¹ Annabi ɩsəɩ baja baɖoo nabʋdu, gəŋci gboo bafaŋka ɩsəi baja baɖoo anyɩngɩcɩɩca n'pɩ n'ʋceru vbɔnɔ nɖee ʋna ɖur gaɖu ma, batɩba jɩ kɔɔ na nɖiyar ndee acəmpɩ alam atən ma agalei abəɖa naa babɔ ʋliu aɖur na bagʋlɔ. ² Bɛrɛ tuutuuma batɩbatər baŋkəm bʋliu ɖe nɩ balesʋra laŋ ba tɩ ba na jɩ gɩwʋlʋ n'ɩja kʋnyɩŋca. ³ Bagɩtansɔlɔka laŋ batɩ ba paapaa anyɩn, na lomo lomo, natam bʋlei mbʋɖee kʋbʋwəɖa aŋfaanɩ na, bagɩlopi balama, ama, bagʋtɔ gʋbɔka gʋcee akpeɖe boŋo nasaa pɩ mbusu ntɩŋfəɖa balaŋ. ⁴ Ama Gaja kaapala ɩmalaɩka mbaɖee ba lee mbɔnɔ ma bagʋtɔ kʋbɔʋna, ama, apikil pɩ akəʋ nkomo nɩ akʋrpɩ ɩwɔrɔ ba naajɩ ɩshɛɩ nasaa nɩkəma kʋshile. ⁵ Ka pala ɖulinya aŋono agʋtɔ kʋbɔʋ na, ama, ɩta jɩ waa: Afʋna Nuhum, nɖee ana lee ʋtəŋu təŋu kawasu aɖe nna abaja ma aleeka ɖeiɖei yar, ŋkələ̀ apala bʋto bʋjɩ mbɔnɔ kaɖlinya ma. ⁶ Ɩtajɩ waa apala soɖɔm nagomɔriya kapa ɩcam ʋtonu apra atʋŋa, banɩ ɩ balee mbɔnɔ baja ma, atɩ yɛɛ tɩ yɛɛ waa batɔɔ akiɖe nama. ⁷ Ata saŋkɔɔ cam lɔɔtɩ ɖeiɖeiyar alamatən, lɔɔtɩ ɖe ʋcine kʋna kərə na bʋkɔɩ mbɔnɔ baja ba na lee ma na. ⁸ Aɖʋwaa ʋni ɩ atəŋarɛ aɖa bagɩcɩɩca ma, atɩjɩ ɩshɛɩ alesʋra ɩbɔnɔɩ anaŋə ba na lee baajəŋ ma, aŋŋuro nɩ kɩɖa nɩ fɛɛ na balesʋra ɩbɔnɔ laŋ. ⁹ Naɖiyar atɩ laa mbaɖee bana lee bɔɔta n'ɩja ma, ɩnawɩya nɩ, naa aɖʋ mbɔnɔ baja gʋsaʋ na saa n'ɩkəma kʋshilé acim na pɩ ɩkəma. ¹⁰ Ɩta goro na mbaɖee ba na sara gʋrɩlɔ nɩ asɔlɔ ajɩwa n'ɩfɔrɔ kalesʋra ma, bakɔɔ na bʋkɔɩ bʋlee ɩkɔma abəɖa. Awəɖa gɩnyɩŋkpakpa na faŋa balɔ yɔgʋ, asampəna kɩ na kpa pɩ n'ʋkʋmʋ kʋlim na. ¹¹ Ɩmalaɩka mbaɖee bawu awəɖa ɩkashɩ paa ma, kə ba na ciu n'ʋkʋmʋ na lim nɩ, Gaja kaŋyɩɩ na. ¹² Ama, banɩ baɖa ɖa ɖaa ɩbɔrɩɩ kəba wəɖa gvfaŋa na ma, aɖa baŋyashɛshɛ nɩ, ɖaa ɩbɔrɩ mbaɖee ba na taa kpaca na ri na kə ba cii ma, batɩlim bʋkɔi kəba yɔ na ma, batɩ ba tɩ lim bʋkɔɩ kəba yɔ na ma, batɩ ci ɖ'ɩbʋrɩ baɖe ma. ¹³ Bʋkɔɩ basəla pɩ ma na gəŋ gʋtɔ gʋbɔka balesʋra ɩbɔnɔ ɩ balee makanɖilaŋ, gɩshɩlɩkɔnɔ jɩ baŋə waa ɩcəm na pɩ ba naalee bale sʋra ɩbɔnɔ de, Bɛrɛ ŋyashɛshɛ n'ajɩwakale sʋra baja, ɩta man na pɩ najɩ ʋjɩʋ, baɖe ba ɖa na paapaa balɔ. ¹⁴ Bɩ nyine ɩɖa basəmprə kʋ yɛʋ laŋ, na lee ɩsna, basɔlɔ mbɔnɔ kʋleu, basəmprə ɩkə ba wəɖa ʋyɔʋ na ma, ba ni pɩ ba na caarɛɛ. Naa awəɖa gɩtaŋ kuri yɔgʋ yɔgʋ, mbusu nɖaka na saa pɩ. ¹⁵ Batəbə ʋnyɩnca ʋtəŋəka laŋ, alii akʋn Balaam bɔsɔɔ ʋpur, nɖee asɔlɔ acam mbɔnɔ kʋɖa ma. ¹⁶ Ama, ambɔnɔ ana yɛɛ alee ma laŋ arəŋə garaŋkɔŋkɔŋɔ gabor na nɩ ńarɛ ʋwələ n'aye pala gajaresana ɩ asara na ce ma. ¹⁷ Bɛrɛ baɖe baɖa ɖa ɖaa, tɔkɔ nɖee kawəɖa bʋto na ma, ɖaa nɖɩla nɖee gasər fɛfɛ ga pikil ma: nkomo mbʋmbɔnɔ n na saapɩ. ¹⁸ Ba wəɖo mpaapaa kabʋleibʋ na paa paa, na bʋlei bʋkɔnɔ baɖe ba tɩ bɔ basəmprə ɩ ba fɔɖɔ basʋro banyɛ nɩ aɖa ʋliu nɩ ma; ¹⁹ Baɖe ba tɩ lə pɩ waa oh batɩ baɖa ashee balɔ fɛɛ, ama, bagɩlopi baɖe baɖa mbɔnɔ ka gɩdɔmpəla nɩ kə ba yɔna, Aɖʋwaa: Bʋkɔɩ bʋwukɩ ma bʋ na ɖʋ akɩ gɩɖɔmpəla. ²⁰ Ɩtajɩ waa balaakɩ ajɩwanɩ nɖən ayɔ, na nɖiyar Yeesu Kristo aŋyɩɖa kʋ yɔʋ, n'ʋkɔɔ pɛmpɛŋɛ akpa ncən acəŋə, karɛ anɖawa n na pra mbɔnɔ nji awu nsəbaka. ²¹ Maa kəbayɔ ɖeiɖei k'ʋnyɩnca na, maa ɩcɩm awu, waabayɔ cɩrɩ cɩrɩ k'ʋnyɩnca nɖee ba shee pɩ ma. ²² Ŋkɔlɩ nɖee ba bʋŋa akə nlee ɩja ma, n wəɖa pɩ, waa: Bʋkɔɩ asna awəgə abəɖa ma, akɔɔ ce atɩ najɩ, n'ʋkuruci nɖee ba cɩ ni aɖa mam mam ma, akɔɔ akpa gʋɖɔpəna nɩ.