¹ Pɩɛɛr Yeesu-Kristo atəmka, ashee mbaɖee ba ram na bʋɖu ace pɔɔŋ, Galaatɩ, kapaɖɔɔsɩ, Asii, na Bitinii, ² Banɩ ɩ Gaja Ataya, alaa pɩ ʋyɔʋ saa nɖe atʋ napɩ ma, aŋŋuro nǰɩ apɛmpɛŋɛ napɩ ba nyene, naa ba nɩ gboo ba ŋə bɩja Yeesu-Kristo akɔnɔ nɩ ma: Gʋjɔɔ na fɛɛ kʋɖaʋ ɩyɔgɔ ashee anyɩn. ³ Aləbarka aɖa ashee, Atɩ nɖiyar Yeesu-Kristo, Ayar, ɩshɛɩŋəka ɩbʋmbɔnɔnɩ, acəpra atʋ aŋʋm atʋ gɩfɔlɩ ashee ʋkantan ŋŋuro kʋja na Yeesu-kristo ʋŋənu aɖoo bakono nɩ ma. ⁴ Ashee tiibi nɖee ka na bu na, ka na kpa ajiwa na, kokoo bolo na, ba ɖʋ nɩ ashee anyɩn alaŋ laŋ. ⁵ À shee anyɩn na Gaja kɩ kashɩ, balugo n'anyɩnʋcine ʋwəɖaka nɖi nsono kʋja, ma, ʋnina bakaɖa na ma aƒaŋa alʋwaatʋ akəŋja nɩ. ⁶ Ɩni ɩlee ka anyɩnʋcɩŋkərka. Baa maa ɩ ɖaa ʋcimpiɛka alʋwaatʋ ajala nɩ, ɩnawɩya asʋra asʋra nɩ, ⁷ Ɖaa batʋŋa anyɩnʋcine ʋwəɖaka ɩ ʋlee ʋŋərə awu wura nɖee a na pɛɛpɛɛ ma naa ba tʋŋa nɩ n'ʋtonu aŋə ma, Bʋkɔɩ ɩtɩ ɖoo ashee anyɩn ma na gəŋ ʋsheesheu, n'ʋkʋmʋ, na n'yɩɖa nɖʋka ŋkələə Yeesu-Kristo a naa tɩ kɔɔ aɖoo pɩ. ⁸ Ʋni ɩ ɩsɔlɔ ama kɩ ŋə nɩ ayɔ na, ɩshee nɩ ɩja ama, kɩ ŋənɩ ayɔ na, ɩtɩ jaŋ ʋjaŋ na, ɩtɩ jaŋ ʋjaŋ nama ʋkʋmʋ kʋ ja ʋbʋmbɔnɔ ɩ kə ba səra akɛshɩ ʋ na ma. ⁹ Aɖʋwaa: ɩtɩɩ cam anyɩnaŋŋuro kanɖi nsono k'ʋcine ʋwəɖaka kʋɖa. ¹⁰ Annabi mana balə babʋlei kəna gʋjɔ gʋɖe bacee ɖʋ ashee anyɩn ma, na ba tɔɔ bálʋwaatʋ a yɛɛ yɛɛ na kʋnyɩŋca. ¹¹ Na yɛɛ bayɔ kalʋwaatʋ na saa nɖee Yeesu aŋŋuro nsŋsono nɖo nɩ nɩ na lə pɩ ɩshɛɩ nɖee Kristo ajɩ na ʋkʋm nɖee ʋnɩɩtɩ pɩ ma. ¹² Na ba kaɖa alə pɩ waa: kɩlee ba ni pɩ ba shee na, ama anyɩn, mbaɖee ɩyʋga alesʋra ɖe kawaasu, na ba pɩ atɩ lə na ŋŋuno nsoŋsono ba təm n'laŋ ashee anyɩn, nɩmalaika ba na yɛɛ baɖəŋ ajeɖe. ¹³ Gala anii rum ma ɩgbaja ɖaa ɩrəŋəjɩ ma, toŋo gɩshɛbɔ naa awəɖa ʋkantan gʋjɔɔɩ ba pɩ na ma ashee anyɩn, ŋkələ Yeesu-Kristo atɩ kɔ aɖaa apɩ ma. ¹⁴ Ɖama ɖaa Bapi ɩ na nyene ma, paa ma kɔɔ asara gɩnyiŋfɔnɔ kaasana ɩ ɩbʋŋa na sara ŋkələ ɩɖa n yashɛshɛ nɩ ma na. ¹⁵ Ama, nɖee ayɩɖa anyɩn ma, alee cɩnɩ baja anyɩngasana nɩ, ɖaa ba ŋɔn ma. ¹⁶ Shee ɩɖa cɩrɩ cɩrɩ aɖʋwaa: Nɖa cɩrɩcɩrɩ. ¹⁷ Ɩta naa yɩɖa gʋya nɖee acim baaŋa na ŋa ɩkəma, naa kana kaŋa ʋɖən apala ʋɖən na ma, sarama awəɖa sampəna, ŋkələ gɩ naa ɖa atʋnyɩnca ʋcə ka nɩ ma. ¹⁸ Yɔ ma waa: kɩlee ayɔkɔ ɩbuka nɩ, kokoo ɩtanɩ ɩbuka, yaa wura abʋka na ba shɩ nanyɩn alam atən, ɩbʋŋa nasara fɔɩ kaasana ɩ jɩ anyɩn ba ya batiibi kaasana fɔɩ kaaja nɩ ma na. ¹⁹ Ama, na Kristo akɔnɔ ɩŋərə, ɖaa garaŋkori ŋgaɖee kaa wəɖa gawaka na ma na ma. ²⁰ Ʋni na bacee aɖʋ afələ na baye lee guliny a ma, na balaa nɩ afaŋa alʋwaatʋ akəmja nɖe nɩ gɩɖa waa ma nɩ. ²¹ Ʋni na gɩkʋn nama ashee Gaja ɩ ga ŋənə bakono nɩ ashee nɩ ʋkʋmʋ ma ɩja, naa anyɩnʋcine ɩwəɖa ma, nányɩnʋk antən ʋɖa Gaja laŋ. ²² Acɩ ataŋŋuro gɩ naa ŋene nɩja na gɩwəɖa ʋsɔlɔ ɩja kʋja, gala sɔlɔma, anyɩnbawor kəŋkəŋkəŋ n'anyɩnɩfolu ɩŋunii. ²³ Aɖʋwaa baŋʋm anyɩn gɩfɔlɩ, kɩlee na nɖo nɖee n na bu ma na, ama, na nɖo nɖee kin nabu ayɔ na ma, na Gaja kaalei ŋŋurokaajaɩ gaɖa nace nace ma. ²⁴ Aɖʋwaa: Gʋrɩlɔ baa gʋpaŋakʋ gʋɖaɖa ɖaa gʋŋɔ ma, ʋkʋmʋ ʋta ɖa ɖa gʋŋɔ ka caa caaca ma gʋŋɔ gʋta kʋ, ka caa caaca aɖe kala afəɖa. ²⁵ Ama, ndiyar agalei gaɖaɖa nace nace Galei gaɖe jɩ ba lee laabaarʋ asoŋsono ka waasu ashee anyin gəŋ.