¹ Ǝ̍lá í lǝ̍nyi Yesu Kristo yǝ́ dǝ̍dǝ̍díisá kǝ̍ Mawu sǝ́ŋ́nɛ́ɛ̍ bǝ́ ná sǝ́ŋ́ díisá nǝ́ yǝ́ dǝ̍kprɔ̍viwó ǝ̍núkǝ̍ ávájɔ̍ lǝ̍ ma̍di̍ŋ̍di̍mǝ̍ ań. Mawu ŋǝ́dótɔ́ didá Yohana bǝ́ ná vá dǝ̍ ǝ̍núáwó gɔ̍mǝ̍ nɛ́ɛ̍. ² Yohána didasé có Mawu nyɔ̍n ŋún kidǝ́ dasǝ́didi kǝ̍ ixɔ̍ có Yésu Kristo ŋuán kidǝ́ ǝ̍nú dǝsiadǝ̍ kǝ̍ ikpɔ́á ŋún. ³ Wóáyrá a̍mǝ̍ke̍ lǝ̍ hrǝ̍n nú kidǝ́ ǝgbǝsínsín, í a̍mǝ̍ kǝ̍lǝ̍ dóotówóá ǝ̍nyɔ̍núdɛ́ yǝ́ nyɔ́n wó, gamǝa vɔ̍vɛ̍. ⁴ Yohána le̍ ŋrɔn wóma̍ lá nǝ́ haa̍me̍ ána̍dréáwó le̍ Ázia nu̍to̍wó mǝ̍: a̍mǝ̍nu̍ vévé kidé ŋútifáfá ke̍ có Mawu gbɔ́a nánɔ̍ kidé mi a̍mǝ̍ke̍lɛ̍ a̍mǝ̍ke̍ "nyi" í kagbǝ̍ vá váá, tsó gbɔ́ nǝ́mi, kidé gbɔngbɔn áma̍dréáwó, ke̍lé yé fi̍ɔ̍zikpu̍i̍a̍ ŋkɔ̍a̍. ⁵ Kidé Yésu Kristo ke̍le̍ nyi a̍mǝ̍kélékélé ke̍ wóji̍, có a̍mǝ̍ kúkúwó do̍mǝ̍a̍ i gbǝ̍lǝ̍ nyi ǝta̍tó nǝ́ a̍nyígbájí ci̍ɔ̍wó. Yé ke̍ nɔ̍n mí íde̍mí có míá núvɔ́nwó mǝ̍ tó yé hu̍mǝ̍. ⁶ (Éwɔ̍mi yé fi̍ɔ̍du̍xó kide vɔsátɔ́wó ke̍wó ásúbɔ́ yé Mawu ke̍le̍ nyí ǝtɔ́á) yé tɔ́ ná nyí kpǝkpǝmǝ kidé ŋúsín có ma̍vɔ̍ miǝ̍ yidé ma̍vɔ̍ mǝ̍ ácɛ̍. ⁷ Kpɔ́ ! egbɔ̀nɔ̀ kide akpɔ̀kpɔ̀wó í ŋkúví wó sééé ákpɔ̀ɛ̀ ɛ̀ɛ̀n àmǝ̀kǝ̀ tɔ́ɛ̀ akprɔ̀wó cáá kide jijimǝ kè lè ànyígbá jíá séééá wó á́fankòè sugbɔ̀ lè yétà ! Ɛ̀ɛ̀n ácɛ̀ ! ⁸ Ǝ̀nyǝ̀ í nyi << Álúfa kide Oméga >> gɔmǝjǝjǝ kide nùwúwú, Axótɔ Mawu kèié núbé àmǝ̀kǝ̀ lɛ̀ í nɔ̀váyì í ka gbè trɔ́vá, yé tɔ̀yi nyi ŋúsinwó sééé. ⁹ Ǝ̀nyǝ̀ mìà (nɔ̀ví Yohána kǝ kpéfù kidémì lè fiɔduxo kide vǝvǝdodo kǝ lǝ Yesu mǝ̀à) ŋnɔ̀ Patímósi kèlè nyi ǝtɔ̀ gánŋgán kè̀ wó yɔ́nǝ́ bé axù̀à yé kpójí lè Mawu é nyɔ̀núnú