¹ í yésu ɖɔ̀ kìdǝ̀ gbɔ̀ngbɔ̀n kɔ̀kɔ̀, trɔ̀ có Jordan yǝ̀ tɔ̀àmǝ̀ í gbɔ̀ngbɔ̀n lǝ̀ kplɔ̀ɛ̀ lǝ̀ ʒògbèjí ² Fi Fútɔ̀ tékpɔ̀ lǝ̀ ŋ́kèkè hò kaa. ŋ́lè ɖú ŋ́ɖèkìm lǝ̀ ŋ́kèkè nà wó jí o, í gàkèmǝ̀ ŋ́kèkè nà wó ʋa yía, Fúfé lǝ̀. ³ Fútɔ̀ lé nú nǝ̀ bǝ̀ «nǝ̀ ǝ̀nyi Mawu yǝ̀ ʋía, ɖègbé nǝ̀ ǝ̀kpé làwó í ́wóa trɔ̀ zúún ŋ́dúdú.» ⁴ Yésu lǝ̀ ɖòŋ́ nǝ̀ bǝ̀: «wó ŋrɔ̀nɛ̀n bǝ̀ àmǝ̀ ŋ́ nɔ̀nnɔ̀n àgbǝ nɛ́n ǝ̀dúdú ɖéɖé o.» ⁵ Séŋ́ í jíaFutɔ́a kprɔ̀ yesu yí yijiyiji tóhó í lǝ̀ disà anyi gbaǹ fíɔ̀ ɖúháwó séé nɛ̀ lǝ̀ aɖábá hóhó ɖǝ̀ka mǝ̀. ⁶ Fútɔ̀ lǝ̀ nú nǝ̀ bǝ̀: «mán cɔ̀ àcɛ̀ kpàkpa náwó séé kìdǝ̀ kpɛ̀nkpɛ̀n mǝ̀ nǝ̀ wó; ǝ̀núkèdɔ̀a wó cɔ̀ wo séé ún í ŋ́cɔ̀ nín nán àmǝ̀ kǝ̀ ŋ́ jía. ⁷ Séŋ́ yí jía nǝ̀ ǝ̀ɖǝ̀tà gú ún í sɛ̀nań, wó séé wa nyí tɔ̀ wò. ⁸ Vɔ̀a yésu ɖòŋ́ í nú bǝ̀: «wó ŋrɔ̀n ɖɛ̀ bǝ̀ asɛ̀n Áɔcotɔ̀ tɔ̀ Mawu í cɔ̀ ǝ̀ɖɔ̀ nǝ̀ yǝ̀ ɖǝ̀kín.» ⁹ í futɔ̀ gbǝ kprɔ̀ yésu yí yérusalɛ̀m í cɔ̀ɛ̀ ɖé tòhóyijíyijí lǝ̀ Mawu yǝ̀ sɛ̀nsɛ̀n yǝ̀ hòtámǝ̀ í lǝ̀ nú nǝ̀ bǝ̀: « nǝ̀ ǝ̀nyi Mawu yǝ̀ ʋí, géjín có lélá yí anyígbańmǝ̀ ¹⁰ Enúkèdɔá wó ŋrɔ̀n ɖɛ̀ bǝ̀ : « a ʋá ná gbǝ̀ yǝ̀ mǝ̀dòdòwó dé ǝ̀ŋ́wó, bǝ̀ wòa kpɔ̀ júwó nǝ̀ bàɖá ɖé ŋ́ká jɔ̀ dé ǝ̀jíwó o. ¹¹ í wòa cɔ̀wó dé wó lòwómǝ̀ nǝ̀ tɔ̀ Fòwó ŋ́ká kré ǝ̀kpé o. » ¹² yésu lǝ̀ ɖòŋ́ nǝ̀ bǝ̀ wó ŋrɔ̀n ɖɛ bǝ̀: «ŋ́ɖòlá té Áɔcotɔ̀ tɔ̀ Mawu kpɔ̀a.» ¹³ kǝ̀ Fútɔ̀á té yésu kpɔ̀ jrɔ̀a, ǝ̀cɔ̀ lǝ̀ gbɔ̀ í yí kèkè gbé ɖǝ̀ka. ¹⁴ í yésu trɔ̀ ʋá galiléa íɖɔ̀ kìdǝ̀gbɔ̀ngbɔ̀n kɔ̀kɔ̀ yǝ̀ ŋ́únsín í ǝnyɔ̀n ŋ́nán kàká ɖéŋ́ún lǝ̀ ǝ̀ɔcanámǝ̀ séé. ¹⁵ I tɔ̀ nú kpà kprá sɛnsɛn yǝ̀ hómǝ̀ í ámǝ̀ wó séé káfuí. ¹⁶ Ǝ̀ʋa Naʒareth yǝ̀ ɖú gán kǝ̀ mǝ̀ wó nyilǝ̀ í sigbǝ̀ gasiágamǝ̀ ǝɖónɔ̀n ǝɖǝxòxò yǝ́ homǝ̀ lǝ̀ gbɔndémǝ̀ yǝ̀ ŋkèkè jí.ǝ̀có í lǝ̀ ɔcrɛ̀n nú kìdǝ̀ ǝ̀gbǝ̀ jíjí yíjí. ¹⁷ Wó cɔ̀ ǝ̀nyɔ̀nùɖɛtɔ́ ǝ̀sàyá yǝ̀̀ wèmà mǝ̀ .ǝ̀húm wémà fí wó ŋrɔ̀n dǝ̀ bǝ̀ ¹⁸ «Áɔcotɔ̀á gbɔ̀ngbɔ̀n lǝ̀ jí nyɛ̀n, ǝ̀núkédɔ̀á ǝ̀siamí ŋ́ bǝ̀ máa nú ǝ̀nyɔ̀n nyɔ̀ngbí nǝ̀ wámɔ̀nɔ̀nwó ǝ̀dɔ̀ŋ́ bǝ̀ má nú ǝ̀ka tútú yǝ̀ nyɔ̀n nǝ̀ àmǝ̀ kǝ̀ wó brá ɖɛ̀ wó, í nú ŋ́kùʋí húnhún yǝ̀ nyɔ̀n nǝ̀ àmǝ̀ kǝ̀ ŋ́kùnɔ̀nwó, bǝ̀ má ná vóvó àmǝ̀ kǝ̀ wàlǝ̀ ɔcàɔcámǝ̀ ¹⁹ í máa nú aɔcotɔ̀ cɔ̀ cɔ̀ kǝ̀ nǝ̀ amǝ̀wo ²⁰ hótɔ̀ǹ í tú wémà, í cɔ̀ɛ̀ nǝ̀ Dɔ̀cɔ́ví í kánrɛ̀n.Àmǝ̀wó ŋ́kúʋiwó séé léji lǝ̀ ǝɖxòxóàmǝ̀ ²¹ ítɔ́jí í lǝ̀ nú wó bǝ̀ : «ǝ̀gbàa ǝ̀nyɔ̀n là wú ýédɔ̀ lǝ̀ míań tó dòdòmǝ̀.» ²² wó séé ́nyé ǝ̀nú tóhó kpɔ̀tɔ̀ nǝ̀ ǝ̀nyɔ̀n kǝ̀ í núà í kpàcàwó nǝ̀ cɔ̀cɔ̀kǝ̀ yǝ̀ nyɔ̀n kǝ̀ lǝ̀ dó yǝ̀ nùmǝ̀ àwó. Wó nú bǝ̀ : «ŋ́ nyí yosefu yǝ̀ ʋí nán?» ²³ i lǝ̀ nú nǝ̀ wó bǝ̀: «yánwòí mí ɖè ǝ̀lò dódó ǝ̀lá gɔ̀ mǝ̀ ŋ́. » : «ɖɔ̀kítà, ná háyáháyá wóŋ́tá wóŋ́tá ɖǝ̀kiwó.»