1 Násaraalaaja ataba waa: Gəŋci ʋlə aa? 2 Na Etiɛɛnɩ abuye nɩ waa: Ambaja ambaŋono, ɖʋ ma gʋtɔ! Gaja ɩkoyar afaŋa agʋlɔ ataya Abraham, ŋkələ aɖa Mesopotamii ma, na aye sə shana am; kaŋkəm na alə nɩ waa: 3 Təbə akaatəna ńakəbʋŋʋma, naa ace gatəna ŋgadee nɩ, nnɩma faŋa akɩ ma. 4 Na aɖoo kalɖee kəbaja bagatəna nɩ, naa sə sharaanɩ. Ayar abʋce kaŋkəm na Gaja ga pɩ na nɩ gatəna ŋgaɖee ɩɖa nnyimə waa ma; 5 Kasaa ɖe kakana ashee nɩ agaja gaɖu waa akʋkukei ʋnaakama na, ama aɖe shɩtɩ lə nɩ waa: Akɩ naa je gaɖu ŋgaɖe akɩ nakəbʋŋʋma. 6 Na Gaja ga lə waa: Akəbʋŋʋma bʋ tɩ bʋ tɩ ɖa gɩsana gatəna gafɔli gaɖən nɩ; Naa baɖʋ pɩ gɩɖɔmpəla anaashɛ pɩ halɩ bʋja awanyɩʋ 400 ans. 7 Ama samaa nɖee aɖʋ pɩ gɩɖɔmpəla maa, ntɩ ma cɩm na nɩ ɩkəma ɖaa gaja galə ma na gəŋ, kaŋkəm na malaa pɩ apɩ na gaɖu ŋgaɖe atɩya ba naa lee amʋ bɔɔta. 8 Ŋkəŋ na Gaja gakʋr na Abraham ʋpɛŋʋ kalɩkawɩlɩ na Abraham aŋʋm isaaka ma, ʋshile ganaana kʋ ja na apɛŋɛ nɩ, n'saaka aŋʋm yaakubu ńapɛŋɛ nɩ, ŋa yadakubu aŋʋm atɩbaya babʋmbɔnɔ təb na banyɩʋ. 9 Atɩbaya babʋmbɔnɔ ba wəɖa na Yosɛfʋ ncəŋyoro ma naa atɔɔ nɩ ayala bashɛʋ na nɩ Ejibiti. 10 Ama Gaja gaɖa asul ɩshɛyɩka nɩ,na alaa nɩ ɩnawɩya nɩ, naa ashee nɩ ʋyɔʋ halɩ aŋə gʋpɔ farahaʋna Ejibiti kagʋpayarɩ sul, n'ʋri atɔɔ nɩ atɩ Gomiŋtɩ Ejibiti nɩ ńgafala gaŋunii laŋ. 11 Na gakɔŋja gaɖən gakpa Ejibiti na kahana nɩ ɩshɛɩ ɩta goro, atɩ baya kə ba kɔ aŋə ʋǰɩʋ bajɩ na. 12 Na yaakubu arəŋə waa: Blee ɖa Ejibitɩ nɩ, na asəba atə nɖɔŋkɔnɔ. 13 Nnyɩʋtaja na Yosɛfʋ a laa agʋlɔ afaŋa abaŋano, na farahaʋna a ye yɔ abʋŋʋma. 14 Na Yosɛfʋ atəm ba ce atɩ tɔɔ ayar ńabʋŋʋma bʋŋunii apɩ na ma, ba ɖe baɖoo bɛrɛ ɩshɩriu na təb nɩ nʋn. 15 Yakubu a ce Ejibiti ma, ŋkəŋ na aci na lɩ baya gboo. 16 Na batɔɔ nɩ atɩ fun sɩshɛm gaɖuu Abraham ashinulanɩ hemɔɔ bapur sɩshɛm ayar sul ma 17 Aiʋaatʋ ɩ alɩkawɩtɩ nɖee Gaja gakʋr na Abraham, na Isəla ɩlee ma, na samaa asəba na yɔgɔ tuutuuma Ejibiti nɩ. 18 Halɩ cəm na gʋpayarɩ nɖee ka yɔ yosɛfʋ na ma a cam gɩyarɩ. 