¹ Ʋsoro ɖən abʋŋaka ɖa batɩ yɩɖa nɩ waa: kɔrnɛɛ qɖe lee italii kɩsɔjashɩnʋn banɖiyar. ² Ʋsoro ɖe alee ɖeiɖei karɛ na, na cu Gaja, aɖe na agafala gaŋunii, aɖe tɩ lee samaa gʋjɔɔ na nyiŋəŋ. ³ Ɩtɩ na kə ɖaa bʋkɔŋkɔŋɔ cɩɩnɩ ma, na aŋə Gaja ka malaɩka akpa agaɖu na lə nɩ waa:kɔrnɛɛ! ⁴ ataa agayɛ akiɖe nɩ ma, asampəna ɩɖe kpa nɩ, na alə waa: Nɖɩyar, baɩ na? Na Malaɩka alə nɩ waa: Akʋnyiŋu n'akʋjɔɔ ʋna lee ma, ɩboɖo Gaja sul na alige akalaŋ. ⁵ Galaŋ təm bɛrɛ jɔpee, batɩ yɩɖa simɔɔ nɖee ba na yɩɖa waa: Piɛɛr ma; ⁶ Aɖa simɔɔ gbaŋsama agaɖʋ, agafala gaɖa asəla na teŋku. ⁷ Malaɩka nɖee alə na nɩ ashɛʋ ma, na kɔrnɛɛ ayɩɖa abatəŋleeja banyiʋ na sɔja nɖee atɔɔ agʋlɔ acra na nɩ ma, ⁸ Akɛɛshɩɩ alə ashee pɩ kpataa ma, natəm pɩ ba ce jɔpee. ⁹ Gaja gakʋɖa ma, ba tɔɔ ʋnyɩŋca na ce atɩ səla na na mpa ma, Piɛɛr ɖe boɖe ŋku kalaŋ gakɔŋkɔŋɔ gakobŋtaja nɩ, anyiŋə Gaja. ¹⁰ Akɔmɔ ɩɖe kpa nɩ, aɖetɩ yɛɛ ajɩ ʋjɩʋ. Bana lee ʋjɩʋ na shee nɩ ma, nɩ lee nɩ ɖaa atɩ fol gʋda ma. ¹¹ Na aŋə nɖɩla ntine n'aŋə akɔɖən ɖaa gʋraʋ ba na həʋna ɍi bʋfɩlɩ ma, baɖe ba tɩʋ n'ɩlɔ ɩnan ma, ɩɖe rgə na pɩ atən, ¹² ɩbɔrɩ ɩ ba wəɖa ɩkei ɩnan ma, nɩbu ɩ ɩɖa atən ma, na bʋsapɩɩ bʋ nata na gaja ma. ¹³ N'arəŋə ʋwələ ɖən ʋlə nɩ waa: Taayiɖelaŋ kəɩ akur. ¹⁴ Ama Pɩɛɛr alə waa: Aaɩ nɖyar, kə ma jɩ ajɩwa kɩbɔrɩ ayɔ na. ¹⁵ N'ʋwələ ʋkɔɔ apɩ ashee ni nnyɩʋtaja waa: Bʋkɔɩ Gaja gaɖʋ aləbarka ma, Paa yɩɖa bʋ waa: Ajiwa na. ¹⁶ Gʋlesʋra gʋɖe gʋlee halɩ akpala ɩriu, kaŋkəm na ɩye boɖo alaŋ ashɛʋ. ¹⁷ Kasaa ɖe kɩkakana ye Pieer bʋkɔɩ aŋə ma, kaasshɩ na. Ma na bɛrɛ ɩkɔrnɛɛ atɩm ma, bakpa na tabataba Simɔɔ gafala, naa akpa ayiɖe gafalkonu, ¹⁸ Na taba nʋwələ ʋbʋmbɔnɔ waa: Atɩya na Simɔɔ nɖee ba na yɩɖa waa Piɛɛr ma, aɖa aa? ¹⁹ Piɛɛr ɖe ɖa nafaŋa faŋa bʋkɔɩ laŋ anə ma, na ŋŋuro nsoŋsono nlə nɩ waa: kɩɖe atɩya bɛrɛ beriu baɖən ba tɩ yɛɛ okɩ. ²⁰ Tayiɖelaŋ, argə atən, nákʋn pɩ ɩce paa lee sika na, aɖʋwaa amʋ ntəm kapɩ. Na Piɛɛr argə a lə bɛrɛ baɖe waa: ²¹ Amʋ na arɛɩ ɩna yɛɛ ma, gapaŋa ga pɩ ka nanyɩn. ²² Na babuye nɩ waa: kɔrnɛɛ ɩsɔja ɩshɩnʋn banɖɩyar alee ɖeiɖei karɛ na, na ce Gaja, na malaɩka cɩnɩ cɩrɩ kaja ɖən alə na nɩ, waa ba yɩɖa akɩ apɩ gɩrəŋə ŋgadee ʋna lə ma. ²³ Ŋkəŋ na Piɛɛr acam pɩ gɩsana ashee pɩ gaɖu ba fol. gaja gakʋɖa ma, n'ata atən baŋkəm, na bawor ɩ baɖa jɔpee ma, bayala pɩ gboo ace. ²⁴ Ba kpa sesaree Gajɩkʋɖaka ma, kɔrnɛɛ ɖe sə na saa pɩ, na ayɩɖa abʋŋʋma nɩ kəbarɛ n'abasoro gataŋashɩ mana. ²⁵ Pɩɛɛr akpa ma, na kɔrnɛɛ, ata ace tɩ wana nɩ, akur a Piɛɛr ɩkei nɩ. ²⁶ Na Piɛɛr ataa nɩ alaŋ alə nɩ waa: Ta ayiɖe alaŋ avŋ gboo arɛ namʋ. ²⁷ Aɖe nna nɩ, baɖe batɩ lee faawu, ba kpa gafala nɩ ma, naa ŋə bɛrɛ tuutuuma baɖe bawala asə. ²⁸ Anyɩŋgɩlopi ɩyɔ waa: Ma paa tɔɔ arɛ ɖən ayɩɖa waa ajɩwarɛ kokoo kaɖa cɩrɩ cɩrɩ na. ²⁹ Galaŋ na kəma lee siŋkiri anyɩŋgaɖutaya kʋ pɩʋ na, galaŋ ntɩ yɛɛ ma yo bʋkɔɩ laŋ ɩtəm bɛrɛ ba yiɖa amʋ ma. ³⁰ Na kɔrnɛɛ alə waa: ʋrɔŋ ɩshile inan ɩnan ɩnoo kama, alʋwaatʋ nɖe nɩ nɔɔ bʋkɔŋkɔŋɔ cɩɩnɩ nɖa aŋga. Ƒala nɩ na nyɩŋə ma; N'arɛ ɖən aɖe kara toko aŋələŋlə ŋa akpa awəɖa amʋ alə waa: ³¹ Kɔrnɛɛ, Gaja ga cam akʋnyiŋu n'alige akʋjɔɔ ʋna lee ma. ³² Təm bɛrɛ jɔpee ba yɩɖa simɔɔ ɩ ba yɩɖa waa: piɛɛr ma; Aɖa Simɔɔ gbaŋsama agaɖu asəla na teŋku. ³³ Kpaarɩ na ntəm bɛrɛ akasul. Akʋpɩʋ ʋcəm paa. Nnyɩmə atɩɩ noo kama atəganɔ Gaja kaŋyɩɩ gɩtɩ yɛɛ gɩ rəŋə bʋkɔɩ nɖiyar alə akɩ waa: A lə atʋ ma. ³⁴ Na Pɩɛɛr acam ʋwələ a lə waa: ɩja nyɔ nnyimə waaa: Gaja kaa laa ʋɖən afələ na, ³⁵ Ama ɩsamaaɩ ba na cu nɩ na sara ɖeiɖei ma, ba cɩn anƴɩɩ. ³⁶ Atəm na agalei ashee israɛl bapur, alə pɩ fɛɛ kɩɖaʋ na Yeesu kristo nɖee alee nɖiyar baa mʋnʋ nɩ ma. ³⁷ Ɩyɔbʋkɔɩɩ bʋ lee yuɖee aŋunii nɩ ma, asəba na Galilee, Yohana abʋtomənaka na waasu ɩ alee ma. ³⁸ Ɩyɔ ɖaa Gaja gafʋr ŋnuro ŋsoŋsono kabʋshi na ɩkashɩ yeesu nasarɛɛti kaja ma, aɖetɩ ce baa ŋkana, na lee nsono na kaɖa bɛrɛ bɩshɛɖʋ bɛrɛ sheetaanɩ akʋr pɩ ma, aɖʋwaa Gaja gaɖa asul. ³⁹ Atʋ gɩlee səriya bʋkɔɩ alee Yudaa kaatəna gaŋunii nɩ na Yerusalɛm nɩ ma, ba kə nɩ aci akal nɩ gʋyo laŋ. ⁴⁰ Gaja gaŋənə nɩ ʋshile ʋriutaja, naa shee ganɔ waa: Akɔɔ aɖoo gɩ ŋə nɩ. ⁴¹ Kɩ lee samaa anaa ŋə nɩ na, ama səriya baja mbaɖee Gaja gacee laa ma, atʋɩ gɩman na nɩ ajɩ anƴem naa aye ŋənə aɖoo bakoro bagɩcuca ma. ⁴² Na Yeesu alə atʋ waa: Gɩlee waasu ɩsamaa waa: Aɖe na Gaja gatɩ waa: Acəm na aŋŋuno baja na bakono ɩkəma. ⁴³ Annabi mana baŋunii balaa səriya waa: Nɖee ashee nɩ ɩja ma, anaa ŋə ambɔnɔ kʋtəɖu na aŋyiɖa. ⁴⁴ Pɩɛɛr ana lə bʋlei ma, na ŋŋuro nsoŋsono nrgə mbaɖee baɖa narəŋə bʋlei ma, baŋunii laŋ. ⁴⁵ Mbaɖee ba lee pɩ baŋ balee ɖeiɖei kə barɛ naaba yala Piɛɛr acem, ɩlee pɩ biti ɖaa ŋŋuro nsoŋsono kagʋjɔɔ gʋrgə bayaja laŋ ma. ⁴⁶ Aɖʋwaa barəŋə ba na lə ɩkrə ɩfɔlɩ nakʋma Gaja ma. ⁴⁷ Ŋkəŋ na Piɛɛr alə waa: Gɩtɩgɩ səra abla na pɩ bʋtomənaka baɖei ba cam ŋŋuro nsoŋsono goo ɖaa atʋ ma aa? ⁴⁸ Na ashee ganɔ baməna pɩ bʋto na nɖiyar aŋyɩɖa kaŋkəm na ba pɩla pɩla waa akɔɔ asə basul ɩʋshile ɩnyɩʋ ɖən.