ǝ̀núkǝ̀ mi sè séé bǝ̀ ǝ̀wɔ̀ lǝ̀ capernaúm, wɔ̀ ǝ̀nǝ̀ké lǝ̀ wóŋ́tá dú gánmǝ̀. ²⁴ ́ ilǝ̀ nú nǝ̀ wó bǝ̀ : « lǝ̀ ǝ̀ǹyɔ̀n àdòdò mǝ̀á ŋ́lǝ̀ nú nǝ̀ mí,́ wóŋ́ dò nǝ̀ wéʒòn nyɔ̀ngbí nǝ̀ ǝ̀nyɔ̀n nú ɖɛ̀ tɔ̀ ɖékín lǝ̀ yǝ̀ŋ́tá dúmǝ̀ ́o. ²⁵ Vɔ̀á lǝ̀ ǝ̀nyɔ̀n dòdò mǝ̀ ŋ́lǝ̀ nú nǝ̀ mí bǝ̀, kpóbú súgbɔ̀ lǝ̀ Israël lǝ̀ Elie yǝ̀ gámǝ̀ jíŋ́ kóri tú yǝ̀ àgbó kéké nǝ̀ ɔcotɔ̀n í ɣréti amàndin fúfé gánŋ́gám ɖékà dò lǝ̀ ǝ̀dúà seé mǝ̀. ²⁶ Vɔ̀á, Elie ŋ́yí ámǝ̀ ɖékín gbɔ̀ o, tóʋò nǝ̀ kpósú ɖékà kélé sareptà lǝ̀ sídòn. ²⁷ í gúidúnɔ̀n súgbɔ̀ lǝ̀ Israël lǝ̀ Mawu nyɔ̀n núɖɛ̀tɔ̀ Elisée yǝ̀ gàmǝ̀, vɔ̀á seíjíá ǝ̀dɔ̀á ŋ́ʋò nǝ̀ wó ɖékín tóʋò nǝ̀ Naaman syriátɔ̀a.» ²⁸ gàké mǝ̀ wó lǝ̀ sé ǝ̀nyɔ̀n nán wó séá, àmǝ̀siamǝ̀ kélé sɛnsɛn hó ɖɔ̀ kídǝ̀ ɔcomǝ̀fiɛ̀n. ²⁹ wó có, í yindó lǝ̀ ǝ̀dúa mǝ̀ kéké í séyi ǝ̀do ké ǝ̀ ci kúɖɛ̀ lǝ̀ ǝ̀tò ké gɔ̀mǝ̀ wó có ǝ̀dúá dò, bǝ̀ wòá yín kǝ̀kǝ̀ í sǝ̀ŋ́ yí gɔ̀mǝ̀. ³⁰ vɔ̀á yésu tó wómǝ̀ í yí tóhò bú. ³¹ Ké í ɖò capernaúm, galiléá yǝ̀ dú gań, í tójí ǝ̀nú kpàkprá wó dé gbɔ̀n démǝ̀ yǝ̀ ŋ́kékéá jí. ³² Yǝ̀ nú kpàkprá àmǝ̀ kpàcáwó Enúkéd́ɔ̀a à ǝ̀lǝ̀ ɔcónú kídǝ̀ acɛ̀ kpàkpá. ³³ Kpɔ̀ àmǝ̀ɖéká lǝ̀ sɛ̀nsɛ̀n yǝ̀ ɔcòámǝ̀ kǝ̀ ɖɔ̀ kídǝ̀ gbɔ̀ngbɔ̀n màkɔ̀màkɔ̀ .ilǝ̀ déáhá kídǝ̀ ǝ̀gbé sɛ̀nŋ́sɛ̀nŋ́ : ³⁴ «aá !núkeí míań té wɔ̀ kídǝ̀ wò, yésu Naʒareth ?