¹ Kǝ́ ǝ́ŋúnkǝ́ ŋindin án, vɔsàtɔ̀. Gánŋ́ganwó kiɖǝ ǝdúmǝ̀ mǝ̀cincinwó brá ǝ́sǝ́ ɖǝ́ Yesu ŋʊ́n cágbǝ nǝ́ woa wúi. ² Wó brɛ̀ɛ̀, í kprɔ̀ɛ̀ í vɛ̀ cɔ̀ɛ̀ nǝ́ ǝɖúkprɔ́tɔ̀ Pilató. ³ Kǝ́ Yúda kǝ́ sá Yesua kpɔ̀ bǝ wó búufɔ́n Yesuáà, ǝ trɔ̀ jimǝ̀ í trɔ̀ ǝ́hóa nǝ́ vɔ̀sátɔ̀gánŋ́gán kidǝ àmǝ̀cincin wó. ⁴ Í nún bǝ: «ŋ̀ wɔ́ ǝnúvɔ́ɛ̀n kǝ́ ŋ̀ sá ǝ́hùn ma wɔ́ ǝnúvɔ́ɛ̀n án.» Vɔ̀a wó nún bǝ: «Hinàn ŋ lǝ́ vǝ́vǝ́ɖǝ́ nǝ́ míáwó o. Tɔ̀ɔ nyɔ̀n í.» ⁵ Leyijiá, ǝ cɔ́ ǝ́hoá dànŋ́kpi dǝ́ Mawu eháamǝ́, i dó i vɛ̀ dǝ́ ká ǝ́vǝ́. ⁶ Vɔ̀sátɔ̀ gánŋgánŋ́gánwó xɔ́ ǝhoáwó í nún bǝ: «ŋ nyɔ́n bǝ wóa cɔ́ ǝhó hilá dǝ́ ǝ́nújɔ́gbán mǝ̀ o, ɖó ǝhún hó í.» ⁷ Wó bɔ́ í xónún có ǝhóa ŋún. Wó cɔ̀ɛ́ xrǝ́ ǝ́zǝ́mǝ̀tɔ́ yǝ́ nyigbán bǝ wóa lǝ́ ɖi àmǝ̀jrowó ɖǝ̀ jí. ⁸ Cágbǝ hinàntɔa, wó yɔ́ ǝbóa bǝ: «ǝhún yǝ́ bó» kǝ̀kǝ̀ nǝ́ǝ́gbá. ⁹ Nǝ̀nǝ̀ í Mawunyɔ́nuɖɛ̀tɔ́ Ye&rǝ́mi yǝ́ nyɔ́nuɖɛ̀a vaé mǝ̀ bǝ: «Wó cɔ́ krósarɔ́hó ǝgbàn kǝ wó tù dǝ́ Israɛ̀l duátáà. ¹⁰ I wó cɔ́ ǝhóa í sǝ́ xrǝ́ ǝzǝ́mǝ̀tɔ́ yǝ́ nyigbán sigbǝ axótɔ́a nuín ɖɛ̀a ǝ́nǝ́.» ¹¹ Ǝfiá, wó kprɔ̀ Yesu yí ǝdúkprɔ́tɔ́a yǝ́ ŋkɔ̀, í ǝdúkprɔ́tɔ́a kɛ́ɛ̀ sǝ́ bǝ: «Ǝwó í nyi yúdatɔ́wó fiɔ̀ á?» Yesu ɖóŋú bǝ: «Ǝwó í nuin» ¹² Vɔ́a gákǝ̀mǝ̀ vɔ̀sàtɔ̀gànŋgánwó kiɖǝ ǝ́dumǝ̀mǝ̀ciciwó cɔ̀ ǝ́nyɔ́ ɖǝ́ ŋún án, ŋ ɖóŋún nǝ́wó o. ¹³ Í Pilató nún nɛ̀n bǝ: «ŋ lǝ́ sǝ́ ǝ́nyɔ́ kǝ wo lǝ́ cɔ́ ɖǝ́ ǝŋúwoa í ǝ́ mán?» ¹⁴ Vɔ́a ŋ ɖó ǝnyɔ́ ɖǝ̀kin ŋún o, í í kpácá ǝɖúkprɔ̀ tɔ́a súgbɔ́. ¹⁵ Kpɔ́ ǝ́jiǝ̀jiá, ǝɖúkprɔ́tɔ́a tánǝ́ci gákpámǝ̀nɔ́ntɔ́ ɖǝ́ká kǝ ǝ́dúa ca&n a&n ɖɛ̀ lǝ́ ázánɖúgbǝ. ¹⁶ Lǝ́ gánámǝ́dóa gákpámǝnɔ́ntɔ́ ɖǝ́ká àmǝ̀siamǝ̀ ɖǝ́siá nɔ́n lǝ́nán ɖɛ̀, wó yɔ́nɛ̀n bǝ Barabas. ¹⁷ Cágbǝ hinàntɔ̀, gákǝ̀mǝ̀ wó bɔ́ ɖɛ̀a, Pilátó ká wó sǝ́ bǝ: «Mɛ́ɛ́n i mí jí bǝmán gbǝ́ ɖɛ̀ nǝ́mí? Barabas nɔ̀mi Yesu kǝ̀ wó yɔ́ bǝ Krisitoa?» ¹⁸ Ǝnyán bǝ wó sà Yesu cágbǝ ǝ́ŋúbrátɔ́. ¹⁹ Gákǝ̀mǝ̀ í kánrɛ̀n ɖǝ̀ yǝ́ kójódódó yǝ zinkpíŋji ɖɛ̀a, ásiá nún nyɔ́ ɖǝ̀ká ɖiɖɛ̀ɛ bǝ: « Káa wɔ́ ǝ́núɖǝ́kin kiɖǝ ŋúcù mányán ǝ́nyɔ́ɖǝ̀ hinàan o, ɖó ŋ̀ ɖú áyá súgbɔ̀ ǝgbá lǝ́ ǝdrɔ́ɔ mǝ̀ cágbǝ yǝ́tɔ̀. ²⁰ Vɔ̀sátɔ́gánŋ́gánwó fiɔ̀ kiɖǝ ǝ́ɖúmǝ̀mǝ̀cícíwó kánɖǝ́ji nǝ́ àmǝ̀súgbɔ́awó bǝ wóa biɔ̀ Barabas i wóa wù Yesu. ²¹ Ǝɖúkprɔ̀tɔ̀a ká wó sǝ́ bǝ: «Lǝ́ wó amǝvǝawó mǝ̀, mɛ̀ɛn í mí jí bǝ mán gbǝ́ ɖɛ̀ nǝ́mì?» Wó nún bǝ: «Barabas» ²² Pilátó káwó sǝ bǝ: «Nukǝ́ǝ í mán wɔ̀ nǝ́ Yesu kǝ Yesu kǝ wó yǝ̀ nǝ́ bǝ Krisitóa» Wósǝ́ǝ ɖó ŋùn bǝ: «Krɛ̀ɛn ɖǝ́ áticógá jí» ²³ Í ì nún bǝ: «Nukǝ́ǝjɔ́, ǝnúvɔɛn kǝ́ í ì wɔ́?» Vɔ́a wó gbǝ́ dǝ́ áxá bǝ: «Krɛ̀ɛn ɖǝ aticógá jí.» ²⁴ Leyijiá, Pilató nyán bǝ yǝ́ ŋká teŋ gbǝ́ wɔ́ ǝnúɖǝ́kin o, gánŋkǝ ziikiti ɖǝ́ká tɔ́ ɖìɖi, ǝ cɔ́ ɛci, í krɔ̀ɔ yǝ́ lɔ̀wó lǝ́ àmǝ̀sugbɔáwó ŋkɔ́ í nún bǝ: «ŋɛ̀n nyán ǝ́ɖǝ́lǝ́ ŋùcú mán nyán ǝɖǝ́ hilá yǝ́ hún mǝ̀ o.» «Míán táwó mí kpɔ̀ɛ» ²⁵ Ǝɖúa sǝ́ǝ nún bǝ: «Yǝ́ hún nán vá mìán kiɖǝ̀ mìàn kiɖǝ́ míànviwó jí» ²⁶ Í i tácì Báràbás ɖɛ̀ nǝ́ wó vɔ̀a ǝ naén í wo