¹ Mbaɖee balee batənleejama, bataa nakɩɖe waa ɩsəmba nyene bɩtanɩ baja gɩshɛbɔ naɖʋ pɩ grəma, naa Gaja kaŋyɩɖa n'atʋcenu ɩpaa jɩ gɩcifala na. ² Mbaɖee bawəɖa aɖibajaɩ balee Kristo bapurma, bapaa pala pɩkʋnyenu na, gɩtɔɔ pɩ waa atɩ bawər: ama balee bantəma ɖaa ɩsəm ma, mbaɖee bawəɖa ʋyiɖu nama na atɩ basɔlɔka ma, batɔ balɔ acra na lee nsoŋsono cere alesʋra ɖe naa ashee ganɔbaleeɩ. ³ Ʋɖən ata naa cere ʋceruɩ ʋlee wəi ma, na ka cra agʋlɔ atɩnɖiyar Yeesu Kristo a bʋlei cɩrɩ cɩrɩ kabʋja n'ʋceru ndee ʋlee nɖawa nsoŋsono na ma. ⁴ Karɛ ɖe atɩfaŋa agʋlɔ yɔgʋʋ, ka yɔ akɔɖən na. Awəɖa yɛrɛ yɛrɛ kʋshɛɖʋ n'ʋbɔbɔʋ, gaduu gʋcele, bʋboro, ʋrɛpɩɛ, na bʋlɩpaŋa ka bʋbɔnɔ, ⁵ fɔɩ kabʋlei, gɩjotorɛ, kə ba wəɖa ɩja na bashee ɩja waa: gɩshɛbɔ kʋleu ʋnapɩna riiba. ⁶ Ɖaa ɩɖa ma nɖawa nsoŋsono ntɩ pɩ nariiba abʋmbɔnɔ, n'akʋcine ʋnaakər nabʋkɔɩ ʋwəɖa ma. ⁷ Aɖʋwaa: Anyɛ ɩkɔnɔ nɩ gɩpɩ ɖulinya nɩ gəŋ ci gboo ka gɩsəra atɔɔ akɔɖən ashɛʋ na ma na. ⁸ Gɩtawəɖa ʋjɩʋ n'ayɔkɔkaraka. Ɩni ɩfana atʋ. ⁹ Ama mbaɖe ba na yɛɛ waa: ba wəɖa ɩtanɩ ma, batɩfəɖa ɩkpaca nɩ were basɔlɔ ayɔkɔ tuutuumaɩ ɩlee ŋyashɛshɛ na'alesʋraɩ ɩcɔɔ alee ɩbɔnɔ kpaama ɩnatutur bɛnɛ. ¹⁰ Aɖʋwaa: gɩtanɩ kakɔɖɛɩ ɩlee baa mʋnʋ k'alaamari na atɩgɩcuca nɩ baɖən bawəɖa ɩma, na ba lɩŋ na balɔ ʋcine wəɖa ka, na bakpa ntənə tərə nɩwɩya babʋmbɔnɔ nɩ. ¹¹ Akɩ nɖee ʋlee Gaja karɛ ma, cu alesʋra naa ayɛɛ ɖeiɖei, nanɖawa nsoŋsono, ʋcine wəɖaka, ʋsɔlʋ, suuru n'ʋrɩsana. ¹² Cə ʋcine wəɖaka ka gʋtara gʋsoŋsono, naa ari ŋŋuro ɩkɩŋwəɖa gayalana ma, gaŋ na bayɩɖa akɩ, n'ʋŋana akaanɔ alə bɛrɛ tuutuuma ba lee kasəriya. ¹³ Ntɩ cere aka Gaja ŋgaɖee gana shee ŋŋuro baa mʋnʋ ma, na Yeesu Kristo nɖee alə pɔŋsɩ pilatɩ aŋyɩɩ ma, waa: toŋo mʋra gɩshɛbɔ. ¹⁴ Naa aɖa gawaka na ma ga ɖən gapaa ɖa n'akɩ na. Ba paaŋə tualɩ ɖən n'akɩ na halɩ atɩnyar Yeesu Kristo atɩ pɩ. ¹⁵ Ʋpɩʋ kasaa anaa ɖoo ma, Aliheerɩ na anɖənɖən aleeka nɖi yar abʋmbɔnɔ bayarɩ baya, Aɖi baja banɖɩyar. ¹⁶ Bʋce kəbʋ na kə nɩ na aɖa ʋkaɖʋ nɖee arɛ kaasəra ayɔ akaciikaŋ na ma aɍɛɖən kaasəra ayɔ akaciikaŋ na ma arɛ ɖən kasəra aŋə n'ʋɖən amana anaa səna aŋə ma, ajee ŋyɩɖa nɖʋka nɩkashɩ ɩkɩwəɖa gayala na ma, Ami. ¹⁷ Ləsaamanɩ nɖe ne kə batanja ba paa nafaŋa balɔɔna, ba paa ɖʋ ba tamaa b'arisiki nɖee kẹ ba anɖi na ma na, ama bɖʋ batamaa Gaja ɩga na shee baaʋnʋ tuutuuma waa: gɩja kariiba ma nɩ. ¹⁸ Le pɩ balee nsoŋsono, bawəɖa arɩsiki aleʋ ɩsoŋsononɩ, bawəɖa gʋjɔɔ gʋlee ka, ba naa shee. ¹⁹ Ba wala amaana, naɖʋ na saana aye nɖee ana tɩpɩ awẹɖa gaɖu yiu kaga ŋẹrə, kashiya kaaɖu, naa ba səra ari ŋŋuro ɩja kanja. ²⁰ Ao Timotee toŋo gɩshɛbɔ n'alaa akʋlɔ bʋlibɔbɔkaɩ kə bʋ wəɖa aŋfaanɩ na ma nɩ. ²¹ Na bʋlilɔɔnɩkaɩ bʋle ɩsəi kʋyɔʋ ma nɩ baɖə batɔɔ bʋ apra bantəma, naa ala balɔ ʋcine wəɖaka nɩ. Gʋjɔ gʋ ɖa anyɩnasul!