¹ Pɩɛɛr na Yohana ba naa na lə na samaa ma, na basaraalaaja n'ʋnyiŋu kaafala kanɖiyar na saɖusi kəbaja ba kpa. ² Bɩ cine ɩta pɩɛ aɖʋwaa ba tɩ cere bɛrɛ na Yeesu aŋyɩɖa n'ʋŋənu aɖoo bakono nɩ. ³ Na ba ri pɩ akəʋ sarka nɩ halɩ gaja gakʋɖe aɖʋwaaa ʋshile ʋfana boŋo. ⁴ Na ka ma bɛrɛ tuutuuma ɩ ba rəŋə galei gaɖe ma, bacam jɩ ashee ɩja mbaɖe ba cam jɩ ashee ɩja mbaɖe ba cam jɩ ma na gəŋ bɛrɛ miili banʋn. ⁵ Gaja gakʋɖa ma, na samaa káɖibaja na baŋono na, babɔŋɔnja bawala Yeerusalɛm. ⁶ Baɖen na Aanib asaralaja baɖiyar, na kaiifʋ, na Yohana alɛkɩsanɖi, na mbaɖee balee basaraalaaja baɖimi ma. ⁷ Na ba pɩ na piɛɛ na Yohana atɩpɩ gɩcuca, naa ataba pɩ waa: ɩkashɩ ɩpaŋ na aŋaayiɖa njɩ ɩlee ataba pɩ waa: ɩkashɩ ɩpaŋa na aŋaayɩɖa njɩ ɩlee gʋlesʋra gʋɖe. ⁸ Ŋŋuro nsoŋsono nriŋə pɩɛɛr na alə waa: samaa kaɖibaja na Ɩsraɛl kəbaŋono, ⁹ Gɩ lee nsomo ashee arɛ aŋə alaafɩya ʋrɔŋde ma, laŋ na ba na taba atʋ aa? Na gɩ ləkɔɩ bʋpala naa aŋə alaafiya ma. ¹⁰ Anyɩŋganɩ yɔ ma, naa israɛl asamaa a yɔ waa: Yeesu Kristo Nasarɛtɩ kaja nɖee ɩkal nɩ naa, Gaja gaŋəŋə nɩ aɖoo bakona nɩ ma, aŋyiɖa nji ʋsoro nɖee ayiɖe anyɩnnyɩɩ waa ma, aŋə nalaafia ayɩɖe caŋ caŋ. ¹¹ Yeesu alee ka ntala nɖee anyɩn ba cəka ɩkɔɔ nama abəɖa ma, mpra ka ntalaɩ nna toŋ ŋku ma. ¹² Nɖinsono kɩnɖa ɖən nɩ na; Aɖʋwaa nɖila katən kəba shee bɛrɛ ŋyɩɖa nɖən nnɩɩ nfʋra bɛrɛ ma na. ¹³ Ŋkələ ba nə Pɩɛɛr na Yahana ba yɩde nɩɩja nuja ma, nɩ kpa pɩ biti. Ba ye yɔ pɩ waa: kə ba cere ʋyɔʋ ɖən na; Ama ba yɔ pɩ waa ba bʋŋakʋʋn Yeesu. ¹⁴ Ama ʋsoro ɖe aŋə alaafiya ma, ayɩɖe basul ma, kə bakɔɔ ayɔ ŋgaɖee ba lə ma na. ¹⁵ Na ba lə pɩ waa: were ɖoo ma, at gɩcɩɩca, ŋkəŋə na baɖa na yɛɛ gʋfaŋa na lə waa: baɩ na gɩsara na bɛrɛ baɖe? ¹⁶ Aɖʋwaa: Yɛrusalɛm kəbaja baŋunii ba ŋə maamaacɩ kagʋlesʋraɩ ba lee ma, nakagɩsəra afɩrɛ na. ¹⁷ Ama naa galee gaɖe gapaa tɩ ce baa nka samaa agɩcuca na, ɩsəm gɩ bla na pɩ ba paa kɔɔ lə galei gaɖən kokoo ba lee akɔɖən na ŋyɩɖa nɖe na. ¹⁸ Na ba yɩɖa pɩ, naa bla na pɩ waa: bapaa kɔɔ lə gaɖən kokoo bacere na Yeesu aŋyiɖa na. ¹⁹ Na Piɛɛr na