ATCHAMADO_BEN-aug_heb_text

ǝta 9

¹ Ifia, əsə́ lə rɔnrɔn kələ́kələ́ tɔ̀ à ún kúdə toxó kə wó á lə́ dogbə da lə lə ágbnigbánjíá. ² Ɖó wo jrá toxó toxó ɖéka ɖɛ́. Ǝxɔ́ kələ́ kələ́ í lə́ nyí kə́mə əgbə́ ɖòɖátɔ́ gan nɔ́nən, távú kídə́ ɖòɖó mə kpɔ̀nɔn, kə́ wó yɔ́nə bə toxó kɔ̀kɔ́ɛ́. ³ Lə àvɔ̀n və àtɔ́ ŋ̀gbə aó əxó kələ́ le ŋna nyi toxó kɔkɔ sɛ́n un ɖə́ká. ⁴ Lə ɛxɔ́ ná mə távú dékà lemə í cika kidə́ cə́rú wó léji. Rɔnrɔn toxo ɖə́ká cá lə əxɔ́ á mə ke wo cɔ́ cika ísə́ wɔ lə əxɔ́a mə kéa cikagbán ɖəká lɛ kəmə amrimà nú dúdú lə; Aron ye tikú cɛncɛn xosé kidé rɔnrɔn yé kprɔn ji. ⁵ Lə́ rɔnrɔntaxó aá jí á, amə̀ kewó le táyə̀ le jì dùdùmə̀ wó veɖɛ le wóɖəkiwó símə kə́ mí ká tə́ŋ́ɖə́ gɔ̀mə̀ nə̀ mì ò. ⁶ Kə̀ wó wɔ́ ɖoɖó la wóɖɛ́ aá, aməkə sanə vɔ̀àwó yi əxɔ́ kələ́ ŋgbəá mə í vɛ́ lə wɔ́ wó dɔ́. ⁷ Vɔ̀a vɔ̀sá tɔ́gánŋ́gán ɖəkɛn í yì nə əxɔ́və atɔ́ zə́ɖəká lə xomə, vɔ̀à ɛyi nə əxɔa mə kídə éhùn í na sə́ savɔ́ də́ ɖə kíàkidə dùvìo ta, nə wó nuvɔɛn kəwó wɔ́ a wó ta. ⁸ Gbɔngbɔn kɔkɔ lé ɖé ɖisa bə əmɔ́n kɔ̀kɔ a ŋhún ke əgbə ɖoɖa xo kələ́ kələ́ kpɔ́tɔ í lɛ́ ɖɛ. ⁹ Ǝla wo lə nyí enú kpɔ́kpɔ́ le agba mə. Ǝnú nánán wó kidə vɔ̀sá wó kə wó lə jísá ifia woá ŋlə́ ná kàdə́jí nə aməkə wó lə cɔ̀ɛ́ ná ó. ¹⁰ Wó kpɔ́nə enu dudu, aha, kidé nɔnnɔn mə vovo wó gbɔ́. Nɔnnɔn mə ŋna wó í lɛ ɖə́ cá gbɔ̀xó nə nɔnnɔnmə yəyə́ nàvá. ¹¹ Kristo va sigbe vɔ̀sá tɔ́ gánŋ́gán nə enú nyɔ́nŋ́gbí kə́ va wó. Ǝtó toxó gánŋ́gán lə gbə̀dòɖà xɔ̀omə kə ŋnyi aməgblə́tɔ́ yé nú wɔ́wɔ́. Í ŋ́gbə́ nyí əgbá yé xíxəa mə nú wɔ́wɔ́ wó. ¹² Ŋɖó xɔ́ àmə kide gbɔ̀cú wó, la láwó hun wó, vɔ̀à kiɖe yéŋta hun lə toxó kɔkɔamə zə́ɖə́ka lə əxomə cagbə́ nə̀ mía vóvó mávɔ. ¹³ Ɖó nə̀ gbɔ̀cú kidé lalá wó hun kidə lalavi yé tintɔ́ntɔ́n yéfi kə wó wunə̀ də́ amə makɔ̀wó jí ɖə vo, nə Mawu ná yrá wó. ¹⁴ Zənənən kə̀ Kristo hún, kə́ có gbɔngbɔn mávɔ̀ ícɔ́ ɖə́kíá ise sávɔ́ də́ miata, téŋkɔ míá súsú le wɔ̀nà kúkú wó mə̀ nən mia tə́ŋ́ tə̀bɔ́ Mawu agbə́agbə́. ¹⁵ Cágbé ŋ́nátɔ́, ìnyí ənyɔ́n nútɔ́ rɔnrɔn yéyé a mə mə. Gbɔ̀xó nə̀ əku nává wú amə kə́ wɔ́ rɔnrɔn kələ́kə́lə́ lə wó núvɔ́nɛ́n wó mə án, amə kə́ wó wɔ́ á wó xɔ́ ənúɖó gbə yé kə́sínɔ́nú mavɔ́. ¹⁶ Ɖó, lə́fí ə́nyɔ́n núdɛ́ lə́ àà, ə́lə́ və́və́ bə́ wó á ɖə́ aməhə wɔ́ɛ́ yé kú disá. ¹⁷ Ɖó, ənyɔ́n ŋrɔ́nɖɛ ɖo nə kpənkpən gakə́ kə́ amə án kúá, ŋɖó nə kpənkpən nə enyɔn nútɔ́á lagbə́ o. ¹⁸ Ŋna an, rɔnrɔn kələ́ kə́lə́ tɔ́à əhún ŋkɔ́ o. ¹⁹ Ɖó kə́ Moise cɔ́ əsə́a wó nə yé dúkɔ́ á, ɛcɔ lalá, gbɔ̀cú, əci, àvɔ̀n, amànká ə̀címə́ vovó, kiɖe ə̀sə́ xoxó wó, ìsé lə wú enú àgbàn wò kiɖə ə̀ɖúviá wó. ²⁰ Í be: "rɔnrɔn yé hún kə́ Mawu démɔ́nŋ̀ bə́ ma nán míá kə́." ²¹ Ɖə́ nɔnɔn mə ɖə́kɛn, í ilə́ wú hú də́ gbədòɖá xɔ̀ mə̀ kidə́ ənu kələ́ əxɔ́ a mə án wó. ²² Í lə əsə́á nyɔn məan, yayrá woséáá lə có əhun wùwú də ənú wójí. Nən əhún ŋ́kɔ́ də́ ənú ɖə́ jià cɔ̀cɔ́ kə́ ŋnɛnɛ ó. ²³ Kə ì nyì bə́ ələ́ vəvə́ bə ərán hún í wóá sé sávɔ̀də ənúwó ji. Vɔ̀à, ənú dodó wóŋ́tá ayrá wó ɖə́kio kidə vɔ̀sá dodó wó. ²⁴ Ɖo Kristo un yi toxó ná í vɛ biɔ́ ənúo, ŋna lə nyi ənú sramə dodó. Ŋnán yə́ ŋgbə́ á, əyi jiŋkori ivɛ́ cɔ́ ɖəkia disa nə Mawu də mia tá. ²⁵ Ŋn yi lə́na bə yə àvɛ yə́ dəkiə́ disá sùgbɔ́ sigbə vɔ̀sá tɔ́ wó yinə xó kpə́ xókpə́ lə toxó yayra kídə́ aməbúye hún ó. ²⁶ Nə́ ì nyì nə, ələ̀ vəvə́ bə́ á nɔ́n áyá dudumə̀ súgbɔ́ có xixəa yé gɔmə jəjəmə.Vɔ̀à zəɖə́ká í ivà vámə bə́ woa gú ənúvɔɛn kidə míanŋ́tá vɔ̀sá. ²⁷ Aməsiámə jə́nə əku zə́ɖəká, lə ə́kúá yé ŋgbə́áá cójo dodo lɛ. ²⁸ Lə́ nɔrɔnmə àn, Kristo cá, ké wosé sávɔ́ də míánnuvɔnɛn wóta, í trɔ fɔ́n, vɔ̀à ŋ̀nyì nə míá núvɔɛn wó tá, vɔa nə ɖəɖə kpɔ́kpɔ́ aməkə́ wó lə́ nɔ̀nté kpɔ̀ɛ́ wo.