¹ Wó co səé, í kprɔ̀ Yésu yi Pilató yə́ ŋkɔ̀. ² Wó búfɔ̀nɛn, í lə̀ nú bə́: "mí kpɔ̀ àmə̀ lá amə̀ bádá-bádánə mían dú kə́ lə́ gbə́ nə amə̀wo bə wo ŋká tú ətá hó nə Cə́sario o, Í lə́ nú bə́ yə́ ŋtá yə́ nyi Christó; ə́fíɔ." ³ Pilató bíɔ sə́ bə́: "ə́wó í nyí yúdá tɔ̀wó fíɔ& á?" Yésu lə́ ɖo ú nɛ̀ bə́: "əẅó í lə́ nui." ⁴ Pilátó nú nɔ̀ vɔ̀sátɔ́ gánýganwó bɔ: '' yǝ́ ý kpɔ́ ƒɔnbúbú ɖǝ́kin lǝ́ àmǝ̀ lá yú o'' ⁵ Vɔ́á wó lǝ́ dǝ́ vǝ̀vǝ̀ é, inúbǝ́: ''ǝ́lǝ́ danwén tó nǝ ámǝ̀wó lǝ́dùamǝtó nú kpakpa lǝ́ yuɖá dúa sǝ́ mǝ̀, có kǝ́kǝ́ galilǝ́á, fi i tɔ́ ji có kǝ́kǝ́ i va ɖólǝ́ lá.'' ⁶ Kǝ́ Pilátó sǝ́ ǝnyɔ̀n nán àn, ǝ́lǝ́ biɔ́ sǝ́ bǝ́ amǝ́ nán nyi galilǝ́tɔ́á. ⁷ Kǝ́ i vá sǝ́gɔ́mɔ̀ bǝ́ Erodǝ i lá ɖó Kójó ninán ǝ́ɖɔɛ̀ ɖiɖá Erodǝ gbɔ́, kǝ́ yǝ́ cá lǝ́ yǝ́rùsálɛ̀mǝ̀ lǝ́ ŋ́kǝ́kǝ́ nán wó ji. ⁸ Kǝ́ Erodǝ kpɔ̀ yésú, ǝnú vivi nɛ gánygán, dó xóxóá ǝ́lǝ́ ji bǝ́ yǝ́́á kpɔ́ɛ, càgbǝ ǝ́nú kǝ i sǝ́ có únawótɔ̀ i lǝ́ nɔ̀ntǝ́ bǝ yǝ́ákpɔɛ nǝ̀ á wɔ̀ ámlímánu ɖǝ́wo yǝ́kpɔ. ⁹ ǝ̀biɔ́ ǝ́nyɔ̀n súgbɔ̀sǝ́, vɔá yésu ýndóɖó ǝ́nyɔ̀n ɖǝ́kin ún nɛ̀ ò. ¹⁰ Vɔ̀sátɔ́ gémygánwó kidǝ́ ǝ́nú kprátǝ̀wó lǝ́ ŋúnán i lǝ& cɔ́ ǝ́nyɔ̀nwó dǝ́ ú kidǝ́ adán. ¹¹ Erodǝ kidǝ́ yǝ́ sɔ̀jáwó, lǝ́ zúi i, kǝ wó zúi jrɔ̀a, i dó awú kǝ́ lǝ́ krǝ̀ nɛɛán jrɔ̀á, wó trɔ̀ cɔ̀è nǝ̀ Pilátó. ¹² Erodǝ kidǝ́ Pilató trɔ́ zúún ǝ́xrɔ́, lǝ& gbónánangbónan( lǝ́ ɖɛɖǝ́ cá wó nyi kǝ́tɔ̀) . ¹³ Pilató bɔ́ àmǝ̀ kprɔ̀tɔ wó, kójóɖótɔ̀wó kid̀ǝ́ ǝdúamǝviwo. ¹⁴ Inú nǝ wó bǝ '' mi kprɔ́ ámǝ̀ lá vá ý sigbǝ́ ámǝ̀kǝ lǝ́ kprɔ́ ǝdúmeviwo yi ǝ́gúfɔnfɔ́n mǝ́ ǝ́nǝ̀. i mi kpɔ̀, y biɔ̀ ngɔ̀n ǝ̀n sǝ lǝ mián ŋkúvimǝ kpɔ́ bǝ́ ǝ́wɔ ǝ́nú ɖǝ́kin kǝmi lǝ́ nú có ún à o ¹⁵ Erodǝ ca ŋ ́lɔ́ kpɔ̀ ǝnú dǝ́kɛn kǝ i wɔá ŋǝ àcó kúfiɔ̀ nɛ̀n ó. ¹⁶ Nǝ i nyi ǝnɔ an man dɔ́n tó nǝ̀ i vá gbǝ́ ɖǝ́ ɖɛ.'' ¹⁷ ( i Pilato ɖóla gbǝ́ gá kpamǝ nɔntɔ̀ tɔ́ ɖǝ́ká ɖɛ̀ nǝ̀ Yúda tɔ́wó azan ɖúɖúá ún). ¹⁸ Vɔ̀á wó sǝ́elǝ́ dáhá bǝ " Mi gbó amǝ̀ nán ji lǝ́miangbɔ̀ nǝ mian gbǝ́ Barabbass dɛ̀" ¹⁹ Barabbas i nyí àmǝ̀kǝ́ wó cɔ́ dǝ́ gákpámǝ̀ cágbǝ́ ǝ́gúfɔ́nfɔ́ tɔ̀ ǝ́dú gán mǝ̀, kidǝ́ àmǝ̀wúwú. ²⁰ Pilato gbǝ́ xónú nǝ̀ wó kǝ́, kidǝ́ súsú bǝ́ yǝ́a gbǝ́ yésu ɖɛ̀. ²¹ I wó gbǝ́ danhá bǝ́: " mi ktin dǝ́ ati ún! mi krin dǝ́ ati ún!" ²² ǝ́gbǝ́ lǝ́ nu nǝ̀ wó zǝ́tɔ́nátɔ̀ mbǝ " ǝ́núvɔ́ ɛn kǝ́ei wɔ̀? nyǝ ý kpɔ̀ ŋɖǝ́ lǝ́ ún kǝ́i wɔi jǝ́ ǝ́ku ó. má vá gbǝǝ́ ɖɛ̀ nǝ̀ ý dɔntó nɛ jrɔ́." ²³ Vɔá wó gbǝ́ lǝ́ tǝ́gbǝ& dǝ́ dǝ́ ji i lǝ́ dáhá siŋsiŋ, i lǝ́ biɔ́ bǝ́ woá krin dǝ́ ati ún. i wó há dǝ́dǝ́ súgbɔ̀ wɔ̀ɛ bǝ. ²⁴ Pilato ŋrɔ̀ bǝ́ ǝ́nú kǝ́ wó lǝ́ biɔ̀a woa wɔ̀ɛ̀. ²⁵ I ì ngbǝ́ àmǝ̀ kǝ́ wó lǝ́ dǝ́ gámǝ nǝ̀ àmǝ̀ wúwú, kǝ́ wó lǝ́ biɔá. i,i cɔ̀ Yesu nǝ̀ wó lǝ́ wó jiji nú. ²⁶ &noKǝ wó kprɔ̀ ɛ̀ yi kɔ̀á, wó lɔ́ àmǝ̀ ɖǝ́ká kǝ́ wó lǝ́ yɔ́ bǝ́ simɔ̀nǝ̀ cyrenatɔ̀á kǝ́ có bómǝ gbɔ́nɔ́n, i wó cɔ́ ati coga& dròǝ́ nǝ̀ á droǝ́ kprɔ̀ Yésu dó ²⁷ Ámǝ̀ súgbɔ̀ kidǝ́ yɔ̀nrúnwó kpɔ̀ɛ̀ dó lǝ́ vǝ́vǝ́ sǝ́sǝ́mǝ́ í lǝ́ fánkóǝ́ nɔ̀. ²⁸ Yésu trɔ̀ kpɔ̀ yɔ̀nrúnánwó, í nú bǝ́ " yǝ́rusalɛm yǝ yɔ̀nrúnwó mi fánvi dǝ́ tij́ tá o, vɔ̀á mi fánvi nǝ̀ mián wó ŋta&wó kidǝ́ mián viwó. ²⁹ ǝnúkǝdɔ̀á kpɔ̀ , ŋkǝ́kǝ́wó gbɔ̀nɔ̀n kǝ́ àmǝ̀ lá va nú bǝ́: " yáyrá tɔ̀wó í nyi kónɔ̀nwó, kidǝ́ xódó kǝ́ mǝ̀ ǝ̀vi ŋ́ dóviwó ŋúnɔn kpɔ̀á wo! " ³⁰ woa nǝ̀ ǝ̀tówó bǝ: mí mú dǝ́ mian ji!" kidǝ́ ǝ̀tó cúkúvi; "mi cɔ̀n mián ji !" ³¹ Dó, nǝ̀ àmǝ̀uwó lǝ́ wɔ̀ ǝ́nú lá wó nǝ̀ áti múmú wó ɖjé vá nyi ati húhú tɔ̀?" ³² Wó kprɔ́ ǝ́núvɔ̀ ɛ́n wɔ̀tɔ̀ ámǝ̀vǝ̀ bú ca yi kɔ̀ wúwú gbǝ́. ³³ Kǝ́ wó ɖó tóhó kǝ́ wó lǝ́ yɔ́ bǝ́ " crânǝ̀ ( ǝ̀tá húgo), wó krin dǝ́ dǝ́ ati cógá ún kidǝ́ ǝ́núvɔ̀ ɛ́n wɔ̀tɔ́ ámǝ̀vǝawó, ɖǝ́ká dǝ́ ɖúámǝ̀ í ǝ́vǝ̀átɔ́ dǝ́ ǝ́miyɔ́nmǝ̀. ³⁴ Yésu nú bǝ́: " dádá; cɔ́ɛ kǝ́wó, ǝ́núkǝ́dɔá wó ý yám énúkǝ́ wó lǝ́ wɔ̀á o. wo lǝ́ mán yǝ́ wú, ámǝsiamǝ kidǝ kǝi tǝŋ kàn án. ³⁵ ǝdúamǝviwo lǝ́ ý nán i lǝ́ kpɔ́ gákǝ́mǝ́ kójó ɖó tɔ́wó lǝ́ kóé i lǝ́ nu bǝ́: " ǝ́xɔ̀nǝ âmǝ̀ búwó, nǝ̀ ǝ̀nyi Mawu yǝ́ mǝ̀ siaminǝ cáncán àn, xò nǝ wó ŋ'ta ³⁶ Sɔjáwó cáwo lǝ́ kóé, i tǝ́ bɔǝ̀ i lǝ́ cɔ́ ahá nin, ³⁷ wó lǝ́ nú nɛ̀n bǝ́: " nǝ̀ wó inyi yúdá tɔ́wó fiɔ́a, xònǝ wóŋ́tá ɖǝkiwó." ³⁸ I ǝ́nú ŋrɔ̀nŋrɔén lá lǝ́ yǝ́ tágbǝ́ " aémǝ̀ lá i nyi yúɖá tɔ́wó fiɔ̀." ³⁹ ǝnúvɔɛ́n wɔ̀tɔ́ ɖǝ́ká kǝ́ wó kra&n dǝ́ ati u&n lǝ́ zu&i, i lǝ́ nú bǝ́ " ý nyi wó i nyi kristoá? Xɔ̀ nǝ dǝkiwó, i nan xɔ̀nǝ miánwó ca." ⁴⁰ Vɔá àmǝ̀ ǝ̀vǝ̀atɔ́ xɔ́ nyɔ̀ i nú bǝ́: " ý vɔ̀nvɔ̀n nǝ Mawuá? ǝ́wó kǝ́ lǝ́ tó fɔ̀nbúbú yǝ́ nɔ̀nnɔ̀n mǝ̀ kidǝ́? ⁴¹ Nǝ̀ miánwó ǝ́lǝ́ tóhó, ǝ́núkǝdɔ́á miawó mi jǝ nǝ mian nuvɔɛn bǝ woà wɔ kidǝ́mi ǝnǝ. Vɔá àmǝ̀ lá ý wɔ̀ ǝ̀nú báɖá ɖǝ́kino." ⁴² Í nú nə̀ Yésu bə́: "ná doŋú únnə əvá vá tɔ̀ fiɔ́ ɖúxómə̀." ⁴³ Yésu lə́ ɖó ŋ́ nə̀ bə́: "ŋ́lə́ núínə̀ wó lə́ ə̀nyɔ̀n dódó mə̀án ə́gbá, a vá nɔn əgbɔ̀ nyə lə́ pádiso mə." ⁴⁴ Ə́vá hó gá dán, í súblú dò də́ anyigbán kə́kə́ í vá sɛ̀ndə gásiɖə́kɛá mə̀, ⁴⁵ nyidɔ́n yrɔ̀n, í hámə̀ yə́ xòmə̀ cóvɔ̀n grɛn də́ dóŋ́dòmə̀. ⁴⁶ Yésu dáhá kídə́ ə́gbə̀ sinsin bə: "dàdá, ŋ́ cɔ̀ tìŋ́ gbɔ̀ngbɔ̀n də́ tɔ́ lɔ́mə̀." kə́ í mí ə́nyɔ̀n nánwo jrɔá, ə́gbɔ̀n húún. ⁴⁷ Kə́ àmə̀ kə́ ɖó ə́xó kávə̀tá kpó kpɔ̀ ə́nú kə́ jɔ̀á ə́káfú Mawu, ní nú bə́: "lə́ ə́nyɔ̀n dódómə̀án, àmə̀ lá nyi àmə̀ dódó." ⁴⁸ Í àmə̀ kə́ lə́ wó sə́á, kə́ wó kpɔ̀ ə̀nú kə́ jɔ̀à jrɔ̀á, wó trɔ́, í lə́ cɔ̀ aló xó akɔ̀tánú. ⁴⁹ Àmə̀ kə́ wó sə́ də́si Yésu ɖɛá, kidə́ yɔ̀nrún kə́ kprɔ̀ɛ dóáwóá có kə́kə́ galiliá, wó nɔ̀n azɔ̀gə́ ílə́ kpɔ̀ ə́nú lá wó dódá. ⁵⁰ Mi kpɔ̀, wó lə yɔ̀ ámə ɖə́ká bə Yosɛf kə nɔ̀n ádaŋun ɖotɔ̀ mə̀, àmə̀ nyɔ̀ngbí, amə dódó í nyí, ⁵¹ ŋ́ rɔ̀ndə́ àmə̀wó dòdó kídə́ ə̀nú kə́ wól ə́ wɔ̀áwó jí o, ə̀nyí d'árimáthóe tɔ̀ Yudá tɔ̀wó dú gánŋgán ɖə́ká mə̀, í lə́ nɔ̀ntə́ kpɔ̀ Mawu yə́ fíɔ̀ ɖúxoá. ⁵² Àmə̀ nán yí Pilató gbɔ̀, í lə́ bíɔ̀ Yésu yə́ kúku. ⁵³ Ə́ɖíɖí vá í xɔ̀ avɔ̀n fɛlɛfɛlɛ i sɛŋu brɛ́ɛ í wó còɛ də́ àmə̀ kúkú dò kə́ wó kú də́ ə́kpə́ məàn, kə́ mə̀ wo ŋ́di àmə dəkin də́ kpɔ̀ o. ⁵⁴ Ə́nyí jájrádó yə́ ŋ́kə́kə́, í gbɔ̀ndə̀mə̀ yə́ ŋ́kə́kə́á á tɔ̀jí. ⁵⁵ Yɔ̀nrún kə́ có galilə́á vá kidə́ yésuá wó kprɔ̀ Yosɛfə, dó í kpɔ̀ yɔ̀dóá í kpɔ̀ sígbə̀ wó cɔ́ Yésu dálɛá, ⁵⁶ í kə́ wó trɔ̀ yí, wó jrádó amí kidə́ cɛ̀rú hɔ̀nhɔ̀nwá, í wó vá gbɔ̀n lə́ gbɔ̀ngbɔ̀n yə́ ŋ́ kə́kə́á ji sigbə́ ə́sə́á núí ɖɛ̀ ə̀nə̀.