¹ Wema la co ǝnye Pɔlu Mawu ye deprɔvi kide Yesu Kristo ye amǝdɔdɔ gbɔ. Ǝdɔm bǝ makpǝɗǝ mawu ye mǝ cancanwo ŋun nɛ wo xɔse nancin deji, i makprawo enyɔn dodo kǝ le Mawu ye nyɔ an mǝ. ² Mawunyɔ la wɔɛ be unle kpɔ emɔ nɛ agbemavɔ ye ezédédé ke Mawu vimaxótɔ do keke vayiá. ³ Kǝ gamǝa sun an, Mawu ŋta co ye nyɔanŋ manuiŋ nǝ amǝwo. Maa mǝnǝ mian xɔtɔ Mawu ye ɗeɗe mǝ. ⁴ Nɛ Tito, evidódó le mia xɔse me. Amǝnuveve kide ƒaƒa co Mawu mian dádá kide Yesu Kristo mian xɔnamǝtɔ gbɔ. ⁵ Cagbe hinatɔa, ŋtacio dɛ de kreta, ne na cɔ amǝciciwo de edugaŋgan desiaɗe mǝ de tiŋ ɗoɗowoji. ⁶ Fɔnbúbú ɗekin ŋ ɗola nɔ ehamǝmǝ gan ŋun o, eɗola nyi ŋɔrun deka detɔ, í eviáwo ɗola nyi enudodo wɔtɔwo, i wo ŋdo la nyi amǝ nyanyranwo alo amǝ màbútɔwo o. ⁷ Ele veveɗe be efɔnbúbú ŋka nɔ ehàkprɔtɔ ke nyi Mawu ye nujíkpɔtɔ ŋun o. ⁸ Vɔa, eɗola nyi amǝxɔtɔ, enu nyɔŋgbi rɔntɔ. Eɗola senǝ vǝvǝ nǝ amǝ, í la nyi amǝdódó́́, í ɗi, í la lé le dekia. ⁹ Eɗola lébǝ ne enyɔn dodoa sigbe wokprɛa ǝnɛ, be nǝ a teŋun do ŋusɛn amǝ kpɔtiawo kide enú kpakpra nyɔngbiwo, í nǝ agrádó amǝke le có dejiawó. ¹⁰ Ɗo amǝ sugbɔ ƒɔngú, kewuá le amǝ có erowo mǝ. Wo nyɔn nunuwo nyi gbale. Wo gbɔnǝjɔ amǝwo, í nà kprɔwo yi emɔ vɔɛnjí. ¹¹ Ǝle veveɗe be, mia ɗo ǝté wo. Wo le kpra enuke wo ŋdo la kpra o, cagbe ale majɔmajɔ tɔ, í le càkà ehɛnnu bribowo. ¹² Mawunyɔ nutɔ deka le wo ŋtawomǝ nu be"Kretatɔwo, vixótɔwo tɛgbɛɛ́ ǝran bada wadanwo, kufien-tɔwo". ¹³ Ǝnutóhó-kpɔkpɔ lá nyi adodó ke inyi ǝnɛa, gbǝ nyɔn nǝ o veveɗe nǝ xɔse nàkɔ. ¹⁴ Miŋ kaaɗoto yudatɔwo nyɔn nunuwo alo amǝwo ɗoɗowo kǝ la ɗe mi lǝ enyɔ dodoa mǝ o. ¹⁵ Nǝ amǝke kɔa woa, enu dekpukpuide kɔ, vɔa enuɗe ŋkɔ nɛ amǝ makɔ makɔwo o, ɗo wotamǝ susuwo kide wo jíjínyɔwo xoɗu. ¹⁶ Wo nunǝ be yoo le subɔ Mawu, voa wonú wɔwɔwo ŋle dũsɛ o. Wo nyi amǝ marɔn kide amǝ mabutɔwo. Woŋ teŋ wɔnǝ enu nyɔngbi o.