¹ Pɔɔl, yeesukriston atǝma na gaja kʋcinsɔlɔka natʋwar timotee ashee gaja kacɔɔci nɖee aɖa korɛtɩ natɩba wor cɩrɩ cɩrɩ kǝbajaɩ baɖa akai nɩ ma baŋunii: ² Ataya gaja gɩyarɩ gɩbʋmbɔnɔ yar ashee anyɩn a gʋjɔɔ na fɛɛ kʋsǝʋ na yeesukristo aŋyɩɖa. ³ Alǝbarka aɖa ashee gaja , atɩnɖiyar isto yeesu -kristo ayar ɩ alee ɩshɛɩ ŋǝka ɍ nʋpǝlʋpǝlʋ kagʋya ma. ⁴ Ana pǝlapǝla atʋ gǝŋ ma natʋ gboo gɩna pǝlapǝla mbaɖee ba naa na jɩ ɩshɛɩ ma. ⁵ Aɖʋwaa: kristo ɩshɛɩ nɖee gɩ na jɩ ma ɩyɔgɔ atasul, gǝŋ cigboo ʋpǝlʋpǝʋ nɖee ba lɩ pǝla pǝla atʋ kristo nɩ ma ʋyɔgɔ. ⁶ Atɩgʋ ta cii ɩlee ʋpǝlʋ pǝlʋ na nɖinsono njɩ ashee anyɩn ɩta jɩ waa Gɩ ŋǝ ʋpǝlʋ pǝlʋ ɖǝn anyɩnalaŋ na naa kasuuru alee gɩcǝʋkʋ atoŋo ɩshɛɩjika ɖe. ⁷ Nata tamaa aɖa gɩshɛbɔ aɖʋwaa gɩ yɔ waa Anyɩn gboo ɩta jɩ ɩshɛɩ ɖe ba tɩɩ pɩla pɩla anyɩn mɩaʋ. ⁸ Aɖʋwaa kɩɩ na yɛɛ ɩnyir nawɩya abʋmbɔnɔ nɖee awǝɖa atʋ Asii nɩ ma na nawɩya ɖe apɩ halɩ na yɛɛ awu atʋ kɩ caa yɔ waa gɩtɩ gɩ naa ɖa ŋŋuro nɩ na . ⁹ Baɖe ba tɩ tɔɔ atʋ ɖaa bɛrɛɩ kǝ bakɔɔ sǝm baɖa ŋŋuro nɩ ma na naa gɩ paa tɩ kantaŋ natɩgɩlopi na ama gɩkantaŋ na gajɩʋ ga na ŋǝnǝ bakono ma. ¹⁰ Alaa ka alʋ ncǝn anaa kɔɔ alaa atʋ bʋce bʋɖe nɩ ʋni na gɩ na ɖʋ na tamaa waa ataa kɔɔ alaa atʋ. acǝŋǝ. ¹¹ Anyɩnʋnyiŋu ɩna nyǝŋǝ nashee atʋ ma naa tuutuuma aŋǝ kagʋjɔɔ akʋma gaja ashee atʋ gboo. ¹² Bʋkɔɩ bʋ lee atʋkʋmʋ ma na gǝŋ atɩ nɖawaɩ gɩɖa na laa sǝriya na gasanaɩ gɩ nasara ɖulinya nɩ anyɩnalaŋ ma, curɩ na ɖeiɖei kaasana gaja ka ŋyɩɩ, kɩ lee na gʋrɩfaŋa na ama na gaja ka gʋjɔɔ. ¹³ Kɩɩ ŋɔɔn akɔɖǝn ashee anyɩn akɔɔ awu bʋkɔɩ ɩ natʋr ayɔ ma na ntɩ yɛɛ ɩyɔ halɩ atɩ waɖa . ¹⁴ Daa ɩyɔ aboŋo waa : Atʋ gɩlee ka anyɩnʋkʋmʋ ma anyɩr gboo ɩtɩɩ lee atʋkʋʋmʋ ʋstilee nɖiyar yeesu avaa pɩ ma. ¹⁵ Galaŋ ntɩ yɛɛ ma lee koŋŋkaarɩ ace anyɩnasul naa ɩŋǝ ka gʋjɔɔ akpala ɩnyɩʋ. ¹⁶ Ntɩ yɛɛ ma kul nanɛyunasu ace maseɖuanɩ naa ma ɖoo na Maseɖuanɩ apɩ anyɩnasul naa ɩyala amʋ ace yuɖee. ¹⁷ Nle gǝŋ ma ntɩ yɛɛ ma nuulee anyɩn na aa? yaa niya nɖee nnatɔɔ ma alee gʋrɩlɔɔ kaniya ma lǝ waa lɩŋ na Aaɩ aa? ¹⁸ Gaja galee ɖeiɖei yar na Galeiɩ gɩ lǝ anyɩn ma kaalee lɩŋ na Aaɩ na. ¹⁹ Aɖʋwaa gaja ʋpur yeesu kristo awaasunɖee amʋ na silfɛ na timotee gɩ lee anyɩngɩcuca ma ka lee lɩŋ na Aaɩ na ama lɩŋ ɩɖaka na nɩ ; ²⁰ Aɖʋwaa bʋkɔɩ gaja gaɖʋ waa gatɩ galee ma ɩlee lɩŋ na na gɩ kɔɔ alǝ acǝŋǝ waa Ami na gaja kʋ kʋmʋ. ²¹ Nɖee atoŋo atɩ nanyɩn gɩyiu kristo nɩ ma ʋni na gǝŋ gaja. ²² Astɛmɛ katʋ nʋshɛmʋ naa aɖʋ ŋŋuro atɩfolu nɩ ŋŋuro nɖe ŋjɩ anaatɩ shee atɩ alʋwaatʋ akǝŋja nɩ ²³ Ntɔɔ gaja galee sǝriya ashee amʋ naa anyɩn ɩɖoo ncǝn galaŋ na ka ma ce korɛtɩ na . ²⁴ Kɩ lee gɩ na yɛɛ gɩtʋŋa anyɩʋcine uwǝɖa ma na ama gɩkaŋanyɩn ɩɖa ʋciŋkǝrka nɩ aɖʋʋwaa anyɩ nʋcine uwǝɖa ma ʋyiu gɩshɛbɔɔ.