faŋa waa: Ɖaa ana toŋo ʋtaŋfǝlǝ ma, Yeesu lǝ nɩ na waa a ce a tɩ shɩ jɩŋgaarɩ ka yɔ kɔ, kokoo a shee bashɛɛrɛ akɔɖǝn. ³⁰ Yuɖaasɩ amana acam bodoboɖo kaŋkǝlǝ ma, naa mana kǝʋku a ɖoo kpaarɩ nkomo nɖe ntɩ shee boŋo. ³¹ Nkǝlǝ Yuɖaasɩ aɖoo ma, na Yeesu a lǝ waa: Nnyɩmǝ arɛpur ʋkʋmʋ ʋlèè, annɩ nɩ na Gaja kʋ́kʋ̀mʋ̀ ʋléé. ³² Ɩtajɩ waa: Apalaka na ɣaja kaŋyida nkʋma, Gaja kagɩlopi ga tɩ ga kʋma nɩ, naa a kɔɔ kʋma nɩ acǝŋǝ. ³³ Ambapi, naa ɖa anyɩnasul ceɩ. Ɩtu yɛɛ amʋ, Ɖaa nlǝashee yuɖaa kǝbaja ma: ku Sǝra ace gaɖuu nna ce ma na, ntɩ lǝ anyɩn gboo nnyɩmǝ. ³⁴ Gʋpɔ gʋfɔlɩ gʋnookama nna shee anyɩn ma: sɔlɔ ma anyɩmbawor ɖaa amʋ mɩaʋ nsɔlɔ anyɩn ma, anyɩn gboo sɔlɔ ma anyɩmbawor. ³⁵ Ganigaɖe ganɩ ga pal baaŋa ayɔ waa ɩlee ambakǝŋja, ɩta sɔlɔ anyɩmbawor. ³⁶ Na Simɔɔ Piɛɛr a lǝ nɩ waa: Nɖiyar nka nʋʋ na ce? Na Yeesu abuye nɩ waa: kaa kana a sǝra ace gaɖuu nnace nnyǝmǝ ma na, ama ʋtaatɩ tǝr amʋŋkǝm. ³⁷ Na Piɛɛr ataba nɩ waa: Nɖiyar, maakɔlaŋ na kǝ ma sǝra atǝr akiŋkǝm nnyumǝ na? Ntɔɔ amʋŋŋuro ashee a kɩ. ³⁸ Na Yeesu abuye nɩ waa: ʋtaa tɔɔ akɩŋŋuro ashee amʋɩ ɩja ntɩ lǝ kɩ, acɩrɩ kááka na kʋl na ʋtaa wǝla akpala ɩriu waa ka yɔ amʋ na.