¹ ŋkǝkǝ aman dɛn jǝŋkɔ nǝ didito amǝ zan yésu yi béthanie lǝ fi Lazare kǝ i fɔn co amǝ kuku wo mǝ lǝ à. ² Wo ɖa ŋdudu nǝ Marthe lǝ man ŋdudu à i Lazare lǝ amǝ kǝ lǝ ǝkprɔn ŋti ŋ kidé yésu à wo mǝ . ³ I Marie cɔ ceru ǝyoɖǝɍka adodo kǝ lǝ hɔn fliflian i sǝ sisidǝyésu yé fɔ wo un i tutu yé fɔ wo kidé yé ɖa céru a yé hɔn hɔn scɔ amǝ séé. ⁴ Judas Iskariot yé nukpraviwo do mǝ tɔ ɖǝ ka amǝ kǝ sa yésu à nu bǝ . ⁵ Nukǝ ijɔ i wo ŋ sa ceru la saki amɔntɔn nǝ wo a cɔ ǝho ŋnan isǝ man nǝ wamɔnɔn wo o. ⁶ E lǝ nu ǝnǝ ɖo ǝnukǝdǝ à ǝlǝ fan nǝ wa mɔnɔn wo vɔ à ɖo bǝ ǝnyi fla fitɔ yé i kpɔ nǝ ǝho gba ji i cɔ nǝ kǝ wo cɔ nǝ dǝ mǝan. ⁷ Yésu nu bǝ mi gbǝ ɖɛ kpoo E lǝ wɔ ɔ ɛ nǝ tiŋ idigbǝ i. ⁸ Wa mɔnɔn wo a lɛɖɛ gasiagamǝ vɔ ɔà nyǝ un ka nɔn mi à gbɔ tɛgbɛɛ o. ⁹ Ifia yuɖa yé mǝ ha gan wo sǝ bǝ yésu va i wo ca wo va yun nyi cagbǝ yésu tɔ ɖǝɖǝ o vɔ à nǝ wo a kpɔ Lazare kǝ yésu fɔn lǝ amǝ ku ku wo mǝ an. ¹⁰ Vɔsatɔ ganŋgan wo ji bǝ yé wo à trɔ wu Lazare . ¹¹ Do bǝ cagbǝ yétɔ i yuɖatɔ gbogbotɔ co i lǝ kadǝ dé yésu ji. ¹² lǝ ŋkǝkǝ amɔntɔn à gbǝ à amǝ ha gan wo va azan du sco gakǝmǝ wo sǝ bǝ yésu gbɔnɔn jérusalem . ¹³ Wo cɔ ǝɖǝbayawo i do i vɛ do go é i lǝ dasca siysi hosanna wo a yra amǝ kǝ va lǝ ascotɔ yé un kɔmǝ Israel tɔ wo fiɔ. ¹⁴ Yésu kpɔ kɛtɛ vi ɖǝka i jǝ ji sigbǝ wo yrɔn un ɖɛ ǝnǝ . ¹⁵ Ka vɔn vɔn nǝ un ɖǝ kɛn o sion yé nyɔrunvi kpɔ tɔ fiɔ gbɔnɔn i kanrɛɛn dǝ kɛtɛ kɛtɛ vi ji ɖɛ. ¹⁶ Yé nukpraviwo un sǝ ǝnu à gɔmǝ co gɔmǝjǝjǝ o vɔ à gakǝmǝ yésu scɔ dodoɖǝji à wo va lǝ ɖo ŋun bǝ wo yrɔn ǝnu a wo yrɔn ǝnu ŋnan wo co un ɖɛ i ǝnu à wo va mǝ. ¹⁷ Ifia amǝ ha kǝ lɛɖɛ kidé yésu gakǝmǝ i yɔ Lazare co yɔdomǝ i fɔnɛn co amǝ kuku mǝ an wo lǝ ɖiɖa sǝ nǝ amǝ wo . ¹⁸ Cagbǝ ŋnan tɔ i amǝ ha gan wo do i vɛ dogoe ɖo bǝ wo sǝ bǝ ǝwɔ dǝsi ŋnan. ¹⁹ Pharisitɔwo lǝ nu lǝ wo ɖǝ kiwo mǝ bǝ mi kpɔ amǝsiamǝ lǝ kprɔɛ . ²⁰ Ifia grec ɖǝka wo kǝ lǝ amǝ kǝ va kpɔ ǝgomǝ lǝ a azan du sco a mǝ. ²¹ Amǝ ŋnan wo yi philippe gbɔ kǝ nyi Bethsaida lǝ galélia i lǝ biɛsǝ bǝ amǝ gan mi ji bǝ mi a kpɔ yésu . ²² Philippe yi Andre gbɔ i nu nẹ Andre kidé philippe yi yésu gbɔ i nu nǝ ²³ Yésu ɖoŋ nǝ wo i nu bǝ gamǝ sun nǝ wo a do amǝ gbǝtɔ yé vi dǝ ji . ²⁴ Lǝ dodo mǝ lǝ adodomǝ un lǝ nu nǝ mi bǝ nǝ blafoku ɖǝka ŋgǝjɛn anyi gban mǝ i nyinyɔn à agbǝ nyi ǝku ɖǝka ɖɛ vɔ à nǝ i gǝjɛn i nyinyɔn an a cɛɛnku sugbɔ. ²⁵ Amǝ kǝ rɔn yé gbǝ a a bui vɔ à amǝ kǝ cri yé gbǝ lǝ ǝciǝcamǝ ǝ grɛdo ɖɛ nǝ agbǝ mavɔ. ²⁶ Nǝ amǝɖǝ ji bǝ yé a sɛɛn un an nan kprɔ un do i lǝfi un lǝ à lǝ ŋnan i tiŋ subɔviwo à nɔn nǝ amǝɖǝ sɛn un an dada la kafui. ²⁷ Tiŋ livɔ caka lǝ galamǝ nǝ man tǝ un nu mɔn Dada scɔ un lǝ vévé sǝsǝ yé gascosco lamǝ vɔ a cagbǝ gascosco la ta i un va ɖo. ²⁸ Dada kɔ tɔŋ kɔ un Egbǝ ɖǝka doco jiŋkori i nu bǝ unkɔun i un gbǝlǝkɔ un. ²⁹ Sǝ yiyi à amǝha wo kǝ lǝ akpadǝka wo à i sǝ à nu bǝ sc ɛ bɛ zo i datu Amǝ ɖǝwo nu bǝ Mawu dɔ la i sconu nǝ. ³⁰ Yésu ɖoŋ i nui bǝ Egbǝ ŋnan un cagbǝ tiŋnyǝ o vɔ à cagbǝ mi an wo i. ³¹ Ifia scinǝamǝ ye kojo dodo i ifia wo a va nyan scicsɔéamǝ yé fiɔ . ³² I nǝ wo cɔŋ dǝ ji lǝ anyigbanji à man va dɔn amǝwo séé vaɖǝkiɛn gbɔ . ³³ E lǝ nui ǝnyɔn ynan wo kudǝ sigbǝ i ka ku a. ³⁴ Amǝ ha gan wo lǝ ɖoŋ nǝ bǝ Misǝ lǝ ǝsǝ à mǝ bǝ kristo à nɔn agbǝ i sǝ yi mavɔmavɔ nǝ wo à yɔ mɔn i gbǝ nu bǝ Amǝgbǝtɔ yé vi la gbǝ ɍ co lǝ anyi anji mɛ i nyi amǝ gbǝ tɔ vi a. ³⁵ I yésu nu nǝ wo bǝ kɔkɔ gbǝ lǝ mi à mǝ vɔ à ŋkagbǝ diŋdi