¹ Kasaa ɖe na sad apɛmpɛŋɛ na naashɛ yeesu abakəŋja na kə baɖən baɖe batɩ ci, ńace asaraalaaja abʋmbɔnɔ sul. ² Alə nɩ waa: ʋni ashee aɖe gʋbɔɩ gʋshee aɖe ganɔ akpa Ɖamaasɩ kɩsinagɔɔgə nɩ ari mbaɖee ba na kʋn adiini afɔlɩ ɖe ma, adɛ ari pi basoro na kəbasəmprə akʋʋr ɩtɔ apɩ na Yerusalɛm. ³ Atɔɔ ʋnyɩŋca na ce asẹla na Ɖamaasɩ ma, n'ʋkaɖʋ ʋbʋmbɔnɔ ɖən ʋrgə nalaŋ naŋələŋələ asər nɩ akal. ⁴ Na afəɖa atən, afəɖa atə ma, ńarəŋə ʋwələ ʋna lə nɩ waa: sad, mʋ lee ka ʋna naashɛ anʋ gəŋ? ⁵ Na sad ataba waa: Aŋanakɩ nɖiyar? na nɖiyar atələ ashee nɩ waa: Amʋ na Yeesu ndee ʋno naashɛ ma. Nuyɩmə ɩtɩɩ sɔm ashee kɩ aboɖo asuko yaa baa mʋnʋ n'ɩpɛ sɔɖɔ ka ace ŋyɩɩ. ⁶ Nasampəna ɩkpa nɩ aɖe tɩ tor na lə wa nɖiyar mʋnʋ ʋna yɛɛ ma lee? Naɖiyar alənɩ waa: ta ayiɖe alan akpa mpa nɩ, bati ba lə akɩ bʋkɔɩ alee ma. ⁷ Bɛrɛ ɩ ma ba ni gboo ɩkpa pɩ asampəna; ba rəŋə ʋwələ ama kəbaŋə ʋɖən na. ⁸ Sool ata atən ma; ɩnyine ɖe tine ama ka na ŋə na; na bari agʋnyɛ nɩ akpa Ɖamaas kampa nɩ. ⁹ Na asẹ nfɔnɔ ʋshilee ɩriu, ka jɩ na ka nyem na. ¹⁰ Ɖamaasɩ ŋkəŋ yeesu akəŋja ɖən ba tɩ yɩɖa nɩ waa: Ananiasɩ. Na nɖiyar atine afaŋanɩ. Ayiɖa nɩ Ananiasɩ na atələ waa: Amʋ nnookama nɖiyar! ¹¹ Na nɖiyar alə nɩ waa: Tayiɖelaŋ, tɔɔ ʋnyɩŋɩŋca nɖee ba na yiɖa waa: Gʋsono laŋ ma, ayɛɛ yudasi agafala, ʋsoro ɖən ba tɩ yɩɖa nɩ waa sɔɔl tarisɩ kaja ada ŋkəŋ. ¹² Kasaa de sool de tɩ nyiŋə, na Gaja gatine afaŋa ʋsoro ɖən ba na yɩɖa waa: Ananiasɩ akpa atər anyɛ alaŋ naa ɩnyine ɩtine ma na Ananiasi alə waa. ¹³ Nɖiyar, nrəŋə na bɛrɛ tuutuuma sanaanɩ nɖee ʋsoro ɖe afaŋa akəbarɛ yerusalɛm ni ma; ¹⁴ Basaraalaaja basaŋkɔɔ shee nɩ ɩko waa: Apɩ atɩ ri mbaɖee ba na yɩɖa akɩŋyɩɖa ma, akʋr pɩ ɩlɔ. ¹⁵ Ama nɖiyar lə nɩ waa: kʋla ace ʋsoro ɖe na nlaa, na yɛɛ ma lo nɩ atoŋo amʋŋyɩɩ, n' israɛl bapur baŋyɩi. ¹⁶ Ŋtɩ ma faŋa nɩ ɩshɛɩ nɖee anaaji amʋŋyida laŋ ma. ¹⁷ Na Ananiasi afɛl atɩ kpa gafala gaɖe nɩ, naa atẹn anyɛ sool laŋ alə waa: Amʋwar, nɖiyar yeesu nɖee afaŋakɩ agʋlɔʋnyɩŋca ndee ʋkʋn atʋ na pɩ ma, atəŋka amʋ naa akɩnyine ɩtine naa ŋŋro nsoŋsono nriŋə ńakɩ. ¹⁸ Kpaarɩ na akɔɖən ɩɖoo agayɛ laŋ afəɖa ɖaa bʋfɩlɩ kafa ma, n'ɩnyine ɩtine. Nata ayiɖe laŋ na ba məna nɩ bʋto. ¹⁹ Aji ʋjɩʋ aboŋo ma, n'ɩkashɩ ɩpɩ ashee nɩ. Na sool ada Yeesu abakəŋja sul ɩshilee ɩnyɩʋ dən damaasɩ ka mpa nɩ ²⁰ Ŋkəŋ na asəba waasu kʋleu sinagɔɔgə nɩ waa: yeesu alee Gaja ʋpur naa. ²¹ Mbadee baɖa ŋkəŋ na rəŋə ma, bakpa biti baɖe batɩ lə waa: kɩ lee ʋsoro nɖee ana naashɛ mbaɖee ba na yiɖa ŋyɩɖanɖe yerusalɛm ma na