¹ Ɗoy ne wóbe, woá bubɔ wóɗekí nǝ kprɔlawó kide etatɔwó, ne wa do bubu le eɗɔ nyɔɛ wɔwɔ mǝ. ² Ɗóŋ nǝ wó bé wo ŋka nu enyɔn baba bada le amǝ ŋ o. Miŋka de a dika co ŋkpin nyɔn wóŋ o. ³ Ɗeca, mia cawó miŋbu ne étamǝ nyɔngbi o, í mi ŋbu ne amǝ o. Mi bu emɔn, í mí nɔn agbe bada-bada minɔn agbe le nuvɔn mǝ, kide ŋɔnkumǝ miŋ séne etónu ó, í miŋ rɔn ne mia xlɔn wó o. ⁴ Vɔa, gákeme adɔnu kɔkɔ Mawutɔ, mia xotɔ Yesu kide yé rɔnrɔn dó ne mia amǝ gbetɔ a, ⁵ Exɔ ne mi, ŋnyi le mia dɔ wɔwɔ nyɔngbi mǝ o, vɔa le Mawu yé ɗɔ nukpɔkpɔ tá í. Exɔ́ ne mi le gbɔgbɔ kɔkɔ mǝ. ⁶ Mawu dɔ gbɔgbɔ kɔkɔ sugbɔ de mi a jí to mia xotɔ Yesu Kristo ji ⁷ Ewɔɛ́ ne wóa desi yé amǝ nuveve, nǝ mia dú cinɔ́n có yé kákáɗéji mǝ, í séyí agbǝ mavɔ mǝ. ⁸ Eŋindo ela, enyi adodo kide kánkándeji le. ŋjibe na xónu kide kánkánɗeji le enú elawó ŋ, nǝ amǝ ke xɔ Mawu jise, ne wóa sédé edɔ wɔwɔmǝ. Enu ŋnáwó, nyɔn í hiɛn nǝ amǝ gbetɔwó. ⁹ Vɔa, miŋka le dé aɗiká có enyon xóxó ŋ o. Miŋka wɔ ajre kudé xɔse nyɔnŋ o. Enú ŋnawó ŋkɔ o, í nyi enu gbalé. ¹⁰ Mínyán amǝ kele dáwá ne mi be yéa mám mi. ¹¹ Mí nyán be amǝ ŋnán étrɔ le enyɔ́n dódóa mɔji, i le wɔ enú vɔɛn, í le dó kójo nǝ ɗekiá. ¹² Ne ŋdɔwo Artémas nɔ́n mi tychike wɔ kába, ne nava tuŋun lǝ Nicopolis fiŋká dɔn. ¹³ Wɔ kába ne na cɔ Zenas, ese kpratɔwó kide Apolos, nǝ ŋdekin ŋunká hoéde wó o. ¹⁴ Tinyín wó mi kpranu, nǝ mia wɔ eɗɔ nyɔin ke hiɛn ne mia yi ŋkɔ. ¹⁵ Nyin kide amǝ kele la wóa, mi le cimí. Ci amǝ ke rɔ́n mi le xɔsemǝ wo.Amǝnuveve nayi nǝ amǝsiamǝ.