xó Yesu í i cɔ̀ɛ̀ nán bǝ woa krɛ̀ɛn ɖǝ̀ áticógá ji ²⁷ Í ǝɖúkprɔ́tɔa yǝ́ sɔ̀jawó kprɔ̀ Yesu yí tóhó kǝ́ wó grádó ɖɛ̀a í yɔ́ sɔ̀jawósǝ̀ǝ bɔ́. ²⁸ Wó rɔ̀ yǝ́ wúwó í ɖó áwú vráyá ɖǝ́ka nɛ̀n. ²⁹ Wó wɔ́ áŋúnjákúkú ɖɔ́ká, í cɔɛ̀ cɔ́n nɛ̀n í cɔ̀ átí ɖǝ́ka ɖǝ́ lɔ́ ɖúnú mǝ̀. Wó jǝkró ɖǝ́ ŋkɔ́ nɛ̀n, í kó nú nɛ̀n bǝ: «Mi cíwo, yúdátɔ́wó fiɔ́!» ³⁰ Wó tù tán ɖǝ́jí, í cɔ́ ǝ́xiyɛ̀ xó ǝtá nɛ̀n. ³¹ Kǝ́ wo kónú nɛ̀n jrɔ̀a, wo rɔ́ ǝjiwúà nɛ̀n, í trɔ̀ ɖó yǝ́ŋta yǝ́ wúwó nɛ̀n, í wo kprɔ̀ɛ̀ yi bǝ woa vɛ̀ɛ krɛ̀ɛn. ³² Kǝ́ wó dóá wó kpɔ́ lirǝ́ ŋúcù ɖǝ́ká kǝ wó yɔ́nǝ bǝ Simon án, í wó zìn dǝ́ji bǝ nán kprɔ́ dó cágbǝ nǝ́ à hɛ̀n yǝ́ tícògáà. ³³ Wó vá ɖò tóhó ɖǝ̀ka kǝ wó yɔ́nǝ́ bǝ Golgotàá, kǝ gɔ̀mǝ̀ nyi bǝ: «Ǝtáxúgó tóhó.» ³⁴ Wó cɔ̀ ǝgbǝ́ vǝ́vǝ́ ɖǝ́ka kɔ́dǝ́ áhá mǝ̀ ɖɛ̀ í cɔ̀ɛ̀ nɛ̀n bɛ nán nùn, kǝ ì ɖɔɛ̀ kpɔ́a, ǝ gbǝ́ bǝ yǝ́ ŋka&a nuìn o. ³⁵ Kǝ wó krɛ̀ɛ jrɔ̀á, wó màn yǝ́ wúiwó lǝ́ woɖǝkiwó mɔ̀. ³⁶ Í wó kanrɛ̀n í lǝ́ kpɔ̀ɛ̀. ³⁷ Wó cɔ́ fùn búbú nyɔ̀n dǝ́ yǝ́ tágbǝ́ í nyɔ̀n ɖǝ́ji bǝ: «Yesu yúdatɔ̀wó fiɔ́ kǝ.» ³⁸ Wó krán fráfitɔ́ amǝvǝ kiɖǝ́ǝ, ɖǝ́ka ɖǝ́ yǝ́ lɔ́ ɖùnúmǝ̀, amǝvǝatɔ́ ɖǝ́ lɔ́ miɔ̀n mǝ̀. ³⁹ Amǝkǝ váyikɔ́awó lǝ́ zúi í lǝ́ húnhún wó tawó. ⁴⁰ Í lǝ́ nún bǝ: «Ǝwo, kǝ nún nǝ́ bǝ yéa teŋ gbán Mawu yǝ́ há í gbǝ́ trɔ́ mɛ̀ɛn lǝ́ ŋ̀kǝ̀kǝ̀ amɔ́ntɔ́n mǝán, ɖǝ́ ɖǝ́kiwo woŋtá! Nǝ́ ǝ nyi Mawu yǝ́via, ɖí lǝ́ átìcógá jí!» ⁴¹ Nǝ̀nǝ̀kǝ̀ í vɔ́ sátɔ́gánŋ́gánwó cá wó kónú nɛ́n kíɖǝ ǝ́ núkprámǝ́tɔ́wó