¹ Amǝ ɖǝka lɛ kǝwo yɔnǝ bǝ lazare kǝ lǝ dɔ ɖɛ E lǝ Béthanie Marie kidé Marthe yé dida wo du mǝ. ² Lazare nyi Marie yé nɔnvi nyɔnrun kǝ cɔ ami sisi dǝ si nǝ ascotɔaji i cɔ yé ɖawo isǝ tutu yé fɔwo . ³ Diɖawo amevǝ doɛn ɖiɖa yésu i lǝ nu bǝ ascotɔ kpɔ amǝ kǝ ǝ rɔnɔn nǝ à ǝlǝ lǝdɔ. ⁴ Kǝ yésu sǝ ǝnǝ a nu bǝ Edɔ ŋnan yun nyi ǝku dɔ o vɔ ɔà cagbǝ Mawu yé dodo dǝji nan to ǝvia ji nǝ wo a do é cɔɛ dǝji. ⁵ Yésu rɔnɔ Marthe diɖa kidé Lazare. ⁶ I gakǝmǝ yésu sǝ bǝ lazare lǝ lǝ ǝdɔ à ǝ gbǝnɔn ŋkǝkǝ amǝvǝ kpé lǝ lǝ fi i lǝ ɖɛ à. ⁷ Lǝ ŋnan gbǝ à ǝnu nǝ yé nukpraviwo bǝ mi à trɔ yi judée ⁸ E nukpravi à wo nu nǝ bǝ Rabbi ga ǝla mǝ à yuɖatɔwo lǝ scu ǝkpǝ wo i agbǝ trɔ yi a. ⁹ Yésu doŋ bǝ ŋunkǝkǝ amǝ wuiǝvǝ ylɛ nǝ ŋkǝkǝ ɖǝka nǝ amǝɖǝ zɔn lǝ ŋkǝkǝmǝ un ka krǝ afɔ o ɖo bǝ ǝ lǝ kpɔ ŋnu lǝ ŋkǝkǝ kǝ kǝ ɖɛ lǝ scisc à mǝ à ¹⁰ Gakǝmǝ i lǝ zɔn lǝ ǝzan mǝ à à krǝ afɔ ɖobǝ ŋlǝ kpɔynu o. ¹¹ Kǝ i nu ǝnyɔn ŋnanwo séé jrɔɔà i sǝŋkpǝ mi à sclɔ lazare lǝ danrɔ un ka yi vɛ nyɔɛn ¹² Nukpravi a wo lǝ nu nǝ bǝ Ascotɔ nǝ i lǝ danrɔn an yé unta la yɔn. ¹³ Yésu lǝ nu nǝ wo bǝ lazare ku vɔ à wo a bubǝ arɔn ŋtaŋta. ¹⁴ I yésu nu adodo nǝ wo lazare ku . ¹⁵ Un lǝ kpɔ jijɔ bǝ nyi un lɛ o nǝ mi a kadǝ kji ifia à mi à yi. ¹⁶ Thomas kǝ wo gbǝ yɔnǝ bǝ dydime nu nǝ nukpravi vi a wo bǝ mi à ca wo mi à yi nǝ mi a ku kidé ¹⁷ Gakǝmǝ yésu ɖo a ǝsǝ bǝ lazare lǝ wɔ ŋkǝkǝ amǝnǝ lǝ yɔdomǝ vɔ . ¹⁸ Bethanie tǝ bɔ yérusalem sigbǝ kilometre amɔnuwu atɔn ǝnǝ. ¹⁹ Yuɖatɔwo va Marthe kidé Marie i va lǝ faji nǝ wo lǝ wo nɔnvi wu. ²⁰ Gakǝmǝ arthe sǝ bǝ yésu gbɔnɔn an ǝ vɛ do goe vɔ ɔ à Marie ya kanrɛn dé ascomǝ ɖɛ. ²¹ I Marthe nu nǝ yésu bǝ ascotɔ nǝ ǝmɛ lǝla tiŋ nɔnvi ŋka ku