¹ Paa bor na mbaɖee bakpar gɩpɩla kəŋkəŋ na, ama ɖʋnɩ ɩkashɩ ɖaa ba na gʋyà ɩkashɩ ma; Naa aɖʋ bayifala ɩkashɩ ɖaa atɩbawor ma. ² Basəmŋono ɖaa atɩ ba nà ma, ɩweecɛnɛ mana ɖa atɩ banyeŋka ma, bawəɖa nɖawa ŋŋərə. ³ Ɖʋ bakoŋkaɩ balee ɩja kəbaja ma, girma. ⁴ Ɩta jɩwaa: ʋkoŋka ɖən awəɖa bapi na mpipi ɩsəm acere halɩ asoŋsono nabʋŋʋma, na alee abaja bɔɔta aɖʋwaa ɩcɩm Gaja kaŋyɩɩ. ⁵ Ʋkoŋka ndee alee ɩja kaja ma, naa alaa gʋlɔ afələ ma, atɩɖʋ atama na Gaja aruku gɩshilekɔnɔ na gyibɔŋɔ na pəla pəla na nyiŋə Gaja. ⁶ Ama, nɖee ana lee ʋciŋsɔlɔ ka ma, aciboŋo baa maa ada ŋŋuro nɩ. ⁷ Ləpɩ bʋlei alesʋra ɖe, naa gawaka na ma gaɖən gapaa ɖa na pɩ na. ⁸ N'ʋɖən ka na tɔjɩ abaja na, laalaa agafala nɩ kəbɛrɛ, karɛ ɖə abəɖa ʋcine, kasaa ɖe apra nɖee kayɔ Gaja na ma. ⁹ Naa baye aŋɔn ʋkoŋka dən aŋyɩɖa ma, shee awəɖa bʋja ɩshiriu, ɩjɩ waa ʋsoro aɖɔŋkɔnɔ na ako. ¹⁰ Alesʋra ɩsoŋsono ɩɖa na nɩ, anaa tɔji bapi na cambɛrɛ gɩsana, na shire cɩrɩ cɩrɩ baja bɩkei, na kaŋa na mbaɖee ɩwu pɩ ma, na lee alesʋra ɩsoŋsono. ¹¹ Ama bəla na bakoŋkaɩ balee weecɛɛnɩ mana aɖʋwaa ɖulinya ʋsana ʋtabɔpɩ apaɖa na Kristo, baɖe ba kɔɔtɩ yɛɛ ba kɔɔ ako gaɖufɔlɩ. ¹² Naa akɔɔ akpa mbɔnɔ nɩ aɖʋwaa: bakɔɔ na bʋyiɖu na ma, ʋsəbaka abəɖa. ¹³ Galaŋ kəba kɔɔ na sə gaɖu gaɖɔŋkɔnɔ na baɖe batɩ kpama kpama nɩfala, nalee ŋkəmprə, kə ba wəda nlee kana, nalee ɩcifaləlesʋra, nalə bʋkɔɩ kɩsəm balə na ma. ¹⁴ Nsɔlɔ waa: ɩweecɛɛnɛ ma na bako basoro ba ŋʋm bapi, natɔjɩ bɩsala gɩshɛbʋ, bapaa tɩtɩne ʋnyɩŋca ashee ɩbɛrɛ anaa ciu natʋ na. ¹⁵ Aɖʋwaa: basəmprə baɖe kə baɖə ba cəpra abɔ balɔ na kʋn shetaanɩ. ¹⁶ Ɩtajɩ waa: mbaɖee bawəɖa ʋyiɖuna ma ma, bʋɖən atawəɖa bakoŋka ʋsoro kokoo ʋsəmprə shee anaa tɔjɩ na kaŋa na pɩ, ɩpaalee cɔɔcɩ anɖɩlaŋ na, naa cɔɔcɩ akaŋa na mbaṣee balee bakoŋka ɩja kəbaja. ¹⁷ Baŋono mbaɖee balee bafaŋaka ma, ɩsəm bu səla pɩ gɩshɛbɔ laa laa mbaɖee ba lee waasu na cere bɛrɛ ma. ¹⁸ Aɖʋwaa: ʋŋɔn ʋlə waa: kagbɛɖɔ afəl áná nɖee ánà nyɩ ɩpi ma na. Ɩsəm ba səla atəŋle eja ʋɖa. ¹⁹ Paa ka na ciu na mbaɖee balee baŋono ma nakakana arəŋə səriya bɛrɛ ba nyɩʋ kokoo bariu na. ²⁰ Mbaɖee ba na lee mbɔnɔ ma, bor napɩsamaa aŋyu naa basaaka bacu asampẹna. ²¹ Ŋcam nakɩ Gaja kaŋyɩɩ na Yesu Kristo aŋyɩɩ, na malaɩka basɔlɔka baŋyɩ waa akʋn kaɖeiɖei paarə ayiɖe na, paa tɩ lee soocina. ²² Paa ceecee atər akanyɛ ʋɖən laŋ na, paa kpa ʋɖən ambɔnɔ nɩ na toŋo akʋlɔ cɩrɩ cɩrɩ. ²³ Paa na nyem bʋto kanɖənɖən na, nye bʋka cei akɩŋcena nakʋlɔshɛɖɛ fɔɩfɔɩ laŋ. ²⁴ Bɛrɛ baɖən bambɔnɔ ntɩ ɖoo were baŋə, baɖən baŋja, ŋkəmkəm nɩna ɖoo. ²⁵ Gəŋ ci gboo alesʋra ɩŋərə ɩnaɖoo gbagbaraa na nɖe kəm na ma, kɩɩsəra alugo bapaa ŋəi na.