¹ Lə kwasídá yə́ ŋkəkə kələ́kəlé təá ji á, lə́ yídún fúá yɔ̀nrúnwó yí yɔ̀dóá gbɔ̀, kiɖə ami kə́ wó jrádódɛáwo. ² Wó kpɔ́ bə́ ə̀kpə́á brí lə́ àmə̀ kúkú dóá ji. ³ Kə́ wó ɖó ə́doámə̀án, wó ŋ́gbə́ kpɔ̀ áxótɔ̀ Yésu yə́ kúkú o. ⁴ Ə́vá vámə̀ bə́ wó caká lə́ ŋ́ nán ŋú í əkáká àmə̀ àmə̀və̀ vá nɔ̀ntə də́ wo gbɔ í lə awú kə́lə́ dázóá wó me. ⁵ Kə́ vɔ̀nvɔ́n ɖó yɔ̀nrúnánwo, wó cɔ̀ ŋ́kuvimə̀ cɔ̀n gú, vɔ̀á wó nú nə̀ wó bə́: "nú kə́ í jɔ í mi lə́ jí àmə̀ ágbɔ̀ágbə́ lə́ àmə̀ kúkúwó mə̀ mán? ⁶ Ŋ́ gbə́ lə́ lá o, vɔ̀á ə́fón citə́ mi ɖò ún sigbə́nə í xònú nə̀ mí, gákə́mə̀ í kpɔ̀tɔ́ ɖɛ̀ lə́ galiliá, ⁷ í lə́ nú ɖɛ̀ bə́: "ədó bə́ wóá sáa àmə̀ gbə̀tɔ́víá nə ə́nú vɔ̀ɛn wɔ̀tɔ́wó nə wóá krɛ̀n, í a fɔ̀n citə́ lə́ nyí cɔ̀á mə̀." ⁸ Yònrúwó ɖo ún ə̀nyɔ̀n nán wó, í trɔ́ dó lə́ àmə̀ kúkú dòámə̀. ⁹ Wó yi í vɛ mán ə̀nyɔ̀n nán wó nə̀ àmə̀ kpɔ̀tíàwó. ¹⁰ Yɔ̀nrún kə́ lə́ nú ə̀nyɔ̀n lá nə̀ àmə̀dɔ̀dɔ̀ awóá wó í nyí Maria Màgdálá tɔ̀ Jánə̀, Maria yakɔ́bò yə́ nánnań, kidə́ yɔ̀nrún bú kə lɛ dɛ kidəwó à wo. ¹¹ Vɔ́á ə̀nyɔ̀n nánwó nyi ə́nyɔ̀n mán ɖí ə́nyɔ̀n nə̀ àmə̀ dɔ̀dɔ̀áwó í wó ŋ́ kadə́ yɔ̀nrúnánwó nyɔ̀n jí ó. ¹² Vɔ́á Pətró có í súdú yi àmə̀ kúkú dóágbɔ̀. Kə́ í búbɔ́ í lə́ kpɔ̀ mə̀án, yə́ŋ́tá kpɔ̀ awú fɛlɛfɛlɛáwó. Pətró trɔ̀ yi áxomə í lə́ biɔ ənú kə jɔ̀a tásə. ¹³ Í kpɔ̀, ŋ́kə́kə́ nán jiá, àmə̀ àmə̀və̀ lə́ wó mə̀án yi kɔ̀ ə́dú kə́ wó lə́ yɔ́ bə́ ə́mmaús, kə́ diŋ́di kidə́ yə̀rúsálɛmə̀ diŋ́dimə̀ kákítákpó. ¹⁴ Wó lə́ nú ə̀nú kə́ jɔ́áwó lə́ wó ɖə́kiwó mə̀. ¹⁵ Ə́vá vámə̀ bə́ gákə́mə̀ wó lə́ lə́ ənyɔ̀nán kpɔ̀á í lə́ biɔ́ wó ɖə́kíwó sə́á, Yésu ŋ́tá tə́bɔ́ wó í lə́ zɔ̀n kidə́ wó. ¹⁶ Vɔ́á wó ŋ́kúvíwó ŋ́tə́lə́ kpɔ̀ɛ̀ də́si o. ¹⁷ Yésu lə́ nú nə̀ wó bə́: "nú kə́ í ún mián mə̀və̀áwó sə́ mí lə́ zɔ̀n í lə́ xònú có?" wó nɔntə də ləna lə́ adɔ̀nnú ɖúɖúmə̀. ¹⁸ Wó dómə̀ tɔ̀ ɖə́ká kə́ wó lə́ yɔ̀ bə́ klə́opá, lə́ dó ún nín bə́: "wó ɖə́kín tɔ́tɔ́ í lə́ yərúsalɛmə̀ lə́ ŋ́kə́kə́ lá wó mə̀ í ngán ə̀nú kə́ jɔ̀á wóá?" ¹⁹ "Nú kə́ wó?" Yésu lə́ bíɔ́ wó sə́.. Í wó lə́ ɖó ún nə̀ bə́: "ə̀nú kə́ kán Yésu Názarete tɔ̀, kə́ nyí ə́nyɔ̀n nú ɖɛétɔ́ sinŋún sinŋ́ún lə́ dɔ́ wɔ́wɔ́mə̀ kidə́ núxómə̀ lə́ Mawú kídə́ àmə̀wó ŋ́kúvimə̀, ²⁰ í sigbə́ vɔ̀sátɔ̀ gánŋ́gánwó kidə́ miánmə̀ kprɔ̀tɔ́wó wó cɔ̀ɛ nán bə́ wóá có kúfiɔ nɛ í wó krán də́ atí ún. ²¹ Milə́ nɔ̀ntə bə́ yə́ í ká vá ɖə́ Israël. Ɛ́ɛɛn, í lə́ ənúlawó sə́e gbɔ́ ífíá í í wɔ̀ nyicɔ́ kə́ ə̀nú nán wó jɔ̀ kə́. ²² Vɔ́á yɔ̀nrún dǝ́kawó kǝ lǝ nú nyɔ̀n kǝ́ lǝ́ kpácámi, wó yi àmǝ̀ kúkú dóá gbɔ̀ nyidún kútúkútú. ²³ Kǝ́ wó ŋ́ kpɔ̀ yǝ́ kúkú o, wó vá nú bǝ́ Mawu yǝ́ ŋdó dótɔ̀wó ʒǝ́ nǝ̀ yówó í nú ŋówóbǝ́ ǝ́lagbǝ́. ²⁴ Àmǝ̀ ɖǝ́wó lǝ́ míamǝ kǝ wó cáwo yi àmǝ̀ kúkú doa gbɔ̀, i wó kpɔ̀ núwó sigbǝ́ yɔnrúnánwó mú ǝnin. Vɔ́á, wó ŋ'kpɔ̀ yá o. ²⁵ Í Yésu lǝ́ nú nǝ́ wó bǝ́: " óó àmǝ̀ húnú mànyatɔ kǝ́ ǝ́ji ŋ'xɔ̀nǝ ǝnúji sǝ kábá o. ǝnyɔ nudɛtɔwo nui! ²⁶ ŋ́lǝ́ vǝ́vǝ́ ɖǝ́ bǝ́ kristó nán ɖúá yá dǝ́ ǝ́nú nán wó tá, i vá ɖó yǝ́ kɔ̀kɔ̀dǝ́ji mǝ̀án?" ²⁷ Í tɔ́ji có mɔ̀nsǝ́ ji i sǝ́ ŋ'tó ǝ́nyɔ̀n nú ɖɛ̀ tɔ̀wó jiá, ǝ́lǝ́ ɖ́ nú gɔ̀mǝ̀ nǝ̀wó lǝ́ ŋrɔ̀nŋrɔ̀n ɖǝ́ siaɖǝ́ mǝ̀ ǝ́nú kǝ́ lǝ́ jǝ́tǝ́ kpɔ̀ɛó. ²⁸ Kǝ́ wó tǝ́bɔ ǝ́dú kǝ́ mǝé wó lǝ́ yiá gbɔ́á, ǝ́lǝ́ ji bǝ́ yǝ́á yi diŋ́di tóhó. ²⁹ Vɔ́a wó lǝ́ nú nin kábákábá bǝ́: " ci lǝ́ lá kidǝ́ mi, ǝnukǝ́dɔ̀á ǝzán lǝ́ dó i ŋ́kǝ́kǝ́ lǝ́ vɔ̀." Ì cin kidǝ́ wó. ³⁰ ǝ́vá vámǝ̀ bǝ́, kǝ́ wó lǝ́ tavú tó kidǝ́á, ǝ́cɔ́ kpɔ̀nɔ̀n i kǝ́ i xóɖǝ̀ dǝ́ ji jrɔá, ǝ́min i lǝ́ ná wó. ³¹ xɔ̀tɔ̀nán wó ŋ'kúviwó xún í wó kpɔ̀ ɛ̀ dǝ́si, vɔá ǝ́búzín lǝ́ wó ŋ'kɔ́. ³² I wó lǝ́ nú nǝ̀ wó ɖǝ́kiwó bǝ́: " mián jiwó ŋ́ bǝ́ kɔ́ mian mǝ̀án gákǝ́mǝ̀ í lǝ́ xónú nǝ̀ mi lǝ́ ǝ́mɔnji i lǝ́ ɖǝ́ ŋrɔnŋrɔn. ánwó gɔ̀mǝ̀ nǝ̀ mián wó i yá." ³³ Kǝ́ wó cólǝ́ gáxóxó ŋ'nán mǝ̀ an wó trɔ̀ yi yǝ́rusalɛmǝ̀, ³⁴ i wó kpɔ̀ àmǝ̀ àmǝ̀ wuiɖǝ́káwó, kidǝ́ àmǝ̀ kǝ́ bɔ̀ɖɛ̀ kidǝ́wóa, i wó lǝ́ nu bǝ́: " axótɔ̀á fɔ́n citǝ́ nyánwó i zǝ́ nǝ̀ simɔ̀n." ³⁵ I wó lǝ́ nu ǝ́nú kǝ́ jɔ̀ lǝ́ ǝ́mɔ̀njiá, i sigbǝ́ Yesu ɖǝ́ ɖǝ́kiá disa nǝ̀ wó gákǝ́mǝ̀ i lǝ́ mán pɔ́nnɔ́n. ³⁶ Tó gbɔ̀ bǝ́ wó lǝ́ xònú có ǝ́nu nán wó únan, Yésu ŋ'tá dó dǝ́ wó dòŋdómǝ̀, i lǝ́ nú nǝ̀ wó bǝ́: " ránmǝ̀ fáfá nán nyi mián tɔ́! " ³⁷ Vɔá kǝ́ wó cáká i vɔ̀nvɔ̀n á, wó wò súsú bǝ́ yǝ́ wó kpɔ̀ gbɔ̀ngbɔ̀n. ³⁸ Yésu nú nǝ̀ wó bǝ́: " nú kǝ́ i jɔ̀ i mi cáká, i nú kǝ́ i jɔ̀ biɔ̀ biɔ̀wó lǝ́ vá mián ji wómǝ̀? ³⁹ Mi kpɔ̀ tiŋ́ lɔ́wó kidǝ́ tiŋ́ fɔ̀wó, ǝ&nyǝ tututui. mi tálɔ̀ ún i mián kpɔ̀. gbɔ̀ngbɔ̀n ŋ'wɔ̀ nɔ̀n gótórán ɖɛ álo ǝ́hú, sigbǝ́ mi lǝ́ kpɔ̀ ún lǝ́ kpɔ̀kpɔ̀nú ǝ̀nǝ̀ o." ⁴⁰ I kǝ́ i lǝ́ nú ǝ̀nyɔ̀n nán nǝ̀ wóa, ǝ́lǝ́ disá yǝ́ lɔ̀wó kidǝ́ yǝ́ fɔwó. ⁴¹ Gákǝ́mǝ̀ wó nyi jimanxosǝ tɔ̀wó ɖɛá kidǝ́ jijɔ́ kǝ́ wó ŋ́ tǝlǝ́ xɔ̀ ji sǝ́á , yésu nú nǝ̀ wó bǝ́: " núdúdú ɖǝ́ lǝ́ lá nǝ mian dúa? ɖúá,?" ⁴² Wó disá ǝ̀húè tɔ̀ntɔ́n nǝ̀. ⁴³ Yésu xɔ̀ɛ̀ i lǝ́ ɖúi lǝ́ wó ŋ́ kɔ́ ⁴⁴ ǝ́lǝ́ nú nǝ̀ wó bǝ́: " ǝ́nú nán i ŋ́lǝ́ ń nǝ̀ mi ɖɛ̀ ɖǝ́cá kǝ́ ŋ́ lɛ ɖɛ̀ kidǝ́ mián,ŋ́ nú nǝ mi bǝ́ ǝ̀nú kǝ́ wó ŋrɔ̀n ɖɛ̀ dǝ́ ǝ̀ ún nyǝ lǝ́ mɔ́nsǝ́ yǝ́ sǝ́á mǝ̀ańn, lǝ́ ǝényɔnsǝ́ yǝ́ sǝ́a mǝéan, lǝ́ ǝ̀nyɔ̀n núɖɛ̀ tɔ̀wó lǝ́ Pisálómɔ̀n wó mɔ̀an nán vá mǝ̀ ⁴⁵ I lǝ́ hún súsú nǝ̀ wó, kǝ́ ŋ́ gbɔ̀xó wóá tǝ́ ŋ́ sǝ́ ŋrɔ̀nŋrɔnán wó gɔ̀mǝ̀. ⁴⁶ Iǝ́ nú nǝ̀ wó bǝ́: " nǝ̀ nin wó ŋrɔ̀n ɖɛ̀ bǝ́ Kristo á vá ɖú ayá, i afɔ̀n citǝ́ lǝ́ ŋkǝkǝ́ ámǝtǝnátɔji. ⁴⁷ I jimǝ̀ trɔtrɔ́ kidǝ́ ǝ̀núvɔ̀nwó, cɔ̀cɔ̀kǝ́ lǝ́ yǝ́ ŋ́kǝji wó sǝ́, woá tɔ̀jí có yǝ́rusalɛmɛ ⁴⁸ Mi ŋyi ǝ́nú tóhó kpɔ̀tɔ́ nǝ̀ ǝ́nú nán wó. ⁴⁹ I kpɔ̀, ǝnú kǝ́ tiŋ dàdá sǝ́ ŋ́ ún dǝ́zǝ́ ɖɛ́ nǝé miám mán cɔ̀ ɖiɖà mi. Vɔá mián, nɔ̀n ǝ́dú gánmǝ̀ ɖɛ̀ kǝ́kǝ́ nǝ̀ jiŋ́kori yǝ́ ŋ́sɛn nán vá cɔn mián ji. ⁵⁰ I Yésu kprɔwó kǝ́kǝ́ i sǝ́ ŋ́yi Bǝ́tanián. Kǝ́ i kɔ́ alɔ̀ yi jiá, ǝyrá wó. ⁵¹ ǝ́vá vámǝ̀ bǝ́ yakǝémǝ̀ i lǝ́ yrá wòa ǝlǝ́ có lǝ́ gákǝ̀mǝ̀ i lǝ́ yrá wòá ǝlǝ́ có lǝ́ wó gbɔé i yi jiŋkori. ⁵² Kǝ́ wó sin jrɔ̀á, wó trɔ̀ yi yérusalɛmǝ̀ kidǝ́ jijɔ́ gánŋ́gán. ⁵³ Wó lǝ́ hámǝ̀ yǝ́ xɔ̀amǝ̀ ɖɛ̀, i lǝ́ Kafúi í yrá Mawu.