19 Na gaʋpayarɩ ɖe atɔɔ gʋfaŋa gʋbɔnɔ na sara wo ta ɖimi. Anaashɛɛ atɩbaya, halɩ atɩ na yɛɛ baba pi ba paa ɖa ŋŋuro nɩ na. 20 Kasaa na ba ŋʋm Musa, aɖe cɩm ʋŋəu Gaja kayɩɩ na ba yele nɩ ayar agafala nɩ halɩ ɩŋɔrɔ ɩriu. 21 Batɩ tɔɔ nɩ abəɖa ma, na farahaʋna ʋpigii atɔɔ nɩ ayele apra ʋpur. 22 Ba cere Musa Ejibiti kəbaja bʋyɔʋ, aɖe wəɖa iko abʋliləka ńabaamʋnʋ nɩ. 23 Awəɖa bʋja ɩshɩnyɩɩv ma, n'ɩpɩ ʋcine nɩ waa ace atɩ jeɖe abaŋono ɩsraɛl bapur. 24 Na aŋə Ejibiti karɛ ɖən a na naashɛ abʋŋʋma nɩ karɛ ma, na acam gaboro naa akə ɛjibiti kaja aci. 25 Aɖe shee tam waa: kayɔna abaŋoŋo batɩ ba yɔ waa: ʋni na gaja galaa waa: Anaa tɩ fʋna pɩ ana abaŋono baɖe kəbatɩ kashɩ na. 26 Kaajikʋɖaka, na gaboro gaɖən gasəba abaŋono ba gɩ cuca, ŋkəŋ na na apaɖa pɩ alə pɩ waa bɛrɛ bad ɔŋkɔnɔ pɩ ɩlee; Mʋlee ka na ɩna naashɛ any ɩnbaworo gəŋ? 27 Ama na nɖee ana naashɛɛ ʋwor ma, anuŋo nɩ alə nɩ waa: Aŋatɩ ka akɩ waa: Alee atakəm cimja atɩ gɩcuca. 28 Ʋna yɛɛ akə amʋ na, ɖaa galaɩ ʋkə ɛjibiti kaja maa? 29 Musa arəŋə gəŋ ma, na cu ashɛʋ Madiina kəbaja bagatəna nɩ atɩ ɖa, ŋkəŋ na aŋʋm bapi banyɩʋ. 30 Awəɖa bʋja ɩshɩnyɩʋ ma, na malaika afaŋa nɩ agʋlɔ sinayii kagʋbʋnʋ kʋteru nɩ, ʋtamu ʋɖe tɩ cam na gayopiri. 31 Mʋsa aŋə gəŋ ma n'ɩlee maamaaci kabʋkɔ; Nákəm na səla na ma apɛmpɛŋɛ akiɖe, ŋkəŋ na arəŋ na arəŋə ɩkoyar ʋwələ waa: 32 Amʋ na akawɛbʋmbɔnɔ ba gaja, Abrahama Gaja, Ɩsaaka na Yaakubu ba Gaja. Mʋsa agʋlɔ gʋɖe gʋtɩ tar kanyiŋe ataa agayɛ akiɖe na. 33 N'ɩkoyar alə nɩ waa fɔɖɔ akakɔɖɔkɔɖɔ aɖʋwa gaɖuɩ ʋɖa waa ma ɩlee cɩrɩ cɩrɩ kaatəna nɩ na. 34 Ŋŋə amasamaa aɖa Ejibiti najɩ ɩshɛɩ ma, nrəŋə a gako galaŋ na nrəgə apɩ ma laa nɩ. Ŋŋəmə kʋla a ce ntɩ təm akɩ Ejibiti. 35 Mʋsa ɖa babəla, na lə waa: Aŋa tɩ kakɩ waa alee atɩnɖiyar na ta kəm paɖaja, ʋni na Gaja gatəm waa alee banɖiyan na nɖee anaa laa gɩdɔmpəla nɩ ma, na malaɩka nɖee afaŋa nɩ agʋlɔ ma ʋkaŋnama. 36 Alaa ka pɩ Ejibiti nɩ, alee biti na maamaaci ka leɔʋra ɛjibiti kaatəna nɩ, teŋku arana agɩcuca n'ʋteru nɩ halɩ bʋja ɩshɩnyɩʋ. 37 Musa ɖe, alɛ ka israɛl bapur waa: gaja gatɩ galaa anyɩŋgɩcuca annabi ɖən ɖaa amʋ ma. 38 ʋni arəŋə ka malaɩka ana lə na nɩ ŋkələɩ bawala sinayii baɖe n natəbaya ma cam ka ŋŋuro kabʋlee ashee atʋ. 39 Atɩ baya kəba cee na yɛɛ ba cəpra bɩfolu akɔɔ Ejibiti, 40 Alə arʋna waa: lee Gaja gaɖən ashee atʋ ga naa sara atɩŋyɩɩ; Aɖʋwaa Mʋsa ɖe alaa atʋ Ejibiti kaatəna