¹ Vɔa ǝwoa nu ǝnuke sɔ kide ǝnukprakpra nyɔngbi an. ² Mian ŋuncu ciciwo mido la nyi amǝ faăwo, bubumǝ, ǝnyɔndo ɗoɗo nutɔ le xɔse mǝ, le rɔnrɔn kide ǝjiɗóɗó mǝ. ³ Nɛnɛke mian nyɔnru ciciwo mi do la kprɔ miaɗekiwo sigbe bubumǝwo ǝne, ne mi ŋka nu nyɔn vɔɛnwo sigbe o. Mi ŋdó la le nu aha muamǝwo o. Mido la kpra amǝwo ǝnu nyɔngbi. ⁴ Kide susu bǝ wakpra nyɔnrunviwo ne woa rɔn wo cuwo kide wo viwo. ⁵ Wo ɗo la kprawo ne wa nyi enyɔn dódó nutɔ ŋta ŋta ne wo lébe ne axɔmǝ dɔwo, ne wa bu wocuwo.Wo do la le wɔ ǝnu nan wo ne Mawu ye nyɔn ŋka xodu o. ⁶ Neneke wa do ŋusɛn dekɛjɛviwo ne woa wɔ ǝnu dódó. ⁷ Le ǝnu ɗesiaɗe mǝ, cɔ dekiwo sigbe amǝ ke ŋun wa kpɔɗe ene. í ne ǝle kpra nu amǝwo a, disa. Ǝnu dódó wɔwɔ kide ǝnuje amǝ wɔwɔ ne wo. ⁸ Tɔ́ nyɔwo nanyi ǝnyɔn kɔkɔ kide ǝnyɔn ke ŋun wó ŋka xóɗe o, be ǝŋun nakpɛn amǝ desiaɗe ke la co de ǝmǝŋua wo ke wo ŋkpɔ ǝnu vɔin ɗe nunu le mian mǝ o. ⁹ Amǝ xexréxréwo do labú wo xotɔwo le ǝnu ɗésiaɗe mǝ. Wo do la nyɔn wó ŋkɔ́. I wo ŋka wɔ ajre kide wo o. ¹⁰ Wo ŋdo la fifi o. Vɔa wo ɗo la disa enudodo wɔwɔ. Ne kpɔtia kpɔtia woabú mian xɔnamǝtɔ Mawu. ¹¹ Ɗo Mawu ye amǝnuveve va amǝsiamǝ ji. ¹² Amǝnuveve na kpra ne mi be miatrɔ le ehɛn dodo Mawuji xɔse kide xixeamǝ nuwo ŋgbe. Ǝgbǝ kpra ne mi be mian nɔn agbe nyɔngbi, be mian nu enyɔn dodo, amǝ nu na ɗu adɔn nu ne mi egba ¹³ ne miá nɔntekpɔ ŋkeke ke jí mia Mawu kiɗe Yesu Kristo wa cɔ ŋti kɔkɔ ɗe mian mǝ. ¹⁴ Yesu ŋta cɔ ɗekia ne mi be ye ɗe mi cɔ ǝnuvɔin mǝ cagbetɔ ne mian ŋti nakɔ ne mian nyi ye ɗekin tɔ le enu nyɔngbi wɔwɔmǝ. ¹⁵ Nui i na do nusɛn enunawo grado enu kide acɛkpakpa bribo, ka na nǝ amǝde na fruwo o.