o mizɔn lǝ kɔkɔ à mǝ nǝ zublu yea dodé mi o amǝ kǝ lǝ zɔn lǝ zubl mǝ a un nyan lǝ fi i yikɔ o. ³⁶ Kǝ kɔkɔ a lɛɖɛ à mi kadǝ dǝ kɔkɔ à ji nǝ mi à trɔ zu kɔkɔ vi wo kǝ yésu nu ǝnyɔn ŋnan wo jrɔ à ǝsiwla lǝ diŋ di tohonǝ wo. ³⁷ To gbɔ bǝ yésu lǝ wɔ sugbɔ wo lǝ wo ŋkuvi mǝ ganŋkǝ wo yun kadǝ ji o. ³⁸ Nǝ ǝnyɔn kǝ nyɔnuɖɛtɔ Esaie nuɖɛ à nan va mǝ sigbǝ i nui ɖɛ ǝnǝ Ascotɔ mɛ kadǝ mi an dodo wo ji mɛ i ascotɔ lɔ kɔ dǝ ɍ ji. ³⁹ Cagbǝ ŋnan tɔ à wo ŋun ka tǝŋ kadǝ ji o ɖo bǝ Esaie gbǝ nu bǝ. ⁴⁰ E nan i wo ŋkuvi gban i wo jimǝ sɛn un wo ŋta wo à kpɔ kidé wo ŋkuviwo i wo a trɔ lǝ wo jiwo mǝ i wo a trɔ va i man va dadɔ nǝ wo. ⁴¹ E saie sconu ŋnan wo a ɖo bǝ ǝkpɔ yésu yǝ kpǝkpǝmǝ sconu co un. ⁴² Ganynanmǝ à ǝfiɔ sugbɔwo kadǝ yésu ji vɔ à cagbǝ pharistɔ wo à wo lǝ rɔn nǝ wo à va ɖǝ wo do lǝ ǝhamǝ o. ⁴³ Wo rɔn kafukafu kǝ co amǝ wo gbɔ à wu kfukafu kǝ co Mawu gbɔ. ⁴⁴ Yésu sa sca i nu bǝ amǝ kǝ kadǝ ǝji nyǝ an un lǝ kadǝ ǝjinyɔ ɖǝɖǝ o vɔ à kidé amǝ dɔ ɔy va i. ⁴⁵ Amǝ kǝlǝ kpɔ un an ǝkpɔ amǝ kǝ dɔ un ɖiɖa. ⁴⁶ Un va sigbǝ kɔkɔ ǝnǝ lǝ sciscamǝ bǝ nǝ amǝɖǝ kǝ kadǝ ǝji nyǝ yka nɔn zublumǝ o . ⁴⁷ Nǝ amǝ ɖǝ lǝ sǝ tiŋ nyɔn wo i un lǝ wɔ ɖǝjia à nyiun ka ɖo kojo kidé o ɖobǝ nyiun va bǝ man va ɖo kojo lǝ ǝcisɔamǝ o vɔ a nǝ man ǝcɔ nǝ amǝwo i. ⁴⁸ Amǝ kǝ lǝ cɔ un dan ŋkpi i y lǝ scɔ ɔ tiŋ nyɔn wo a amǝɖǝka lɛ ila ɖo kojo kidé ǝnyɔn kǝ nyan un nu an i ka ɖo ko jo kidé lǝ ŋkǝkǝ kpɔtikpɔtia àmǝ . ⁴⁹ Do bǝ nyi un sconu lǝ tiŋ nujromǝ o lǝ akpa dǝ wo sco à tiŋ dada kǝ dɔ un ɖiɖa yi nan un ǝgbǝ co ǝnu kǝ un ɖo la nu a kidé ǝnu kǝ yun man sconu co à. ⁵⁰ Un nyan bǝ yé ɖoɖo i nyi agbǝ mavɔ i ǝnyɔn kǝ un lǝ nu à wo à un lǝ nui sigbǝ tiŋ dada nui un ǝnǝ i un nui.