ATCHAMADO_BEN-aug_rev_text

Eta 14

¹ Ŋkpɔ Arínybɔ́vɔ́ iînɔ̀tǝ dǝ́ zìɔ́n-tójí dɛ́ kíɖǝ́ amǝ Sáki kátɔn kíɖé ewui vɔ-ǝnǝ kǝwó ŋu yéŋkɔ́ lǝ yédadáŋkɔ́ lǝ wó ŋgónu. ² Ŋsegbǝ̀ dǝ̀ká có jìŋkoví kǝɖi sigbǝ ǝ́tɔ gánŋgán wó ǝnǝ́ kíɖǝ́ ǝ̀cíkǝzò gànŋgán ǝ̀gbǝ̀ke ŋsea lǝ sigbǝ àkayaxotɔ́wó lǝ xo wókayawó ǝnǝ́. ³ Wó lǝ j̀i hàyǝ̀yǝ́ǝ dǝ́ká lǝ ǝ̀fiɔzikpuia ŋ́jɔ kídǝ́ àgbǝ̀àgbǝ̀ amǝnǝa wò ŋkúmǝ kíɖǝ́ amǝciciawó lǝ amǝ sákikátɔn kí ɖǝ́ ǝwui vɔ-ǝnǝ ŋugbǝ́á amǝ kǝwó wóhre lǝ xíxéámǝa, amǝdǝkin ŋ́tǝ́ jihà ò. ⁴ Amǝnawo yí nyíámǝkǝwó ŋ́xòɖi wóɖǝ́kiwó kíɖǝ́ nyɔ́runwó ò ǝnúkǝdɔ́á wólǝ wóɖǝ́kiwó lǝ dɔ̀ndɔ́n kpáxó wó yí kprɔnɔ aríngbɔ́cía do lǝ àfisiàfí kǝ áyia. wóyi wóxrǝ có amǝwídomǝ bǝ́ wó nányí ŋkɔtɔ nǝ́ mawú kíɖǝ́ aríngbɔ́víá. ⁵ Vixo dǝkin ŋlǝ ǝnuto nǝwo o; woŋkpɔ ǝnubaɖa ɖekin lǝ woŋu o. ⁶ Ŋgbǝ kpɔ Mawu-eŋɛdotɔ bu kǝlǝ zo lǝ jiŋkoria sééé, ǝlǝ ǝnyɔ nyɔŋgbi mavɔ mavɔ a dǝ asi bǝ yea va doŋɛ nǝ anyigbajitɔwo kidǝ dukɔwo ǝhɛ̀nnu ǝgbǝvovowo kiɖǝ ǝduwo. ⁷ Ǝdo axa kidǝ ǝgbǝsinsin : " mi vɔn-mawu mi cɔ kpinkpin mǝ nɛ́ɛ, ǝnukǝdɔa yǝ kojo ɖoɖo gamǝa vaɖo. Mi subɔɛ ye kǝwɔ jiŋkori anyigba axu kiɖǝ ǝtǰɩǰɩẅɔ ⁸ Mawu-eŋɛdotɔ bu kidǝ ǝvǝatɔ kǝ kprɔɛɖo lǝ nu bǝ;" Gǝjɛn gǝjɛn yi lǝ nyi babilɔni ganŋgan kǝ na bǝ Dukɔwo nu matǝlǝ kiɖe dɔndɔn majǝ majǝ-ǝhamu . ⁹ Mawu -eŋɛdotɔ bu, ǝtɔn-atɔ kprɔwodo kiɖe ǝgbǝganŋgan deka i lǝ nubǝ: " nǝ amǝɖǝ subɔ ǝvan kiɖǝ yǝ regbaa yi xɔ jǝsi dǝ yeŋgonu alo yǝ lɔ nu, ¹⁰ Anu Mawu-ǝdan wɔwɔ chaaha -kewolǝyɔ bǝ wannyi í wo dadɛɛ ǝci matɔ matɔ í woseŋkɔ dǝ ye danwɔwɔ ekɔfumǝa amǝkǝ anu aha ilaa woacɔ ezokpǝ i seŋ tunu kiɖǝ; lǝ Mawu-eŋɛdotɔwo kiɖǝ Aringbɔvia ŋkumǝ . ¹¹ Wo vǝvǝ sǝsǝ-ǝzoa ye zuzɔ alǝ ria yiji sey i mavɔmavɔ mǝ kǝkǝ seyi ɖááá. Í ǝzan kiɖǝ ŋkǝkǝa gbɔndǝmǝ ŋlǝ wosi o, ǝran kiɖǝ regbaa subɔ viwo kiɖe amǝkǝwo xɔ yeŋkɔ jǝsia. ¹² Milǝ wɔ yɔyɔ la nǝ amǝ kɔkɔwo amǝkǝdoto mawu-ǝsǝawo yi do xɔsǝ dǝ Yesu jia". ¹³ Ŋlǝ se ǝgbǝdǝka co jiŋkori bǝ " Ŋrɔn ǝnyɔ la: woayra amǝkukuwo amǝ kǝ wo ku lǝ axotɔamǝ" "Ɛɛ" gbɔngbɔn a i nui " Be woatɛŋu agbɔndemɛ co wo dɔwɔwɔ wo mǝ, ǝnukǝdɔa wo dɔwɔ wɔwo kprɔwodo" ¹⁴ Ŋkpɔ akpɔkpɔ-ǝje i amǝɖǝka kanrɛn de akpɔkpɔ a ji ilǝ sigbǝ amǝgbǝtɔ - evi ǝnǝ. I ǝfiɔkuku sikatɔ lǝ ǝta nɛɛ i ǝwui ke woyɔvǝbe kaŋbilika idadɛɛ lǝ alɔ mǝ nɛɛ. ¹⁵ Mawu-eŋɛdotɔ bu do lǝ Mawu-exɔamǝ i yɔ amǝkǝ karan de akpɔkpɔ wojian kiɖǝ ǝgbǝsinsin" cɔ tɔ awuikǝ woyɔhǝ bǝ kaŋbilika na tɔ ǝnuawo coco ǝnukǝdɔa ǝnuwo dǝdǝ ǝgamǝ va do ǝnukǝdɔa bomǝ nuwo dǝdǝ gamǝ va do" ¹⁶ I amǝkǝ karɛn dǝ akpɔkpɔwo jia da yǝ wui kǝ woyɔnǝ bǝ kaŋbilika i íran anyigbají nuwo. ¹⁷ Mawu-eŋɛdotɔ bu do co mawu-exɔamǝ lǝ jiŋkori yǝ lǝ kaŋbilika ɖadaa dɛɛ. ¹⁸ Mawu-eŋɛ dotɔ bu do co rifin-vɔsoxo kǝ kpɔŋusin dǝ ǝzoji. Əlǝ xonu kiɖǝ ǝgbǝ sinsin nǝ Mawu-eŋɛdotɔ kǝ si kaŋbilika dadaa " Da tɔ kaŋbilika nǝ na co aha kǝ wo yɔ nǝ bǝ wannyia-yetikpowo ǝnukǝdɔa yǝ kucɛn cɛn kǝ woyɔnǝ bǝ rinzin-a ci " ¹⁹ Mawu-eŋɛdotɔa da ye kaŋbilika dǝ anyigbaji í can atikucɛncɛn rinzin-a í ìcɔɛ seŋdanŋkpui dǝ Mawu-ǝdanwɔwɔ- ǝnufiɔnxo ganŋgan mǝ. ²⁰ Wo fannya wannyi - ǝcɛncɛn kiɖe afɔ lǝ ǝduaŋgbǝ. I ǝ̀hù do lǝ wannyi fiɔnnua mǝ kǝkǝ va do ǝsɔwo gakpo kǝnɔnɔ ŋɔtimǝ nǝwoa gbɔ, lǝ jijiǝ kilomǝta 1600