kiɖǝ ámǝ́cincinwó í lǝ́ nún bǝ: ⁴² «Ǝ ɖǝ́ ámǝ́wó gánŋkǝ ŋkaá teŋ ɖǝ́ ɖǝ́kia yeŋta o. Ǝ nyi Israɛ́ltɔ́wó ƒiɔ́, nán ɖí lǝ́ áticógáji nǝ́ mían xɔ́ jí sǝ́. ⁴³ Ǝ xɔ́ Mawu jí sǝ́, Mawu nán ɖǝ́ǝ́ ǝƒiá nǝ́í rɔ́n ɛ́n ɖó nún bǝ: «ŋ́ nyi Mawu ví». ⁴⁴ Í ƒráƒitɔ́ hǝ wó hrán kiɖǝ́ǝ́ ɖɛ́ áwó cáwó gbǝ zúí ǝ́nǝ́. ⁴⁵ Ǝƒiá, có gádɛ́n í séyí gásidǝ́kɛ́mǝán, ǝ́ɖúásǝ́ǝ́ dó zú ú brú. ⁴⁶ Léyikɔ́ gá siɖǝ́kɛ́ mǝán án, Yesu ɖǝ́ áxá síŋsíŋ bǝ: « Ǝ́lóyí, lámá sábákitáni? », yǝ́ gɔ́mǝ́ í nyí bǝ: « Mawu, tíín Mawu, núkǝ́ǝjɔ́ íǝ tácí ŋ́ ɖɛ́?:» ⁴⁷ kǝ ámǝ́ɖǝ́ká ɖǝ́ká kǝ nɔ́n lǝ́nán ɖɛ́áwó ǝ́nǝán, wó nún bǝ : « Ǝ lǝ́ yɔ́ Ǝlóyí » ⁴⁸ Ákáá káá, ámǝ́ɖǝ́ká lǝ́ wó mǝ́ súdú, í cɔ́ɛ́ dǝ́ átínú í cɔ́ɛ́ nɛ́n bǝ nán nún. ⁴⁹ Ámǝ́kpɔ́tiawó nún bǝ: « tácií dɛ́, miám kpɔ́ bǝ Ǝlóyi lá vá xɔ́nɛ́n máán » ⁵⁰ Yesu gbǝ́ trɔ́ dǝ́ áxá síŋsíŋ, í cɔ́ yǝ́ gbɔ́ngɔ́n nán. ⁵¹ Kpɔ́, lǝ́ gáxóxó hinán mǝ́ ákáákáá, Mawu yǝ́ xɔ́mǝ́ có vɔ́n án mán dǝ́ ámǝ́vǝ́, có ǝyí í sǝ́ vá ágɔ́mǝ́. Agnígbán húnhún í ǝkpǝwó ƒǝ́n. ⁵² Ámǝ́kúkúdówó hún, í ámǝ́kǝ́ nyi Mawutɔ́awó í kú váyíawó gbǝ́ ƒɔ́n vá xixǝ́ mǝ́. ⁵³ Wó dó có àmǝ̀kúkú dówómǝ̀ lǝ̀ Yesu yǝ́ wɔ́nwɔ̀n mǝ̀, wó ɖó ǝdú kɔ̀kɔ́á mǝ̀, ì zǝ́ nǝ́ àmǝ̀súgbɔ́wó. ⁵⁴ Sɔ́jàmǝ̀gán kiɖǝ sɔ́jà kpɔtiawó kǝ́ lǝ́ jɔ́ Yesu kiɖǝ́ǝwoá kpɔ́ sigbǝ agnigbán húnhún án, í kpɔ́ ǝ́núkǝ jɔ́awoà, kǝ́ wó kpɔ́ ǝ́nǝán, vɔ́nvɔ́n jiwó, í wó nún bǝ: Àmǝ̀ hiláa, Mawu yǝ́ vi jíjí ŋta-ŋta í. ⁵⁵ Nyɔ́nrún