^{1 2} Pɔl Yeesu akənja na mbaɖee baŋunii ba ɖa n'amʋ ma Galaatɩ kɩcoɔcɩ nɩ ma. ³ ʋsɔlʋ n'ʋɖaʋ fɛɛ Gaja kija na atuka yar Yeesu anjaɩ ɖa ashee anyin ⁴ Nɖee ashee aŋʋlɔ ashee atabɔnɔ naa yɛɛ a laa atʋ Gaja gabɔnɔ nnyəmə na Gaja kʋsɔlɔ ma. ⁵ Nsala nɖa ashee na ce na ce gayala ga ma na. ⁶ N kpa asampə ɖaa ɩ mana na laa amʋ arɛ nɖee a yiɖa anyɩn na Kristi ɩka ma. ⁷ ŋgaɖe k'a na lə wàà laabaaru afɔlɩ ɖən a ɖa ama bɛrɛ baɖən ba na paapaa anyɩn na yɛɛ ba cəpra Kristi alaabaaru. ⁸ Ama baa atʋ kakoo malaɩka na Gaja laŋ a ta pɩ na laabaa ɖən fələ na nɖee gɩ cee pɩ na ma ashee anyin ma, Gaja ga lee nɩ laalɩ. ⁹ ɖaa gɩ shɩ cee alə anyɩn afəl ma, nnyəmə gboo, n kɔɔ tɩ pələ wàà, ʋɖən a ta pɩ na laabaarʋ ɖabanna nɖee ɩ cee cam ma, Gaja ga lee nɩ laalɩ. ¹⁰ Aɖʋwaa bɛrɛ bʋcinsɔlɔka na n na yɛɛ nnyəmə yaa Gaja? N na yɛɛ yɛɛ ma lee bɛrɛ ba sɔlɔ amʋ aa? ɩ ta jɩ wàà n naa ɖa na yɛɛ bɛrɛ ba sɔlɔ amʋ, kə ma lee Krisrti atənleeja na. ¹¹ Ambaja n tɩ yɛɛ ma lə anyin wàà laabaarʋ nɖee n pɩ na ma ashee anyɩn ma, k'a lee bɛrɛ fɔɩ baja na. ¹² Kə ma cam nɩ bɛrɛ sul na gəŋ ci kə ba cere nɩ na. Ama Yeesu Kristi a lə ka ashee amʋ. ¹³ ɩ rəŋə amʋɖaʋ yuɖa kəkaja nɩ ɖaa n ŋə gʋfaŋa ashee bʋkɔɔ k'a bʋ shɩ na cɔɔcɩ Gaja kaja na na pɛɛpɛɛ nɩ ma. ¹⁴ N cee na ce ŋyɩɩ na yuɖa kəbaja a wu amasamaa pɛɛ. N cee na faŋa aŋgʋlɔ kʋ ashee amawɛɛ ma na bɩɖaɖaa. ¹⁵ Ama n'ɩ fana ga wàà ga laa amʋ ɖaa amaŋana ancəna nɩ. Naa yiɖa amʋ na n'ɩko a tɔɔ amʋ wàà ʋpur naa na lə ashee mbaɖee kə ba yɔ Gaja na ma. ¹⁶ Kə ma lee saawara n'ʋɖən tam ɖe nɩkokoo gɩtaŋkʋpi yaa akɔnɔ na. ¹⁷ Kə ma boɖo Yerusalɛ mbaɖee ba tɔnɔ amʋ apra batəmka ma sul na. Ama saʋɖiya na n ce naa akɔɔ pɩ ɖamaas. ¹⁸ Bʋja bʋriu kaŋkən na n ce Jerusalɛm atɩ yɔ Sefas na n sə na nɩ ɩshilè təb n'ɩnʋn. ¹⁹ Ama kə ma ŋə antənleeja ɖən a tələ yuan ɩkoyar apar na. ²⁰ N tɩ lə anyɩn bʋkɔɔ n na ŋɔn ma Gaja kaŋyu n'ɩja. Kə ma na lee ɩsəi na. ²¹ Acəŋə kə ma sirii na siliisi kagʋsaʋ na. ²² Kə ma cee lee arɛ nɖee ba cee yɔ Juɖee kɩcɔɔcɩ. Mbaɖee ba na kʋn Kristi ma nɩ na ²³ Ama ba na rəŋə rəŋə wàà: arɛ nɖee a cee na naashu atʋ ma a tɩ lə laabaarʋ nɖee a cee na pɛɛpɛɛ ma kaalei. ²⁴ A tɩ kʋma Gaja amalaŋ