¹ Ɩkashɩ nɖee nna ɖʋbaŋɔnɔ ba ɖa anyɩngɩcɩɩca ma, amʋ gboo ʋŋono namʋ ɖaa ba ni ma, nlee səriya Kristo ɩshɛɩ ɖee ajɩ ma, n'ʋkʋmʋ nɖee ʋnʋʋtɩ pɩ ma. ² Paŋa ma Gaja kagʋbɔrɩfɔ ŋgʋɖee gʋɖa n'anyɩn ma, ɩpaa lee naɖoole na, ama n'ʋciŋsɔlɔka ɖaa Gaja gasɔlɔ ma, ɩpaa na yɛɛ n'ɩkpaka na ama, n'ʋcineɖʋka: ³ Gɩ paa napaŋ pɩ na haʋ pɩ na ama, gɩ naa kaŋa na pɩ, gɩ lee bakiɖeka nanna, ashee gʋfɔ gʋɖe kʋpaŋʋ. ⁴ Naa ŋkələ pastɛr mana banɖiyar atɩ ɖoo apɩ ma kasaa ɖe ɩtɩ cam nyarɩfu ʋkʋmʋ kanja ndee kɩnnabu ayɔ na ma. ⁵ Anyɩn mbaɖee balee bayifala ma buro ma anyɩ nalɔ baŋono baŋɩɩ, anyɩn napɩ anyɩnʋma nɩ tɔɔ ma gʋlɔburo ka akara aɖʋwaa: Gaja kaa na yɛɛ mbaɖee ba na faŋa balɔ ma na ama ati lee gʋjɔɔ mbaɖee ba na buro balɔ ma. ⁶ Buno anyɩnalɔ antən Gaja kagʋnyɛ ɩkasɩ kagʋja sul. Naa alʋwaatʋ ɩsim ma ataa anyɩn alaŋ. ⁷ Naa ɩrgə anyɩna sika sika kafaŋa atər alaŋ, aɖʋwaa: Agɩlopi ataa tɔji anyɩn. ⁸ Ɖa ma gɩshɛbu naa naa tʋŋa anyɩnalɔ anyɩnaɩbɛrɛ sheetaani atɩsoosoo ɖaa gnnni ma, na yɛɛ maa aŋana anə ari akur. ⁹ Tɔɔ ma anyɩnʋɖu nama kʋcine ma, abəla na nɩ, yɔ ma waa: ɩsɛɩ ɖe kagʋra kʋ ba nadʋ anyɩnbawor ɖulinya nɩ. ¹⁰ Gaja ɩ gajee ajɔɔ ɩŋunii ma, naa ayiɖa anyɩn Yeesu Kristo nɩ ʋkʋmʋ nɖee kʋwəɖa gayyala na ma, ɩta jɩ ɩshɛɩ alʋwaatv ajala nɩ cei agɩlopi ataa pɛmpɛŋɛ anyɩn, n'ayɩu anyɩn, aɖʋ anyɩn ɩkashɩ, ataa lee ʋɖən kaasəra cəpra anyɩn na. ¹¹ Ajee ɩkashɩ ɩŋunii bʋja bʋja. Ami! ¹² N'amʋwar Silɩfɛɛ nɖee nna ŋə waa: Atoŋo ʋcine ma, na nna ŋɔn bʋlei mbʋɖe cei na ɖʋ anyɩn ɩkashɩ, na lə anyɩn ɩja waa: Gaja kaajʋjɔɔ ŋgʋɖee ɩtɔɔ anyɩnalɔ acra nama na ma, gʋlee ku ɩja gʋja. ¹³ Cɔcɩ nɖee balaa pɩ afələ baɖa Babilɔnɩ ma batɩ sala anyɩn, Maakɩ ampi gboo atɩ sala anyɩn. ¹⁴ Sala ma anyɩmbawor, narɩ na ma, nsala ʋsɔlʋ kanja fɛɛ aɖa ashee anyɩnɩ ɩɖa Kristo nɩ ma.