¹ Bʋja təbnʋnan kaŋkəm na nkəwa acə Yerusalɛm amʋ na Barnabas na Tite. ² Gaja gakada afaŋamʋ waa macə ma, laŋ na ncə, na nlə pɩ daa blə Gaja kalabarʋ ba yoja bagɩciica ma, ama ŋnalələŋ ulugu nɩ, nashee barɛ mbədee bawʋda halɩ soŋsono ma mbadee balee adibaja ma. ŋnayɛyɛ waa mayɔ kuja waa amʋ ntəma kiŋfəɩfɔɩ na. ³ Tite ama nyiʋtaja ndee aleegɩrɩk kaja ma, kɩlee nɩ doole waa apɛŋɛ na, ⁴ Nakama na daa batəm atəbaja ba sheɩrɛ badən uluguni waa bapɩ tɩtʋŋaatʋ daa gɩdafɛɛ Yeesu Kristo nɩ ma. Naa na yɛɛ waa batʋa atʋ pəra gʋpɔ kəba dɔmpəla. ⁵ Kɩɩshe pɩ ʋnyɩnka baaceɩ na. Naa ɩja kagali soŋsono gapaatɩfʋba ashee anyɩm na. ⁶ Ama mbadee barɛ bana lə waa baleeka adɩbaja ma. Kəbapɩ na akɔdən ashee amʋna aŋgaja gama na napɩ.Gaja kaa na səŋkər barɛ na. ⁷ Bayɔ alə waa bayɩda amʋ na waa mapɩ tələ laabaarʋ soŋsono ashee barɛ ŋbedee kəbapɛŋɛ na ma, daa bayida pɩer gboo wa apɩ tɩ ləlabarʋ soŋsono ashee barɛ ŋbadee ba pɛŋɛ ma. ⁸ Adʋwaa gaja ŋgadee galee na atənleeja pɩɛr ntəma ashee ŋbadee bapɛŋɛ ma aleeka na amʋ gboo ŋtə ma ashee ŋbadee kəbapɛŋɛ na ma. ⁹ Saa ndee baŋə na mʋ Gaja kagʋjɔɔ ma, Yakɔb, pɩɛr, Yohana ŋbadee bayɔ alə waa cɔɔcɩ kaŋdibaja ma, bakara amʋ na Barnabas gʋnyɛ afaŋa waa batələ na atʋ waa gɩtɩgɩsəra acə bayooja sui, na ŋbadee bapɛŋɛ ma gboo sui. ¹⁰ Na balə atʋ gboo waa gɩlɩge bashɛɛrɛ gboo laŋ, bʋkɔ ŋbʋdee bʋcee da amʋcine nɩ waa ma lee ma na gən. ¹¹ Kefas apɩ antɩɔk ma na ŋtəŋə abəla na nɩ adʋaa agale gacɩ. ¹² Barɛ ŋbadee Jak atəm ma batɩlə waa bakpama piɛr detɩ jɩʋjɩʋ na bayoja ama barɛ bade bakpa ma, na apala ʋjɩʋkujɩʋ na bayoja naa aləŋ na pɩ gədu, adʋwaa basaaka bapɛŋɛ malaŋ. ¹³ Gənci atəbaja Juif ma na bapele na pɩɛr na Barnabas nalee mʋnaafiki kagʋleʋ. ¹⁴ Ama daa ŋŋe waa kəbana kʋn laabaarʋ kɩɩja na ma, na ŋlə ashee pɩɛr na barɛ baŋʋnɩ baŋyɩɩ waa:"akɩ ndee ʋlee Juif ma ʋda bayoja baŋdawa na kɩlee na Juif baŋdawa na, baɩ na ʋnaa sra alee bayoja doole waa bada Juif baŋda wa?" ¹⁵ Atʋ ŋbadee gɩlee Juif ka bʋŋʋma naa kɩlee bayoja ŋbɔnɔ baja na ma, ¹⁶ Gɩyɔ alə waa arɛ aŋtəma ndən kəm pala nɩ ada deɩdeɩ na gʋpɔ na ama ʋcine Yeesu Kristo nɩ gɩpɩ na atʋcine Yeesu Kristo nɩ naa gɩda deɩdeɩ ʋcine Yeesu Kristo nɩ, na kɩlee na gʋpɔ kaŋtəma na.Adʋwaa ʋdən kaa sra ada deɩdeɩ gʋpɔ kaŋtə ma nɩ na. ¹⁷ Ama gɩta naa na yɛɛ Gaja naa gaye lee atʋ deɩdeɩ Yeesu Kristo nɩ. Gəm ma atɩgɩlopɩ gɩlee babɔnɔ, Yeesu Kristo apəra barɛ gɩlee babɔnɔ, Yeesu Kristo apəra barɛ bɔnɔ baja naa? aayɩ ¹⁸ Gəm ma ŋtakʋa acə gʋpɔ ŋgʋdee ŋpala ma nɩ ŋtərətərə na gʋpɔ. ¹⁹ ɭtalee gʋpɔ nɩ ŋcɩ ashee gʋpɔ naa ma da ashee Gaja. ²⁰ Bakal amʋ na Kristo. Kɩlee amʋ ŋdaka na, ama Kristo adaka amʋ ni, gʋrɩlɔ ŋgʋdee nɩ nda ŋnyɩmə ma ŋwəda ʋcɩne na Gaja pʋr ndee asɔlɔ amʋ naa atʋa agʋlɔ ashee amʋ ma. ²¹ Kəmabəda Gaja kagʋjɔɔ na adʋwaa deɩdeɩ kʋdaw ʋtada gʋpɔ laŋ gəm ma Kristo acɩcɩŋgəŋ fɔɩ.