¹ Ɖo ǝsǝa nyi Zúbrùmǝ nú nǝ ǝnu nyɔɛ́n kǝ gbɔnɔ́n, vɔ̀à ŋnyí ǝnú an wó́ nɔnɔ́nmǝ adodoa ó. Anǝ ke wó lǝ tǝ́bɔ́ Mawu la vɔ̀s ásá mǝ wó ŋká téŋnyí amǝ dodo wóo lǝ sávɔ́ xo kpǝ́kpǝ́ ɖèká́ mǝ tɛgbɛ wó ŋkúvimǝ ó. ² Nǝ mia gbǝ núán amǝ nan wó ŋkpɔ́tɔ́ í lǝ sávɔ́ à? Lǝ ŋnán mǝ an, Nǝ wó trɔ jímǝ àn, amǝ kǝ́wó lǝ sávɔ̀a wó cá wó ádǝ́ jǝ̀sì wó núvɔ́nɛn. ³ Vɔ̀à kidǝ́ vɔ̀sá ŋnán wó mǝ́ án, wó gbǝ́ ɖonǝ́ un enuvɔ́nɛ́n wó ǝxó kpǝ́ kpǝ́ dǝká. ⁴ Vɔ̀à gbɔ̀cù kidǝ lalá wó hún ŋná tǝŋ tutù ǝnúvɔ́nɛ́n wó. ⁵ Kǝ Kristo va xixǝámǝ an, ǝ bǝ:Ŋ́ká rɔ́n vɔ̀sá kidǝ ǝnú nanán wó.Yé ŋgbǝ́ á ŋtiràn í ínyì í ǝdáún. ⁶ ̀cɔ̀ áyé títɛ́ nǝ vɔ̀sá wó kidǝ ǝnù wó wɔ́wɔ́ dǝ́ ǝnúvɔ́nɛ́n tóxó. ⁷ Í ìbǝ̀: «Míkpɔ́, ǝ́nyǝ kǝ, sigbǝ́ wó ŋrɔ́nɛ́n lǝ tiŋ́ kɔ́mǝ lǝ ǝnú bábrá mǝ, nǝ ta jojró» ⁸ Kǝlǝ́ kǝlǝ́ à ǝbǝ́:«Ŋ̀jì vɔ̀sà wɔwɔ́ o, nǝnǝ kǝ́ ŋjì ǝnú nánán wó kídǝ vɔ̀sánú nǝ ǝnúvɔnɛn ó.Ŋ́cɔ́ àyǝtitɛ́ cá.ó»Ŋ́ná wó nyí vɔ́sá kǝ́ wó wɔ́ kídǝ́ ǝsǝ́. ⁹ Í ìgbǝ́ bǝ́:«Kpɔ́ŋ̀ vá lǝ́ wɔ dǝ́ tá rɔ́nrɔ́n nú ó.» Ǝ̀ gbǝ̀ nɔnɔn mǝ kǝlǝ́ kǝlǝ́ tɔà cágbǝ́ nɔ à teŋ cɔ́ ǝvǝ́ atɔ́ vá. ¹⁰ Có jojró ǝla mǝ an , wó yrámi có Yesu Kristo ŋtiran mǝ kǝkǝ́ ísǝ́ yi mávɔ́ mǝ́. ¹¹ Lǝ àkpáɖǝ́ká xóá,amǝkǝ́ sánǝ evɔ́ namǝ wó á nɔ́nǝtǝ́ nanán kánrɛn ŋkǝkǝ́ tǝ́ jǝ́ ŋkɔ́kǝ́ jí i lǝ sɛ̀n Mawu. Vɔ̀sa dǝkɛn í wó lǝ wɔ́ vɔ̀à wó ka tǝŋ tútú wó núvɔnɛn ó. ¹² Lǝ ákpáɖówó cájiá́, Kristo yà sávɔ́ zǝ́ɖǝ́ká tɔ́tɔ́ dǝ́ ǝnúvɔ́nɛn wótá tɛ̀gbɛ̀, i kánrɛ́n dǝ́ Mawu yé Lɔ̀ɖúsí kpáxó. ¹³ Í ì nɔ́nté kpɔ́ amǝvɔnɛn nǝ gákǝ́ mǝ wo a va trɔ́zù ǝnu í à zɔ́n tó wo jí. ¹⁴ Ɖó yé nú nánán ɖǝ́káíì wɔa, ǝna í amǝke trɔ́jímǝ wó kpɔ́ ǝji ɖúɖú séyi mávɔ́mǝ. ¹⁵ Ígbɔngbɔn kɔ́kɔ́ɛ́ cá ɖó ɖasǝ́ɖíɖí nǝ mi. Ɖó ǝnúan wo cóá, ì bǝ̀. ¹⁶ «Mí kpɔ́ rɔnrɔn kǝ́ ŋká wɔ́ kídǝ́ wó lǝ ŋkǝkǝ́ lá wó yé ŋgbǝ́ a, míá Dada bǝ́.Má có eséwó dé wó jimǝ, i ma gbǝ́ ŋrɔnɛn dǝ wó súsúmǝ. ¹⁷ Nyà gbǝlǝ ɖo ún wó nuvɔŋɛn kidé wó́ sǝ́jí dádá wó. ¹⁸ Ífià, lǝfi cɔcɔ́kǝ́ lǝ́ nǝ ǝnúnáwó á, vɔ̀sá ɖǝkɛn ŋ́gbǝ lɛ́ nǝ ǝnúvɔnɛn wo. ¹⁹ Lǝ ŋnà mǝ an, nɔ́nvió, mí kádéjí bé miàn í tóxó kɔkɔ́ɛ́ to Yésu yéhún mǝ. ²⁰ Míkpɔ́ ǝmɔnyéyé àgbéagbé kǝ̀ ì hu nǝ mi tó àvɔ̀n eòxɔ́me jíá, yé i lǝ́ nyí kǝ́ có yé́ ŋtiran mǝ. ²¹ Ikǝ́ ínyì̀ bǝ̀ mi wɔ́ xɔ́ nàmǝtɔ́ gáŋ́ gán ɖɛ .Le Mawu yé xómǝ àn. ²² Míán tǝ́ɔɔ́ lǝ́ nà lé ǝjì bríbómǝ, kàká dǝjì kidǝ xɔsǝ, có míá jí kɔkɔ dǝ súsú vɔnɛn i míán crɔ́ míán gótó kidǝ ǝci kɔkɔ. ²³ Mian kadǝ́ míán númǝ̀gbǝ́ ji, mi ká xólǝ́ o cagbé Mawu ɖó kàɖǝ́ ji dǝ́ yé númǝ̀ gbǝ́jí. ²⁴ Míán dó vǝvǝ́ lǝ míán tá wó mǝ lǝ rɔnrɔn kidǝ Mawu yé nú nyɔnɛn wó. ²⁵ Miŋ́ká nɔ̀ntǝ́ bɔbɔ sigbǝ́ amǝkpɔ́tíá wó lǝ wɔ́ɛ̀ ò, vɔ̀à, mía lǝ do ŋsǝr amǝ ó nǝ wóa tǝ́ŋkpɔ́ ŋkǝkǝ́ kǝ gbɔ́nɔ̀n àn. ²⁶ Ɖó nǝ mínyáń adodó áɖɛjrɔ́ ílǝ wɔ́ ǝnúvɔ́ɛn, vɔ̀sá dǝ́kɛnŋlɛ nǝ wó á wɔ́ nǝ ámǝná wó. ²⁷ Lǝ ŋná yé ŋgbǝá, kojó gánŋ́gán ɖǝká lɛ́ í lǝ nɔ́ntǝ́ kpɔ́wó kiɖǝ ǝzó gànŋ̀gàn ɖǝká a vá bii Mawu yé fútɔ́wó séé. ²⁸ Amǝkǝ̀ ágbé be yé ŋ́nà zɔ́n ɖǝ́ Moïse yé séjiá á kú mà nán xɔ́ amǝnuvǝvǝ́ lǝ́ amǝ kpɔ́nú toxó kidǝ amǝwó ŋkɔ́. ²⁹ Ǝtó dɔndɔ́n kǝ́ íjǝ́ nǝ amǝkǝ va zɔ́n tó Yesu ŋkɔ́, amǝkǝ́ bǝ́ Yesu yé hún ŋkɔ́ o, Vɔ̀à ǝhùn na mǝ í Mawu yé amǝnuvǝvǝ́ kɔ́dǝ́jí lǝ, i nǝnǝmǝ le zún gbɔngbɔn kɔkɔɛ? ³⁰ Ɖó mí jési amǝkǝ́bǝ́: «Yé tɔ̀ í nyí hrɔn biɔ̀biɔ́;» í sǝ́ wíjíá:«Mia dada á ɖókójo kídè yé dúkɔ́. ³¹ Ǝnú gánŋ́gán ɖǝ́ká ínyí bǝ́ najǝ́ Mawu agbǝagbǝ́ lɔ́mǝ! ³² Vɔ́à mía ɖóún ŋ́kǝ́kǝ́ kǝ́ váí wó, nǝ míá ŋ́kúvíwó vá hún án mí vá ɖóún vǝ́vǝ́sǝ́sǝ́ kídǝ́ áyá kǝ́ mi dú vá yí wó. ³³ Mícɔ̀ míàɖǝ́kiadǝ amǝ màɖò bùbù, kidé ǝ́zùwú́, ǝ̀nú màɖínú wó mǝ, í mì gbǝ̀ nɔ̀n àmǝ̀kǝ̀wó nɔ̀n àyà dùdù là wómǝ̀. ³⁴ Ɖo mi nɔ́n àdɔ̀nùmǝ̀kpɔ́kpɔ́ nǝ̀ gàkpámǝnɔ́n tɔ́wó, í mí gbérɔ́n kidǝ́ ayétitɛ́nǝ miànúkǝ́ wó xɔ́lǝ́ si á wó.Mì nyà bǝ̀ mí wɔ̀ ǝnú dodó kǝ nyi ǝnu mavɔ dɛ. ³⁵ Míká cɔ́ mià kàkà dǝji sé dánŋ́ kpín ó, cagbé yé í lǝ́ nyí miá fèn tútú. ³⁶ Ǝjǝ̀ bǝ́ míán xɔ́ jigbɔ̀nɖɛ, gbɔ̀xó nǝ mian tǝ́ŋ xɔ́ ǝnúkǝ́ Mawu ɖó ǝnugbǝ́ bǝ́ yé a wɔ́nǝ mi lǝ yé jojró mǝ. ³⁷ «Zàn ɖǝ́ á ŋ́ká ɖíŋdi gbɔ̀xó amǝ kǝ́ gbɔ̀nɔ́n á va ó. ³⁸ Amǝkǝ̀ lǝ̀ tíŋ́jɔ́jɔ́ jíá á nɔ́n agbǝ́ díŋ́di. Vɔ̀à nǝ́ ítrɔ̀ à, ŋká sǝ́ víví ò» ³⁹ Vɔ̀à mi lǝ́ amǝkǝ̀ trɔ́ i lǝ̀ dahǝn énuwó yómǝ̀ ò. Vɔ̀à mi lǝ amǝ̀kǝ́ wó si xɔ̀sò.Léa i gbɔngbɔn le wó mǝan.