¹ Piɛɛr na Yohana ba ce ʋnyiŋu kaafala gabʋmbɔnɔ nɩ banyiŋe, ɩɖe lee saaɩ ba na nyiŋə ma, bʋkɔŋkɔŋɔ ciɩnɩ. ² Ʋsoro ɖən ɖaa baŋʋm nɩ ma alee falaŋfalŋ na, baɖe batɩ pɩ na nɩ na tɩ ʋnyiŋukaafala kaakonuɩ ba na yɩɖa waa: gʋŋərə ma, waa alee bara. ³ Ʋsoro ɖe, aŋə Piɛɛr na Yohana ba na yɛɛ ba kpa ʋnyiŋu kaafala nɩ ma, na anyiŋə pɩ ɩtanɩ. ⁴ Na piɛɛr na yohana ba lə nɩ waa: kɩɖə atʋ gɩṣhɛbɔ. ⁵ Nátaa agayɛ nɩ kɩɖə pi, na mən gʋtabara waa batɩ ba shee nɩ akɔɖən. ⁶ Ŋkəŋ na piɛɛr a lə nɩ waa: kə ma wəɖa gɩtanɩ kokoowura ma shee kɩ na, ama mbʋɖee ŋwəɖa ma shee akɩ ma, na gəŋ, na yeesu kristo Nasarɛɛtɩ kaja anyɩɖa ta ayiɖelaŋ asara. ⁷ Na ba bɔlɔ gʋnyɛ ataa nɩ ayala alaŋ-kpaarɩ nɩ́kei ɩkʋɖa kʋɖa aɖa ɖei ɖei. ⁸ Na amana səba gasana, na akʋn pɩ baman a kpa ʋnyiŋu kaafala nɩ, a ɖətɩ ta na jɩm, na kʋma Gaja. ⁹ Samaa ɖe tɩ ŋə ɖaa ana: Sara na kʋma Gaja ma. ¹⁰ Baaŋa ɖe yɔ nɩ waa: ʋni na ba tɩ ʋnyiŋu kaafala kaakukonu na lee bara, nɩ́lee baaŋa maamaaci daa ana sara nnyimə. ¹¹ Ɖaa kashɩ təbə Piɛɛr na Yohana sul na ma, nɩ́lee samaa aŋunii maamaaci na ba cu ace na jɛlɛ salomɔ ɩculpi sul. ¹² Piɛɛr aŋə gəŋ ma, na alə samaa waa: israɛl kəbaja anyɩn, mʋ lee ka, ɩna lee anyɩn biti? ŋ'ɩ na kiɖe atʋ gəŋ, ɖaa atɩ kashɩ yaa ata ɖeiɖei apala ka na gɩ səra apala ʋroro nɖe asara? ¹³ Abraham a Gaja, n'Ɩsaaka na Yaakubu, atɩ baya ba gaja gaɖe gakʋmaka atɩŋleeja Yeesu, nɖe ɩrɩ nɩ awəla nɩ Pilaatɩ aŋyɩɩ ŋkələ Pilaatɩ a na yɛɛ alam nɩ ma. ¹⁴ Ɩbəla nɖee alee ciri alee ɖeiɖei ma, na yɛɛ mbɔnɔ yar. ¹⁵ Ɩkə ŋŋuro kʋyarɩpi, ama Gaja gaŋənə nɩ; Nátʋ gɩlee kasəriya baja. ¹⁶ Gɩ wəɖa na anƴɩɖa ʋcine ma, na aŋyiɖa ntaa ʋsoro nɖe ɩna ŋə nɩ ayɔ nɩ ma ʋcine gɩ wə ɖa na aŋyɩɖa ma, ɩkaɖa ka ʋsoro ŋɖe ʋshɛɖʋ kpataa anyɩŋyɩɩ. ¹⁷ Ambaja nnyɩmə anii ncɔɔ yɔ waa: Anyɩn na anyɩnaɖi baja baja ɩsara nyashɛshɛ kaasana. ¹⁸ Ama Gaja gashee lee antəma, galei a cee lə na annabi mana ma, waa: Kristo anaajɩ ishɛɩ nɩ. ¹⁹ Galaŋ fʋba ma nɖawa, naa bashɛr anyɩmbɔnɔ. ²⁰ Naa ŋkələ ɩkoyar aɖooɖoo anyɩnɩ cine ma, ʋkpa Yeesu kristo na batəm ashee anyɩn. ²¹ Ɩsəm ataa naa ɖa alaŋ halɩ saa ɩ baamʋnʋ kpataa ɩlee ɖaa gaja ga lə na annabi mana ba bʋnɔ ma. ²² Mʋsa cee lə waa: ɩkoyar Gaja gɩ tɩ ga laa annabi ɖən anyɩŋgɩcɩɩca ɖaa amʋ ma, ŋgaɖee alə anyɩn ma, rəŋə ma. ²³ Ama nɖee abəla ka rəŋə na nɩ na ma, shee balaa nɩ samaa agɩcɩɩca. ²⁴ Annabi mana mbaɖee ba lə tɔna samuɛl aŋkələ ma, ba lə kɩshile ɖe. ²⁵ Anyɩn pɩ annabi mana bapur napur na alɩkawɩlɩ Gaja gakʋr na tɩ ba ya, alə waa Abraham akɩŋyiɖa nɩ na ma ɖʋ ɖulinya abʋŋʋmab ʋŋunii alɩbarka. ²⁶ Anyɩn pɩ Gaja gatɩm atəmlee ja waa:apɩ atɩ səbaɖʋ anyɩn aləbarka, alaa baaŋa ambɔnɔ.