gəŋ aa? kɩ lee a pɩ atɩya na aribɛrɛ akʋr ɩlɔ ace na basaraalaaja sul aa? ²² Baa na kama sool ɩkashɩ ɩɖe tɩ pele na ce, na akara yuɖaa kəbaja ɩ baɖa Ɖamassɩ ma, ntərətərə, na faŋa pɩ waa: yeesu alee ka kristo. ²³ Ɩtilee ɩshile ɩnyɩʋɖən ma, na yudaa kəbaja baɖa Ɖamaasɩ ma, baɖʋ ganɔ na yɛɛ ba kə sool acii, ²⁴ Na sool arəŋə bʋkɔɩ ba na yɛɛ basara na nɩ ma. Baɖe batɩ kəl mpú kʋyarɩ kaakonu gajaka na gɩtəŋshile, naa basəra alaa aŋŋuro. ²⁵ Awa, gɩjibɔŋɔ gɩɖən jɩ, yeesu abakəŋja batɔɔ gashɛɩ aɖə na nɩ mpa kʋyarɩ kaŋkəm. ²⁶ Akpa yerusalɛm, ma, na ace atɩ wəɖa basaaka; ama baaŋa aɖe tɩlee na nɩ laakaarɩ, kə ba yɔ waa: Apra yeesu akəŋja na. ²⁷ Na barrabaasɩ; atɔɔ nɩ ace na yeesu abɩtəŋka sul, naa alə pɩ, ɖaa sool aŋə nɖiyar ʋnyɩŋca laŋ alə na nɩ, ɖaa asaŋkɔɔ lee woasu na yeesu aŋyɩɖa nɩɩja ma. ²⁸ Sool ɖe tɩtər baŋkə na ce yerusalɛm, naa naa lə ndiyar agalei na tamaa. ²⁹ Aɖe tɩ lə na heniitɩ kəbaja na bɔbɔ na pɩ, na ba nɩ gboo baɖa na yɛɛ ɖaa ba lee na kənɩ a cii ma. ³⁰ Bawor ba rəŋə jɩ ma, na batɔɔ nɩ ace na sesaree, waa ashɛʋ tarsɩ. ³¹ Kasaaɖe na cɔɔci aɖa fɛɛ yuɖee nɩ na galilee, na samarii, baɖe batɩ ce ŋye na cu Gaja ba baa mʋ nʋ n, ŋŋuro nsoŋsona nɖe tɩ pala bɛrɛ baɖe batɩ pele. ³² Piɛɛr ata ace na jeɖe babaja ma, na ace mbaɖee baɖa liɖii ma, sul atɩ jeɖe pɩ. ³³ Ʋsoroɖən batɩ yɩɖa nɩ waa: Enee, aɖe ɖa atən na shɛɖɛ bʋja ganaana bʋɖe bʋ mən nɩ. ³⁴ Na Piɛɛr alə nɩ waa: enee, yeesu kristo ataafʋra akɩ; ta ayiɖe laŋ apɛmpɛŋɛ aka lii. Kpaarɩ na ama na ata. ³⁵ Liiɖi na sarɔɔ kəbaja baŋə gəŋ ma, na ba cam yeesu. ³⁶ Yeesu abakəŋja ɩ baɖa jɔpee ma, k'ʋsəmprə ɖən ba tɩ yɩɖa nɩ waa: Tabaita, kaashɩ na gəŋ waa: Ɖɔrkaasi Aɖe tɩ lee alesʋra ɩsoŋsono na lee gʋjɔɔ. ³⁷ N'ʋshɛɖʋ ʋrinɩ kasaade aci. Ba cɩ nɩ aboŋo ma, na baɖʋ nɩ ŋku nlaŋaja nɩ. ³⁸ Liiɖi ka lɩŋ na jɔpee na, na Yeesu abakəŋja ba rəŋə waa: Piɛɛr aɖa ŋkəŋ ma, na ba laa bɛrɛ banyɩʋ a təm ashee nɩ waa: ajɩsuuru apɩ bagaɖu were were. ³⁹ Piɛɛr ata atər bɛrɛ bade baŋkəm, bakpa ma, naba toŋo nɩ ace na ŋku nlaŋaja nɩ bakoŋka ba wala na yu, nafaŋa Piɛɛr ɩtoko mbaɖe alʋ ashee pɩ saa ɩ aɖa ŋŋuro nɩ ma. ⁴⁰ Na Piɛɛr lə baaŋa waa: Baɖoo, ńacim akəwə laŋ anyiŋə: Naa acəpra atənə ʋkono, na lə waa: tabita ŋənə! Na atine ɩnyɩne, aŋə Piɛɛr ma, na ata asəlaŋ. ⁴¹ Na abɔlɔ gʋnyɛ ataa nɩ alaŋ. Naa ayɩɖa abaja na bakoŋka naatɔɔ nɩ ashee pɩ, aɖe ɖa ŋŋuro nɩ. ⁴² Na jɔpee kampa ŋŋnnii nrəŋə jɩ, na bɛrɛ tuutuuma ba ca yeesu. ⁴³ Piɛɛr aɖa jɔpee ŋkə ɩshɩle ɩnyɩʋ ɖə, gbaŋsama ɖən agafala nɩ.