kǝ́ kprɔ́ Yesu dó có kǝ̀kǝ̀ Galilǝawó bǝ yǝ́wo a vá lǝ́bǝ́ nɛ̀n án wó cáwó lɛ̀ ɖɛ̀ í lǝ́ kpɔ́ ŋúnú lǝ́ diŋ diŋ tóhó. ⁵⁶ Maria Magdalatɔ̀acá lǝ́ wómǝ̀, Maria Yakúbú kidǝ Yosɛ̀fú wó nánàn kiɖǝ Zǝ́bǝ́dǝ́ yǝ́viwó nánàn. ⁵⁷ Fiɛ̀nigbɔ̀á, Arimathǝ yǝ́ ŋùcú hotɔ̀nɔ́n ɖǝ́ká vá ɖó, wó yɔ́ nǝ́ ŋùcúa bǝ Yosɛ̀fú kǝ́ cá nyi Yesu yǝ́ dǝprɔ́vi ɖǝ́káà. ⁵⁸ Ǝ tǝ́bɔ̀ Pilató, i biɔ̀ Yesu yé ŋtirán kúkúà. Í Pilató ɖǝ́mɔ̀n bǝ woa cɔ̀ɛ̀ nɛ̀n. ⁵⁹ Yosɛ̀fú cɔ́ ŋtitán kúkúà, i brɛ̀ɛ̀ ɖǝ́ ávɔ̀n ɖiɖi ɖǝ́ka mǝ̀ ⁶⁰ i cɔ̀ɛ̀ ɖǝ́ yǝ́ŋta yǝ́ yɔ̀dó yǝ́yǝ́ǝ kǝ́ í kù ɖǝ́ ǝ́kpǝ́ mǝ̀án mǝ̀. Í i cɔ́ ǝ́kpǝ́ gánŋgán ɖǝ́ka í sǝ́ tú yɔ̀do á í yí. ⁶¹ Maria Magdalatɔ́a kiɖǝ Maria àmǝ̀vǝatɔá wó kanrɛ̀n dǝ́ yɔ̀dóa yǝ́ ŋkɔ́ ɖɛ̀. ⁶² Ŋkǝ̀kǝ̀ kǝ̀ jǝ́ŋkɔ́ nǝ́ gágrádó yǝ́ ŋ̀kǝ̀kǝ̀á, vɔ́satɔ́ gánŋ́gánwó kiɖǝ Faristɔwó bɔ́ ɖǝ́ Pilaó gbɔ́. ⁶³ Wó nún bǝ: «Búbútɔ́, mí lǝ́ ɖóŋún bǝ gákǝ̀mǝ̀ àmǝ̀brǝtɔ́ hinàn lágbǝ ɖɛ̀àá, ǝ nún bǝ: "Lǝ́ ŋ̀Kǝ̀Kǝ̀ amɔ́ntɔ́n yǝ́ ŋgbǝá, máán ŋɔ́n có àmǝ̀kúkúwó mǝ̀." ⁶⁴ Cágbǝ hinàntɔ́a, nàn nǝ́ wóa jɔ́ yɔdóa kǝ̀kǝ̀ nǝ̀ ŋ̀kǝ̀kɔ̀ amɔ́ntɔ́n. Nǝ́ ŋ wɔ̀ ǝ́nǝ̀án, yǝ́ dǝprɔviwó lá teŋ vá cɔ̀ɛ̀ í lá nún nǝ́ ǝ́duá bǝ: "Ǝ ŋɔ́n có àmǝ̀kúkúwó mǝ̀" ; amǝ̀bǝbrǝ ciŋgbǝ́tɔ̀ hilá lá nyrán wú kǝ̀lǝ̀kǝ̀lǝ̀tɔ̀á.» ⁶⁵ Pilató nún nǝ́wo bǝ: «Mí xɔ́ jɔ́la ɖǝ&ka. Mí vɛ̀ jɔ̀ yɔ̀dóa ŋú sigbǝ míán teŋ án ǝ́nǝ́.» ⁶⁶ Wó yi í vɛ̀ɛ jɔ́ yɔ dóa ŋú, wo vɛ̀ɛ trǝ́ ǝ́kpǝ́ ɖǝ́ yɔ̀ doá ŋú síŋsín, í wó cɔ́ jɔ̀lá ɖǝ́ gbɔ̀.