¹ Kossiɖa yǝ́ ŋ̀kǝ̀kǝ̀ kǝ̀lǝ̀kǝ̀lǝ̀rɔ́a yǝ́ ŋgbángbánsi lǝ́ gbɔ́ngbɔ́ngbǝ́áà, Maria Magdalatɔ́à, Maria Magdalatɔ́a kiɖǝ Maria àmǝ̀vǝátɔ wó vá bǝ yǝ́woa vɛ̀ kpɔ& yɔ̀dóa. ² Kpɔ́, agnigbán húnhún, ɖó Mawuŋɛ̀ndótɔ́ ɖǝ́ka ɖi có jiŋkóri í vá brì ǝ́kpǝ́a, í kánrɛ̀n dǝ́jí. ³ Yǝ́ nɔ̀nɔ̀nmǝ̀ lǝ̀ dazó i yǝ́ wúwó yǝ́ ɖɛ̀ pǝ̀m pǝ̀m. ⁴ Vɔńvɔ́n jí jɔ́láwó í wó trɔ́ zún sigbǝ àmǝ̀kúwó ǝ́nǝ́. ⁵ Mawuŋɛ̀nɖótɔ́a xónùn nyɔ́nrúán wó í nún nǝ́ wó bǝ: Ádikà ŋká có mí o, ɖó ŋ̀ nyán bǝ mí lǝ̀ jí Yesu kǝ́ wó krán dǝ́ áticógájià í. ⁶ Ŋ gbǝ́ lǝ́ lǝ́là o. Vɔ̀a ǝ ŋɔ́n có àmǝ̀kúkúwó mǝ̀, sigbǝ í nuin ɖɛ̀a ǝ́nǝ́. Mìvá kpɔ́ tóhó kǝ́ axótɔ́ mrɛ́ɛ̀n dóa. ⁷ Mí yí kábà í vɛ́ɛ̀ nún nǝ́ yǝ́ ɖǝ́prɔviwó bǝ: «Ǝ ŋɔ́n có àmǝ̀kúkúwó mǝ̀, í mí kpɔ́, ǝ jǝ́ŋkɔ́ nǝ́ mí yíkɔ́ Galilǝ́. Lǝ́ɛená í míán kpɔ̀ɛ̀ lǝ́ nǝ́.» Kpɔ́, ŋ̀ nuín nǝ́ mì vá yí» ⁸ Ákáàkáá nyɔ́rún-ánwó có lǝ́ yɔ̀dóa gbɔ. Vɔ́nvɔ̀n jiwó vɔ́a wó lǝ́ jíjɔ̀ mǝ̀. Wó súudù bǝ yǝ́woà vɛ̀ nuìn nǝ́ yǝ́ ɖǝ́prɔviwó. ⁹ Yesu dóo gówó í nún bǝ: «Fáàfà nɛ́ mí.» Yǝ́ fɔ́ó í súbɔ̀ɛ̀. ¹⁰ Yesu nún nǝ́wó bǝ: «Mí ŋkà vɔvvɔ́n o. Mí vɛ̀ɛ́ nún nǝ́ tiin nɔ́nviwó bǝ wóá yí Galilǝ́, lǝ́nán í woá kpɔ́ ŋ̀ lǝ́ nǝ́» ¹¹ Gákǝ̀mǝ̀ kǝ́ ŋɔ́nrúnwó yíkɔ̀àá, jɔ́lá ɖǝ́kawó ɖó ǝ́ɖuámǝ̀ í nún ǝ́núkǝ jɔ́awó sǝ́ǝ́ nǝ́ vɔ̀sátɔ̀gánŋ́ganwó. ¹² Kǝ́ vɔ̀sátɔ̀gánŋ́ganwó ɖó ogó ǝ́dumǝ̀mǝ̀cincinwó í xónún có ǝ́núkǝ jɔ̀a ŋún án, wó cɔ́ ǝ́hó súgbɔ́ nǝ́ sɔ̀jáwó. ¹³ Í nún nǝ́wó bǝ :« Mí nún bǝ Yesu yǝ́ ɖǝ́prɔ́viwó vá ǝ́zán mǝ̀ í vá fí yǝ́ ŋtián kúkúà gákǝ̀mǝ̀ mí dɔ̀n árɔn án. ¹⁴ Nǝ́ ǝ́nyǝ́ án vá ɖó kɔ́mándán gbɔ́a, mían cɔ̀ɛ̀ wrá cágbǝ nǝ́ mi ŋká jǝ́ ǝ́nyɔ́ mǝ̀ o.» ¹⁵ Sɔ̀jáawó xɔ́ ǝhó í wɔ́ sigbǝ wó nún nǝ́wóa ǝ́nǝ́. Vɔ́a ǝ́nyɔ́ án ɖi lǝ́ Yúdattɔ́wó mǝ̀ í gbǝ́ lǝ́ ɖí kǝ̀kǝ̀ í sǝ́ vá nán ǝ́gbá. ¹⁶ Vɔ́a adǝ́prɔ̀vi àmɛèwuiɗɛ́káawó yí Galilǝ́, lǝ́ ǝ́tó kǝ Yesu diísá nǝ́ wóa jí. ¹⁷ Kǝ́ wó kpɔɛ̀áa, wó súbɔ̀ɛ̀ vɔ́a àmǝ̀ɖówó dǝ́ á́ɖiká. ¹⁸ Yesu gbó tǝ́bɔ̀wó í nún bǝ: «Wó nán ŋ̀ ácɛ̀ ɖǝ́siaɖǝ́ lǝ́ jiŋkóri kiɖǝ́ ágnigba&n jí. ¹⁹ Mí yí, nǝ́ míán wɔ́ ǝdúwósǝ́ǝ ádǝprɔ̀viwó, mi dǝ́ mawucítá nǝ́ wó lǝ́ Mawu dadà, Mawu ǝ́vi kiɖǝ Mawu gbɔ́ngbɔ́n kɔ̀kɔ̀ yǝ́ ŋkɔ́ mǝ̀. ²⁰ Mí kpráwó bǝ wóa wɔ́ ɖǝ́ ǝ́núkǝ ŋ̀ kprá míánwó jí. Mìkpɔ́, ŋ̀ lǝ́ míángbɔ́ tɛ̀gbɛ̀ɛ kǝ̀kǝ̀ nǝ̀ xixǝ́a yǝ́ vɔ́vɔ́ mǝ̀.»