nɩ ma, kɩɩkɔɔ ayɔ bʋkɔɩ apra ma na. 41 Ŋkəŋ na ba pil nce acə ana ɖaa nkʋna ma, naa basaraa ashee ncitomo ba lee nabanyɛ ma, najaŋ na jɩ. 42 Ŋkəŋ na Gaja ga lam pɩ naa tɔɔ pɩ ashee banaa lee ayɔkɔɩ ɩɖa alaŋ bɔɔta, ɖaa baŋɔn akɔlɩ ka gʋbɔ nɩ waa: Ɩsraɛl kəbaja anyɩn saa nɖee ɩɖa ʋteru nɩ ma ɩbʋŋa tɩ laa saraa na shee amʋ aa? 43 Ɩnaatɩ lige mɔlɔɔshɩ na ramfanɩ kaŋkʋna kagɩŋɔ rpi. Acitomo ɖe ɩce na lee bɔɔta ma! Ŋtɩ ma kɔɔ ace na anyɩ babilɔɔnɩ kankəm aa? 44 Atɩ baya babʋŋa awəɖa səriya kaaɖu ɖaa ba lə ashee Musa waa: Alee Kagʋsvra ɩ aŋə ma, 45 Atɩ baya ba cam adakaa ɖe halɩ Yosuwee kasaa ɖe na Gaja gakərə ɩsamaaɩ baɖa ŋkəŋ ma, ńɩɖa halɩ atɩ cim na Ɖaʋɖa. 46 Na Ɖaʋɖa aŋə Gaja kagʋjɔɔ na yɛe waa acə gaɖuɖaka ashee Yaakubu a Gaja; 47 Ʋpur salomɔɔ a pɩtɩ cə gafala gaɖe. 48 Ama Gaja gaɖa alaŋ ma, kaa na ɖa bʋɖuɩ bɛrɛ ba cə na banyɛ ma na, ɖaa annabi abʋŋa lə ma. 49 Waa: Nɖila nlee ka amʋŋyarɩ boi na gatəna ga lee agaɖunyɩka n'ɩkɔyɔm ataba pɩ waa. Gafala gapaŋajɩ ɩna yɛɛ ɩcə ashee amʋ, yaa gaɖuŋʋraka gapaŋaji ɩna yɛɛ ɩyɛɛ ashee amʋ. 50 Kilee amanyɛ ɩlee ka ayɔkɔde ɩŋunii aa? 51 Anyɩn bɛrɛ ɩɖɔkaŋkərka baja anyɩn, anyɩnɩfolu na nyɩnatɔ kɩ lee siriya kija na ma, ɩnaatɩ kan na ŋŋuro nsoŋsono, bʋkɔɩ anyɩmbaya ba lee ma ɩtɩ təwə bantəma. 52 Annabi bapaŋa pi anyɩmbaya kəbanaashɛ na? ba kə mbaɖee ba lə ɖeiɖei karɛ nɖe agalei, ńanyn gboo ɩnalee kambɔnɔ. 53 Anyɩnɩ ɩcam malaɩka mana bagʋpɔɔɩ banyaʋ ashee ayɩn naa kɩkʋn kaɖeiɖei na ma. 54 Barəŋə bʋlei bʋlei bʋɖe ma, ńʋnyana ʋkpa pɩ paa bɩ folu nɩ baɖe batɩ fəɖə fəɖə banʋkɔkɔ. 55 Ama, ŋŋuro nsoŋ nsoŋsono nɖe riŋɛ Etiɛɛnɩ, ataa agayɛ na kiɖe alaŋ suu, na anə Gaja kʋkʋmʋ. Na aŋə Yeesu ayɩde Gaja kagʋnyɩsonolaŋ ma. 56 Na Etiɛen alə waa: kiɖe ma ntɩ ŋŋə nɖila ntine ma, naa ŋə arɛpur ayide Gaja kagʋnyɩsonolaŋ ma. 57 Ŋkəŋ na ba səba na kuro nacɩʋ batɔ awala asin nɩ. 58 Naa abɔnɩ aɖoo na mpa kʋpaŋpaŋa na nyɩn nɩ atala mbaɖee ba lee kasəriyabaja ma bafɔɖɔ bɩtoko aɖʋ ayifala ɖən aŋyɩɩ, batɩ yɩɖa nɩ wo a sooli. 59 Ba na nyɩm Etiɛɛnu atala ma, na anyiŋə Gaja wa: nɖiyar yeesu cam amʋŋuro! 60 Na acima akəwə laŋ, naa akuna kəŋkəŋ waa: Nɖiyar Paa tɔɔ ba taalɩ na! Alə gəŋ aboŋo ma na afol