kidé ànúnè ŋnyá có Yesu ŋuá yi dɔ́ tádó yi wóléŋǝ̀ vá de lǝ̀lá. ¹⁰ Kè ŋyigbɔgbɔmǝ le Axotɔa ŋkeke mǝa ŋse ǝgbǝdidi ganŋgan deka sigbe wo ku kpɛn ǝnǝ. ¹¹ Ǝnuxǝ ekpɔa << ŋrɔǝ de wema mǝ, nǝ na seŋǝ dida hamǝ-amadrea o, Feso, Simiri, Pergamo, Tiatiré, Sandɛsi, Filadɛlifia kide Laodikǝ.>> ¹² Kè ŋtrɔ́ bé mákpɔ́ ǝgbǝdìdì kè̀lèdì vá ŋǝa, kè ŋtrɔ́á ŋkpɔ́ ǝzotí ámàdré kèwó nyí cìká dǝdǝ̀. ¹³ Lè zotíkpɔ̀à wó dòŋdòmǝ̀ à ŋkpɔ́ àmǝ̀déká ké lé dì agbǝtɔ́ví í dó àwù dìŋdì lɛ̀gbɛ̀ có yétà jí kéké váyì ye fɔ̀tíwó mǝ̀. Ɨ́ cɔ́ àrìnjí bránú kèlè nyí cìká í séŋ brá yé kɔ́tànù. ¹⁴ Ƴé tà kidé yédá fùtítísigbǝ̀ àríngbɔ́fú ǝ̀nǝ́, sìgbǝ̀ ǝ̀núyéé kè wóyɔ́nǝ́ bǝ́ síno ǝ̀nǝ̀, yéŋkúvíwó lè sìgbǝ̀ ǝzo-xɔ̀xɔ̀ ǝ̀nǝ́. ¹⁵ Ƴé fɔ̀wó lè sìgbǝ̀ gajɛn kǝ̀ wó séŋ dé kpózòmǝ̀ ǝ̀nǝ̀, í yé gbǝ̀dìdì lè sìgbǝ̀ ǝtɔ̀gánŋ wó càcà ǝgbǝdidi ǝnǝ. ¹⁶ É lé wrètivi ámàdré dé yélɔ̀ dùnúmǝ̀ lè yé nùmǝ̀à ǝ̀wídádá ǝ̀nù-ámǝvǝ dò có émǝ̀, yéŋkúví mǝ̀ lè dàzo sìgbǝ̀ nyìdɔ̀n lè dì sínŋú sínŋú ǝ̀nǝ̀. ¹⁷ Kè ŋkpɔ́ɛ̀ à, ŋgéjɛn dé yéfɔ̀nù sìgbǝ̀ àmǝ̀kǝ̀ kú ǝ̀nǝ́. Écɔ́ yélɔ̀ dùnú déejinyǝ̀ ílè nùbé < vɔ́n o. Ǝ̀nyǝ̀ yi nyí kélékélé kidé kpɔ̀tíkpɔ̀tíá, ¹⁸ Ǝ̀nyǝ̀ yi nyi àmǝ̀kǝ̀ lǝ̀ agbǝ, ŋkúkpɔ́ váyì vɔa ŋlàgbǝ séyi mavɔ mǝ̀ ! Ǝkú kidé ǝkúxówó sééé cávi lǝ̀ asínyǝ̀ ¹⁹ Na ŋrɔ̀n ǝ̀núkè ǝ̀kpɔ́, kide ènú kèlɛ̀ kidé kè kavá vááá. ²⁰ Kèlè nyí ǝ̀nyɔ̀ wáwrá kùdé-wrètí ámàdréáwó kè ǝ̀kpɔ́ lè tíinlɔ̀dùnú mǝ̀à, kidé akákátí ámàdré kè lǝ̀ nyí cìká wóá: wrètíví ámàdréáwó yi lè nɔ̀ Mawuŋǝ̀dótɔ́wó tòxó le ehà ámàdréao mǝ, akákàti ámàdréá ó lè nɔ̀ ǝhà ámà dréá ó tòxó.>>