Yohana babuye pɩ waa: Anyɩŋgɩlopɩ cəmɩkəma aŋə ɩtajɩwaa ɩ təŋə Gaja kaŋyɩɩ waa gɩ nyene anyɩn naa apala Gaja. ²⁰ atʋ kagɩsəra aŋʋra gɩpaa lə bʋkɔɩ gɩ ŋə arəŋə ma na. ²¹ Na bakɔɔ anashɛ pɩ aciŋə ńatam pɩ, kəbakɔɔ yɔ ɖaa ba bɔ bagʋtɔ ma na, aɖʋwaa samaa aunii atɩ kʋma Gaja aɖʋ bʋkɔɩ bʋsara ma, kanɖi laŋ. ²² Ʋsoro ɖe aŋə alaafiya ma aɖe wəɖa bʋjaɩshɩnyɩʋ na kaŋkəm. ²³ Ba lampɩ aboŋo ma, na ba ce bábàjá sul atɩ lə pɩ bʋkɔɩ basaraalaaja na baŋono basara na pɩ naa alə pɩ ma. ²⁴ Ba rəŋə bʋkɔɩ basaaka ba lə ma, na ba man ataa ʋwələ baŋunii ayinə Gaja a lə waa: ɩkoyar akɩɩ ʋlee alaŋ ńatən, na təŋku, na bʋkɔɩ bʋsh ɩ ɖa ma, ²⁵ akɩ lə ka na ŋŋuro nsoŋsono, na ataya Ɖaʋɖa aganɔ waa: Mʋlee ka samaa ana bɔbɔ na bawor Mʋleeka afaŋkono ɩɖa bagɩcɩɩca gəŋ? ²⁶ Ɖulinyanɩ kəbayarɩ na kəbayarpi baɖʋ ganɔ atəŋə nɖiyar na nɖee afʋr bʋshi anɖi laŋ ma. ²⁷ Batəŋə akatəŋleeja cɩrɩ cɩrɩ kaja, nɖee ʋƒʋr bʋshi anɖilaŋ ma, Heroodi na pɔɔsɩ Pilaatɩ na mpá nɖe nɩ baɖʋ ganɔ na israɛl asamaa. ²⁸ Alee bʋkɔɩ akʋnyɛ ńakʋfaŋa gʋ nyaʋ ma. ²⁹ Nnyimə nɖiyar, ŋə ɖaa ba na ɖʋ atʋ ɩshɛɩ ma, shee akibatəŋleeja ba lə akaalei nɩ́ja. ³⁰ Bɔlɔ akʋŋyɛ, naa bɛrɛ bɩshɛɖʋ ɩkaɖa maamaaci kalesʋra ɩlee na akatəŋleeja cɩrɩ cɩrɩ kaja Yeesu aŋyɩɖa. ³¹ Ba nyiŋə a boŋo ma, na gaɖuɩ bawala anyɩŋə ma, ɩtar, na ŋŋuro soŋsono nriŋə bagaŋɔ na basəba na lə Gaja kaalei nɩja. ³² Bɛrɛ tuutuumaɩ ba shee ɩja ma, bata wəɖa ʋcine ʋɖɔŋkɔnɔ, ganɔ gaɖɔŋkɔnɔ. Ʋɖən ka na laa agʋlɔ na fələ na, ʋɖən ka na lə waa amɩja ɩnoo kama na, ama baganɔ bapra ʋɖɔŋkɔnɔ. ³³ Batəmka baɖe batɩ lee Maamaaci kalesʋra tuutuuma, na Yeesu ʋŋənʋ gʋjɔɔ gʋbmbɔnɔ gʋtaɖa ashee baganɔ. ³⁴ Aɖʋwaa: Bagɩcɩɩca nɩ, talka karɛ ɖən ɖən kaɖa bagɩcɩɩca na, mbaɖee bawəɖa ɩwara kokoo ɩfata ma baɖə batɩ yala na pɩ na bʋkɔɩ bayala ma. ³⁵ Naɖʋ batəmka baŋyɩɩ; baɖe batɩ yʋga ɖeiɖei ɖaa baaŋa ahɩɛ ma. ³⁶ Yosɛfʋ nɖee batəmka ba ɖʋ ŋyɩ ɖa waa: Barnabaasɩ ma, kaashɩ nagəŋ waa: Nɖee ana ɖʋ ɩkashɩ ma ʋpur, aɖe lee lefii abʋŋʋma nɩ karɛ, aɖa shiipu. ³⁷ Na ayalaa gawara, naa tɔɔ kɩtanɩ apɩ na batəmka sul.