¹ Lǝ̀ ǝ̀ɔcó wuiat́ɔ̀nàmǝ̀ kǝ̀ kàísàró tiberi lǝ̀ ɖú fiɔ̀, í ponce pilato nyi tàtɔ̀ lǝ̀ yudéa, í Hérode nyi àmǝ̀ kǝ̀ kpàcɛ̀ lǝ̀ galiléà, Filipo yǝ̀ nɔ̀nvi àmǝ̀ kǝ̀ kpàcɛ̀ lǝ̀ Iturca kidǝ̀ Tráɔcomíti yǝ̀ nyígbàn wó ji, í Lisania nyi àmǝ̀ kǝ̀ kpàcɛ̀ lǝ̀ Abilɛ̀nè, ² i Ànnǝ̀ kídǝ̀ kàyáfà, wó nyi Mawuèhá ŋ́kɔ̀nɔ̀ntɔ̀ í Mawu yǝ̀ gbǝ̀ ʋa nǝ̀ zakária yǝ̀ ʋi lǝ̀ zògbédjí ³ Elé wɔ̀ ǝ̀mɔ̀njí yíyí ɣriɣradé jɔrdan yǝ̀ tɔ̀ŋ́ í lǝ̀ nú jímǝ̀ trɔ̀trɔ̀ kìdǝ̀ núʋɔ̀nwó cɔ̀cɔ̀kǝ̀. ⁴ Sigbé wo nui ɖɛ̀ lǝ̀ Mawu yǝ́ nyɔ̀n nuɖɛ̀tɔ̀ Esayà yǝ̀ wèmàmǝ̀ : «Amǝ̀ kǝ̀ lǝ̀ dàhá lǝ̀ zógbédjí :» mí jráa àscotɔ̀ yǝ̀ mɔ̀n dò í táa yǝ̀ mɔ̀̀nwó nǝ̀ ̀wòa Jɔ̀. ⁵ Barì ɖǝ̀siaɖǝ̀ lá ɖɔ̀, ǝ̀tò kìdǝ̀ ǝ̀tó cùkúviwó wòa bùbɔ̀ ǝ̀mɔ̀n cúkúviwó wòa trɔ̀ zun ǝ̀mɔ̀n jɔ̀jɔ̀wó, ⁶ i ámǝ̀ wó séé lá kpɔ̀ Mawu yǝ̀ ɖǝ̀ɖǝ̀. ⁷ Iyohana lǝ̀ nunǝ̀ àmǝ̀ kǝ̀ lǝ̀ dòwó bǝ̀ nán zún yǝ̀wó dé cimǝ̀ : « miáwó, jánpátà yǝ̀ jíjímǝ̀ víwó ! mɛ̀n krànmi bǝ̀ mián si lǝ̀ ɔcomǝ̀fiɛ̀n kǝ̀ gbɔ̀nɔ̀nà ? ⁸ mí cín ǝ̀kú̀ kǝ̀ jǝ̀ nǝ̀ jímǝ̀ trɔ̀trɔ̀ í mìŋ́ká núlè miánɖǝ̀kí wómǝ̀ bǝ̀ : « míán dàdá í nyí abraham »ǝ̀nùkédɔ̀á ŋ́lé nú nǝ̀ mí bǝ̀ Mawu sún nǝ̀ ɖǝ̀kíá bǝ̀ yǝ́àwɔ̀ ɖǝ̀ʋiwó nín Abraham séŋ́tò ǝ̀kpé ǝ̀láwòjí. ⁹ ɔcóɔcóa ǝ̀cɔ̀ sɔ̀gbe ɖɛ̀ bǝ̀ yéa có àtiwòkǝ̀ ǝ̀núkédɔ̀á ati ɖǝ̀síáɖǝ̀ kǝ̀ ŋ́ cinnɔ̀n ǝ̀kù nyɔ̀ngbian wó cònǝ̀ í cɔ̀nǝ̀ dé ǝ̀ʒòmǝ̀.» ¹⁰ séŋ́ ́yi jía Amǝ̀áwó lǝ̀ biɔ̀ yohana sé bǝ̀ : «nú kǝ̀ í mi ɖo là wɔ̀ ?» ¹¹ ǝ̀lé ɖóŋ́ nǝ̀̀wó bǝ̀ : « amǝ̀ kǝ̀ wɔ̀ àwú amǝ̀ ʋè ɖɛ̀ ná nán amǝ̀ kǝ̀ ŋ́ wɔ̀ ǝ̀ɖé ɖɛ o, í àmɔ̀ kǝ̀ wɔ̀ ǝ̀nu kǝ̀ aɖú ɖɛ̀a ná wɔ nɛ̀n ca» ¹² àmǝ̀ kǝ̀ ɔcɔ̀nɔ̀n ǝ̀̀nujɔ̀jɔ̀wó wó cáwó ʋá bǝ̀ wòa ʒin yéwó dé cimǝ̀ í nú nɛn bǝ̀: «Áɔcotɔ̀ nú́ kǝ̀ í mí wɔ̀ ? ¹³ ǝ̀le ɖòŋ́ nǝ̀ wó bǝ̀: «mi kà ɔcɔ̀ hó wú kǝ̀ wó bǝ̀ mián ɔcɔ̀ o.» ¹⁴ sɔ̀já ɖǝ̀wó ca lǝ̀ biɛ̀ sé bǝ̀ : «í mián wó ɖé, nú kǝ̀ í mián wɔ̀ ?» í lǝ̀ nú nǝ̀ wó bǝ̀ : «míŋ́ka wɔ̀ adán, nɔ̀nmì cɔ̀ àgɔ̀jèjè nǝ̀ o gankǝ̀ wó lǝ̀ tú nǝ̀ míán ná nyɔn nǝ̀ mí» ¹⁵ gàkǝ̀mǝ̀ àmǝ̀wó nɔ̀ntɛ̀ ɖɛ̀ í lǝ̀ kéɖi lǝ̀ kristo yǝ̀ ʋà ʋàŋ, àmǝ̀síámǝ̀ lǝ̀ biɔ̀ lǝ̀ yǝ̀ jímǝ̀ bǝ̀ yohana yǝ̀ nyi kristòa. ¹⁶ yohana lǝ̀ ɖoŋ́ nǝ̀wó bǝ̀ : « nyán máa zin mi dè cimǝ̀ vɔ̀a àmǝ̀ ɖǝ̀kà gbɔ̀nɔ̀n, ǝ̀wɔ̀ ǝ̀gaǹ ɖɛ̀ wúún í nyin ŋ jè bǝ̀ Má tú yǝ̀ Fɔ̀̀kpà kawó o. a ʋá nyrɔ̀n mi kìdǝ̀ gbɔ̀ngbɔ̀n kɔkɔ kìdǝ̀ zò. ¹⁷ knyɔngbíí lǝ̀ ǝ̀nú Jájrádó gàmǝ̀ nǝ̀ àtéŋ́ trɔ̀ ǝ̀kú nyɔ̀ngbíwó ɖǝ̀ aʋàmǝ̀ vɔ̀a kǝ̀ nyí ǝ̀gbéwó a ʋà tɔ̀ʒo wó lǝ̀ ǝ̀ʒó màcimàcímǝ̀. ¹⁸ Kìdǝ̀ ca àdòdò núnú súgbɔ̀súgbɔ̀ nǝ̀ àmǝ̀ wó, yohana lǝ̀ nú Mawu yǝ̀ nyɔ̀n nyɔ̀ngbí nǝ̀ àmǝ̀ wó. ¹⁹ Gàkǝ̀ mǝ̀ Erode kǝ̀ kpàcɛ̀ wogbǝ̀ trɔ̀ í ́kpɔɛ̀ bǝ̀ ǝ̀ɖǝ̀ Erodias, nɔ̀nʋiá yǝ̀ si, kìdǝ̀ ǝ̀nù ʋɔɛ̀n wóséé kǝ̀ Erode wɔ̀. ²⁰ Ǝ̀gbé cɔ̀ ǝ̀lá sáŋ́ kpé yǝ̀ nú ʋɔ̀ɛ̀ nwó : ǝ̀tú yohana dé gakpámǝ̀. ²¹ ífiá ǝ̀ʋàmǝ̀ bǝ̀ gàkémǝ̀ wó nyrɔ̀n amǝ̀ wòa, wó nyrɔ̀n yesu kristo ca.gàkǝ̀ mǝ̀ í lǝ̀ ɔcòɖǝ̀, í jiŋ́kori húm, ²² gbɔ̀ǹgbɔ̀ǹ kɔ̀kɔ̀ ɖiʋá́ sìgbǝ̀ rànmǝ̀ yǝ̀ ̀nɔ̀nnɔ̀n ̀mǝ̀ déjí sìgbǝ̀ alùŋ́kúkú í ahá didi có Jiŋ́kori ʋá : «ǝ̀nyi ǝ̀ʋínyín kǝ̀ ŋ́ rɔ̀n tɔ̀ nyɔ̀n gbɔ̀, ŋ́ sénɔ̀n ʋíʋí lǝ̀ gbɔ̀wó.» ²³ kǝ̀ yesu tɔ̀ yǝ̀ ɖɔ̀ jíá ǝ̀lé ɖó ǝ̀nó gbàn .ǝ̀lé sìgbǝ̀ wó lǝ̀ bú yosefu yǝ ʋí Héli yǝ̀ ʋi. ²⁴ matthat yǝ̀ ʋi, léʋi yǝ̀ ʋí, Melki yǝ̀ ʋí yannaï yǝ̀ ʋí yosefu yǝ̀ ʋí. ²⁵ Mattathia yǝ̀ ʋí Amos yǝ̀ ʋí Nahoum yǝ̀ ʋí Heslí yǝ̀ ʋí Naggai yǝ̀ ʋí. ²⁶ Maata yɛ ʋi Mattathias yǝ̀ ʋi sémein yǝ̀ ʋi yosek yǝ̀ ʋi, yoda yǝ̀ ʋi ²⁷ Yohanan yǝ̀ ʋí, Rhésa yǝ̀ ʋí zorobabel yǝ̀ ʋí, salathiel yǝ̀ ʋí Neri yǝ̀ ʋí ²⁸ Melkí yǝ̀ ʋí Addí yǝ̀ ʋí kosam yǝ̀ ʋí Elmadam yǝ̀ ʋí, Er yǝ̀ ʋi ²⁹ Yésu yǝ̀ ʋí Eliezer yǝ̀ ʋí, Yorim yǝ̀ ʋí, Mattath yǝ̀ ʋí, Levi yǝ̀ ʋí. ³⁰ Siméon yǝ̀ ʋi, yuda yǝ̀ ʋí, Joseph yǝ̀ ʋí, Yonam yǝ̀ ʋí, Eliakim yǝ̀ ʋí ³¹ Méléa yǝ̀ ʋí, Menna yǝ̀ ʋí, Mattata yǝ̀ ʋí, Natham yǝ̀ ʋi, David yǝ̀ ʋí, ³² Jessé yǝ̀ ʋi, Yobed yǝ̀ ʋí, Boaʒ yǝ̀ ʋi, Sala yǝ̀ ʋi, Naasson yǝ̀ ʋí, ³³ Aminadab yǝ̀ ʋí, Admin yǝ̀ ʋí Arni yǝ̀ ʋí, Hezron yǝ̀ ʋí, Pérez yǝ̀ ʋí, Juda yǝ̀ ʋí, ³⁴ Yakobo yǝ̀ ʋí Isaka yǝ̀ ʋí, Abraham yǝ̀ ʋí, Térah yǝ̀ ʋí Nahor yǝ̀ ʋí ³⁵ Serug yǝ̀ ʋí, Reu yǝ̀ ʋí, Péleg yǝ̀ ʋí, Eber yǝ̀ ʋí, Shelah yǝ̀ ʋí, ³⁶ Kaïnan yǝ̀ ʋí, Arphasead yǝ̀ ʋí, Sem yǝ̀ ʋí, Nówá yǝ̀ ʋí, Lamek yǝ̀ ʋí ³⁷ Mathasaem yǝ̀ ʋí, Enoch yǝ̀ ʋí, Yareta yǝ̀ ʋí, Mahalélée yǝ̀ ʋí, kaïna yǝ̀ ʋí ³⁸ Enos yǝ̀ ʋí, Seth yǝ́ ʋí, Adam yǝ̀ ʋí, Mawu yǝ̀ ʋí.