¹ Kasaa ɖe na Yeesu abakəŋja bayɔgo na pele, na heleniiti kəbaja baɖa na ŋumoŋumo waa: Hebrə kə baja ba ta naa yʋga ʋjɩʋ ba tɩ laa ba baja na pala, kəba na yʋga ʋjɩʋ nashee pɩ na. ² Ŋkəŋ na təb na banyɩʋ ba yɩɖa Yeesu abakəŋja ʋwalʋ, naa lə pɩ waa: kɩsim gɩ pala Gaja kaalei na rəŋə na ʋjɩʋ na. ³ Galaŋ atɩ baja kiɖe ma anyɩŋcuca nɩ alaa bɛrɛ kulumi, mbaɖee ba na səriya balaŋ na ŋŋuro nsoŋsono nriŋə na pɩ bawəɖa ʋyɔʋ ma, gɩshee pɩ ntəma nɖe. ⁴ Naa atʋ gɩtəŋə na ʋnyiŋu na Galei kantəma. ⁵ Ŋkəŋ na galei gaɖe gakər baaŋa ʋcine. Na ba laa Etiɛnɩ, arɛ, ʋcine na ŋŋuro nsoŋ sono yar, Filiipu, prokɔɔr, Nikanɔr, Timɔnɩ, Parmenasɩ, Nikolasɩ, prɔseliiti Antiɔshɩ kaja. ⁶ Na ce atɩ faŋa pɩ Yeesu abakəŋja, banyɩŋə ashee pɩ atər anyɛ balaŋ. ⁷ Gajakaale gaɖe ga tɩ ce baa ŋka, Yeesu abakə tuutuuma baɖe batɩ pele nace Yerusalɛm kamba nɩ, na basaraalaaja tuutuuma gboo bawəɖa ʋcine. ⁸ Etiɛɛnɩ, Gaja kagʋjɔɔ na kɩ́kashɩshɩ ɩɖe riŋə na nɩ, aɖe tɩ lee maamaaaci kalesʋra samaa agɩcɩɩca. ⁹ Sinagɔɔgə nɩ kəbarɛ baɖən ba ɖoo na sirɛɛnɩ na alɛksaɖrii, na yuɖa kəbajaɩ ba ɖoo na silisi na asii ma, baɖa na lɔɔrɩ na Etiɛnɩ. ¹⁰ Ama ʋyɔʋɩ Etiɛnɩ awəɖa na lə na pɩ ma, kə ba səra atɩkaashɩ na. ¹¹ Nkəŋ na bɛrɛ baɖe ba ta na yɛɛ bʋpaŋaka na lə waa: Gɩ rəŋə ana kpaarɩ na Musa na Gaja ma. ¹² Na ba pikil samaa, na baŋono, na babɔŋɔnja ba ta asiʋ nɩ, ari nɩ ace na ɩkəma kaaɖu. ¹³ Naa afʋ ɩsei ater anɖilaŋ na lə waa: ʋsoro nɖe kapala bʋlibɔnɔkʋləʋ na ata cɩrɩ cirɩ kaaɖu ngaɖe n'atʋgʋpɔ na. ¹⁴ Aɖʋwaa: gɩ rəŋə a na lə waa Yeesu, Nasarɛtɩ kaja ɖe, ataa pi gaɖu ŋgaɖe n'afʋba gʋshileɩ Musa ashee atʋ ma. ¹⁵ Mbaɖe ba sə ɩkəma kaaɖu ma, ba taa ba bʋyɛ atəŋə na Etiɛnɩ, ma, agayɛ gaɖe gaɖa ɖaa Malaɩka agayɛ ma.