o. ²² Vɔ a ifia un nyan bǝ ǝnu sianu kǝɍ ǝbiɔ Mawu à a wɔɛ nǝ wo . ²³ Yésu nu nǝ bǝ tɔ nɔnvi la trɔ fɔn. ²⁴ Marthe lǝ nu nǝ bǝ un nyan bǝ à trɔ kpɔ agbǝ wo ka gbǝ fɔn amǝ wo lǝ ŋkǝkǝ kpɔti kpɔtia à mǝ. ²⁵ Yésu ɖoŋ nǝ bǝ ǝ nyǝ i nyi trɔ trɔ fɔn à kidé agbǝ à Amǝ kǝ kadǝ ǝji nyǝ à nɔn agbǝ lari ǝku . ²⁶ I amǝǝiamǝ kǝ lǝ agbǝ i kadǝ ǝjinyǝ à ŋka ku gbǝɖǝ o E scɔ ji sǝ à. ²⁷ E nu nǝ bǝ ɛɛ ascotɔ un kadǝ ji bǝ ǝ wo i nyi kristo Mawu yé vi kǝ gbɔnɔn sciscǝamǝ à. ²⁸ Kǝ i nu ǝnyɔn vɔ à ǝ trɔ yi i vɛ yɔ Marie yé dida dɔ akpaɖǝka E lǝ nu nǝ bǝ Enukpratɔ lǝ la i lǝ yɔwo . ²⁹ Gakǝmǝ i sǝ ǝnǝ à ǝco kaba i yi gbɔ ³⁰ Yésu un ɖo ǝdu à mǝ hɔ ɖo o ɖo bǝ ǝlǝ lǝ lǝ fi Marthe va do go é lǝ à. ³¹ I gakǝmǝ yuɖatɔ wo kǝ va i lǝ ascomǝ kidé i lǝ fafi nǝ wo à kpɔ Marie i i co sudu do wo kprɔɛdo i bubǝ ǝ ji kɔ yɔ do à to i ka vɛ fanvi i. ³² Gakǝmǝ Marie ɖo lǝ fi yésu lǝ i i kpɔɛ à ǝjǝjǝndǝ yé kɔ mǝ i nu nǝ bǝ ascotɔ nǝ ǝkǝlǝ la tiŋ nɔnvi un ka ku o. ³³ Gakǝmǝ yésu kpɔɛ i i lǝ fan vi an i i kpɔ yuɖatɔ wo ca kǝ lǝ fanvi wo a ǝcaka lǝ yé susu mǝ . ³⁴ E nu bǝ fi mi cɔɛ do wo ɖoy nǝ bǝ aɔcotɔ va nǝ nan kpɔ. ³⁵ Yésu fanvi. ³⁶ I yuɖatɔ wo nu bǝ mi kpɔ sigbǝ i rɔn lazare do a. ³⁷ Vɔ à amǝ ɖǝ wo lǝ wo mǝ nu bǝ amǝ la i hun ŋkuvi nǝ amǝ kǝ yun lǝ kpɔŋnu à un ka tɔ un wɔ ŋɖǝ nǝ amǝ la ŋka ku a. ³⁸ I yésu kǝ gbǝ yi ɖǝkiamǝ sugbɔ a yi yɔ do a gbɔ E nyi ǝdo i ǝkpǝ lǝ nu. ³⁹ I yésu bǝ mi ɖǝ ǝkpǝ a marthé Lazare yé dida amǝ ku ku à nu nǝ yésu bǝ Ascotɔ ifia à yé goto la lǝ nyinyɔn vɔ ɖobǝ ŋkǝkǝ amǝnǝ kǝ i ku kǝ. ⁴⁰ Wo lǝ nu nǝ bǝ un nu bǝ nǝ mi kadǝ ji a mian kpɔ Mawu yé dodo ɖǝji a. ⁴² I wo ɖǝ ǝkpǝ à ji yésu kpɔ jiŋkori i nu bǝ dada un lǝ cio ɖobǝ ǝɖo