¹ Ntɔɔ niya amʋcine nɩ waa kǝ ma na yɛɛ ma ce anyɩnasul nʋcimpɛ ka na. ² Aɖʋwaa Amʋ ntapala anyɩnʋcine ʋʋta pɩɛ aŋa napala amʋja ʋkǝr na kɩ lee nɖee mplɛ ʋcine ma na? ³ Nŋɔn gǝŋashee anyɩn naa ntatɩ kpa anyɩnasul ma paa tɩ pala mbaɖee bashee amʋ ʋciŋkǝrka ma bɩcɩne ɩpɩɛ na nwǝɖa n'anyɩn kaja tamaa waa amʋciŋkǝrka ɖe ʋʋlee atɩga nɔ atʋja. ⁴ N'ʋcimpɩɛ ka ʋbʋmbɔnɔ nɩ na nŋɔn ashee anyɩn kɩ lee waa naa anyɩnʋcine ʋpɩɛ na ama naa ɩyɔ ʋsɔlɔ ʋbʋmbɔnɔ nɖee nwǝɖa ashee anyɩn ma. ⁵ Ɩta jɩ waa ʋɖǝn lee ʋciŋpɩɛka kagʋlesʋra gʋɖǝn kɩ lee amʋ na alee na anyɩŋganɔ jɩ alee ama. ama ɩkiɖe galei naa ɩpaa tɩ goro na. ⁶ Arɛ ɖe alee gǝŋ ma ɩsǝm ba ɖʋ nɩ gʋtɔ gʋbɔka gʋɖǝn ŋgʋɖee baa aŋǝ waa gʋsǝm ma. ⁷ Gʋtɔ gʋbɔka gʋsʋra gʋɖe shee ɩkiɖe naa jɩ na nɩ suuru atǝɖǝ nɩ naa pǝlapǝla nɩ naa ɩpaa tɩ wu nɩ ʋcine ʋpɩɛ akɔɔ awu gǝŋ na. ⁸ Ntɩ ɖʋ anyɩn ɩkashɩ waa ɩfaŋa anyɩnʋsɔlʋ ashee karɛ ɖe. ⁹ Aɖʋwaa nŋɔn nashee matʋŋa anyɩn ayɔ ɩtajɩ waa ɩtɩɩ nyene alesʋraɖe uŋunii. ¹⁰ Ɩtaji waa ltǝɖǝ arɛ ɖǝn ambɔnɔ amʋ gboo ntǝɖǝ karɛ na nɖee ntǝɖǝ ma ɩtaji waa ntǝɖǝ nɩ anyɩn alaŋ na kristo aŋyɩɩ. ¹¹ Naa gɩ paa tɩ shee sheetaanɩ ganɔ aboɖo atalaŋ na aɖʋwaa kɩɩ nyir alesʋra laŋ na. ¹² Ŋkǝlǝ ŋkpa traɔsɩ kristo alaabaarʋ asoŋsono laŋ ma baa maa ɖaa nɖiya atine gʋcaŋkɔ ashee atʋ ma kɩ ɖamʋ fɛɛ na aɖʋwaa : kǝ ma ŋǝ amʋʋwor tiitɩ na ma laŋ. ¹³ Galaŋ na nfǝnapala pɩ naɩ naa ce masaɖuanɩ. ¹⁴ Ʋkʋmʋ ʋtǝ gaja gɩyarir la apala gɩ na jɩ caacaa na yeesu aŋyɩɖa asal ʋyɔʋ kʋfǝtǝrǝ ʋsoŋono kristo baa ŋkana! ¹⁵ Atʋ gɩ lee ka ʋfǝtǝrǝ ʋsoŋono kristo nɩ ashee gaja mbaɖee ba ŋǝ nɖi nsono ma na maɖee ba nɖi nci ma bagɩcɩɩca . ¹⁶ Baɖǝn sul ɩlee ʋfǝtǝrǝ bʋce kʋja na na kǝ pɩ ba na ci baɖǝn sul ɩlee ŋŋuro kʋfǝtǝrǝ na na shee ŋŋuro na ga ɖa gɩshɛbɔ alesʋra de tuutuuna aa?. ¹⁷ Aɖʋwaa kɩɩ yàlà gaja kaalei ɖaa basakatuutuu ma ba na lee ma na ama nɩ ja nɩ gaja gapara atʋ gɩ lǝ kristo agalei aŋyɩɩ.