ǝ̀ʋá bǝ̀ yǝ̀á ʋá crɔ̀n míań? ŋ́nyán àmǝ̀ ké ǝ̀nyi-Mawu yǝ̀ núkɔ́kɔ̀» ³⁵ Yésu kań ŋ́kúʋimǝ̀ nɛ̀ gbɔ̀ngbɔ̀n ílǝ̀ ?nú bǝ̀ : «vììn ɔcníí, í nán dó lǝ̀ àmǝ̀ námǝ̀» gàkémǝ̀ gbɔ̀ngbɔ̀n cɔ̀ àmǝ̀ ɔcúgú dé wó dòŋ́ dòmǝ̀ań, í dó lǝ̀ mǝ̀ kéŋ́ wɔ̀ ǝ̀nú bàdá ɖékín kídǝ̀ o. ³⁶ Ǝ̀kpàcá àmǝ̀siámǝ̀, í wòŋ́ nɔ̀nté núɔcóɔcó nǝ̀ wò ɖékíwó ílǝ̀ nú bǝ̀ : «ǝ̀nyɔ̀n kéínyí ǝ̀nyɔ̀n náwó ? ǝ̀lǝ̀ kédé wá kídǝ̀ Àcɛkpàkprá kídǝ̀ ŋ́sɛ́n dé gbɔ̀ngbɔ̀n vɔ̀ɛń, í wólǝ̀ dó » ³⁷ Nǝ̀nǝ̀ ké yésu yǝ̀ nyɔ̀n lǝ̀ káká lǝ̀ tóhó ɖésiáɖé lǝ̀ ǝ̀ɔcá námǝ̀. ³⁸ séijiá, yésu có lǝ̀ sɛ̀nsɛ̀n ɔcɔ̀ ámǝ̀ í ʋá simon yǝ̀ ɔcòmǝ̀ .kpɔ̀ àtikécí gànŋgań ɖéká lǝ̀ simon àsíánɔ̀n ɖɛ̀, í wólǝ̀ ɖékúkú ním bǝ̀ nán wɔ̀ ŋ́ɖéká nɛ̀n. ³⁹ ǝ̀kpán dǝ̀ jí í kédé ́àtikécíá bǝ̀ ná dó í àtikécíá có.í ʒéɖéká, ǝ̀có ílǝ̀ wɔ̀ ǝ̀ɖɔ̀ nǝ̀wó. ⁴⁰ Lǝ̀ nyidɔ̀n yǝ̀ jéjémǝ̀ań, àmǝ̀wó có ɖɔ̀nnɔ̀n ɖésiáɖé ŋ́kúʋimǝ̀ ʋá nǝ̀ yésu .ǝ̀cɔ̀ nǝ̀ àló dé wojí í dànǝ̀ ɖɔ̀ nǝ̀ àmǝ̀siámǝ̀ ⁴¹ ǝ̀nú kpékpé dónɔ̀n lǝ̀ àmǝ̀ súgbɔ̀wó mǝ̀.í ná lǝ̀ déáhá : « ǝ̀nyi Mawuʋi ! »í, yésu kédé ǝ̀nú kpékpéá í gbǝ̀ ɖǝ mɔǹ nǝ̀ wó bǝ̀ wóá ɔcònú o, Enukédɔ̀à wó nyin bǝ̀ ǝ̀yí kristó. ⁴² kéŋ́kéá, ǝ̀dó í yí sogbéjí.Ámǝ̀wó lǝ̀ jí wó ʋá tóhó ké iléá wójí bǝ̀ wòá ɔcɛ̀ɔcɛ̀ nǝ̀̀ŋ́ká díŋ́dí lǝ̀ wó gbɔ̀ o. ⁴³ vɔ̀á ǝ̀lǝ̀ nú nǝ̀ wó bǝ̀ : «ŋ́ɖólá nú Mawú yǝ̀ nyɔ̀n nyɔ̀n gbí nǝ̀ ǝ̀dú gán kpɔ̀tiáwó cá; Enúkédɔ̀á cagbé ǝ̀nánŋ́ti wó dɔ̀ŋ́ ɖíɖá lélá.» ⁴⁴ í, gbé tɔ̀jí ǝ̀nyɔ̀n núnú lǝ̀ sɛnsɛn ɔcóáwómǝ̀ lǝ̀ yúdéá dúáwó mǝ̀.