to un. ⁴¹ Un nyan bǝ ǝɖo nǝ ǝto un gasigamǝ vɔ a cagbǝ amǝ ka kǝ sci scla dǝ un dɛ a wo yé i dǝ i nu ǝnǝ nǝ wo a tǝ yun kadǝji bǝ ǝwo i dɔ un ɖiɖa. ⁴³ Kǝ i nu ǝnuyɔn ynan wo jrɔ à ǝda sca siysi lazare do. ⁴⁴ Amǝ kuku à do yé lɔ wo kidé yé fɔwo lǝ blabla kidé bandǝ dɛ i yé ŋkuvimǝ cɔnɖǝ kidé a vɔn i yésu nu nǝ wo bǝ mi tu kɛ ɛ nǝ mi à gbǝ ɖǝ nan a yi. ⁴⁵ I yuɖatɔwo kǝ va Marie gbɔ à kpɔ ǝnu kǝ yésu wɔ à i kadǝji . ⁴⁶ Vɔ a amǝɖǝwo trɔji pharisitɔwo gbɔ i vɛ lǝ nu ǝnu kǝ yésu wɔ a nǝ wo. ⁴⁷ I vɔsala gangan wo kidé pharisitɔwo yǝ bɔ bɔ i nu bǝ nǝ mi a wɔ mɔn amǝ la lǝ wɔ ǝnu ji ɔn wo sugbɔ. ⁴⁸ Nǝ mi gbǝdɛ ǝnǝ a mi a va kadǝji i romantɔ wo wo ava i vascɔ nu à toho lǝ ǝdu a mǝ . ⁴⁹ Gaŋnan mǝ a amǝ ɖǝka kǝwo yɔ nǝ bǝ caiphe i nyi vɔsalagan lǝ ǝsco ŋnan mǝ an nu nǝ wo bǝ mi ŋun nyan unɖǝkɛn . ⁵⁰ Mi ŋ nyan bǝ nǝ amǝ ɖǝka ku lǝ amǝ̌ wo mǝ an ǝnyɔn wu bǝ ǝdu a sée nan crɔn à . ⁵¹ Vɔ a ŋ lǝ nu ǝnuyɔn ynan lǝ ɖǝkia si o ɖo bǝ i nyi vɔsa la gan lǝ ǝsco ŋnan mǝ an ǝkpɔ ǝscɔmǝ bǝ. ⁵² Yésu ɖo la ku dé ǝdu à ta un nyi nǝ ǝdu a ɖǝkɛn o vɔ a nǝ mawu vi kǝ kaka wo a wo a bɔ dǝ tohoɖǝkɛn . ⁵³ Co gboynan wo lǝ wɔ ɖo ɖo sigbǝ wo a wɔ mɔn i wu yésu. ⁵⁴ Yésu un gbǝ lǝ zɔn to afisiafi lǝ yuɖatɔwo domǝ o vɔ à ǝ do i yi ǝdu ɖǝ ka kǝ tǝ bɔ zogbǝji lǝ ǝdugan mǝ kidé yé nukpraviwo wo. ⁵⁵ Di dito ŋ ŋzan nǝ yuɖatɔ wo tǝ bɔ Amǝsiamǝ lǝ yi yérusalem co afisiafi gbɔsco diditoŋzan an nan ɖo nǝ wo a tǝ yun krɔ wo goto wo. ⁵⁶ Wo lǝ yi jésu i lǝ biɔ wo ɖǝkiwo sǝ gakǝmǝ wo lǝ ǝɖǝsco sc à mǝ an bǝ nǝ mi lǝ bumɔn un ka va a zan du sco à. ⁵⁷ Vɔsala gangan wo kidé pharitɔwo nan gbǝ ɖǝ bǝ nǝ amǝ ɖǝ nyan lǝ fi yésu lǝ à ǝɖo la nan mi an nyan nǝ mi an lǝ .