ATCHAMADO_BEN-aug_heb_text

Ǝta 13

¹ Rɔnrɔn nà lǝ́ yìjí. ² Í mì ká ŋrɔ́nbǝ́ amǝjro wó, ɖó amǝɖoo lǝ́ wó nu nyanyan disa nǝ Mawu yé dɔtɔ́ wo mánà̀ ɖóhun déhun. ³ Mì ɖóhun gamǝ nɔ́ntɔ́ wó sigbǝ́ wo lǝ̀dù kidǝ̀ mí nǝ̀. Mian ɖóhun amǝ̀kǝ́wó nɔ́n áyáɖuɖu mǝ sigbǝ̀ mia wó ŋtáwó nǝ̀. ⁴ Mìán ɖò búbú álɔ́ lǝ́lǝ́. Mian ɖó búbú ǝ̀bá kǝ́jí mi lǝ́ mlɔ́n án, cagbǝ Mawu á ɖó kójó kidǝ amǝ ma kɔ wo, amǝ kǝ wó xɔ́ nǝ amǝ si á wó. ⁵ Mian nɔnɔnmǝ ŋ́ká kúdǝ ǝho yé nyɔn un o. Ǝnú kǝ́lǝ́ miá síá na jéhun nǝ mí, cágbǝ́ Mawu bǝ́: << Nyǝ̀ ŋ́ká gbéwó ɖɛ́ o, nǝ́nǝ́ kǝ́ nyǝŋ ká ɖé alɔ́ lǝ̀hùn wó.>>́ ⁶ Mián rɔ́n kidǝ́ ǝ́jí í núbǝ́: << Tíŋ Dádá í nyí tiŋ kpǝ́dǝ́hún tɔ́ nyǝ ká vɔ́nvɔ́n nǝ ǝnuɖǝ́ wó.Núkǝ́ í amǝgbǝ́tɔ́ á teŋ wɔ́ un?>> ⁷ Mi kpɔ́ amǝkǝlǝ nú Mawu ǝnyɔn nǝ mìán, í míàn kpɔ́ yé nɔnɔn mǝ mian wɔ́ dǝ́ yé nyɔ̀n jí. ⁸ Ǝnú kǝ̀ Yesu-christ nyi ǝ̀cɔ́ ké i và nyi ǝga. Kǝ́kǝ́ sǝ yi mavɔ́mǝ. ⁹ Mí ŋ ká ɖotó àzɔ̀gè tɔ́ wó nyɔ́n wō ɖó ǝjì kɔkɔ lǝ Mawu yé amǝnuvǝ́vǝ́ mǝ, vɔa ŋcó ǝnú ɖúɖú kǝ́ ŋ́lǝ kpǝ́ɖǝ́ amǝké wó wo lǝ cɔ́ɛ nǝ a wó. ¹⁰ Mí wɔ́ toxo ɖɛ nǝ amǝ kǝ wó lǝ wó lǝ wɔdɔ́ lǝ ǝƒiɔ́ xomǝ wó́ cá wó ŋ́dunǝ nu lǝ lǝ́ ná o. ¹¹ Vɔ a vɔ̀sá tɔ ganŋgan cɔ nǝ ǝ́ràn kǝ wó wúá wó yé hun i séyi nǝ toxo kɔ̀kɔ́ í navɛ̀ tɔ́zò arán wó lǝ axóá yé ŋgbǝ́. ¹² Le ŋnà mǝ án, Yesu cá kpǝƒu lǝ ǝduà ŋgbé kidǝ súsù bǝ yéà cɔ́ yé hun í sǝ́ sávǝ́ dǝ́ ǝɖuàtá. ¹³ Mì có nǝ mian yigbɔ́ lǝ ǝ́duaŋgbǝ́ nǝ mian vɛ́ ɖǝ yé ŋkpǝn ji. ¹⁴ Cágbe mi ŋgbǝ́ wɔ́ nɔnxó ɖǝ ɖɛ tútú lǝ ányígbán ji lǝ́ lá o. Mí lǝ jí yǝ́yé bú kǝ́ ává. ¹⁵ Nə əya, mian lə savɔ tɛgbɛ nɛ Mawu lə kafu kafu mə kidə́ əha jiji sə́ lə yɔ́ yé ŋkɔ́. ¹⁶ Có ənú nyɔɛn wɔ́wɔ́ kidə vvo kpɔkpɔ́ mə i Mawu yá xɔ nə yé vɔsá lə́ kidə́ ayətitɛ́. ¹⁷ Mi dó bubu amə kə lə ŋkɔ nə mi an wó i mian gbə ɖo vovo də mi an cagbə wo i lə kpɔ́ mian kpɔri wo ji í lə wɔ́ akɔnta nə mian dada: Gbɔxo nə a yi Mawu ŋna nɔn vəvə sə́sə́ mə, ayə titə kiɖə́ əha jiji mə i a kpɔ́ əmɔn nu le Mawu gbɔ́. ¹⁸ Mi xoɖə́ ɖə mi an taa, cagbə mi ɖo kaká dəji wo a kprɔ mí nyɔŋgbi. ¹⁹ I lə nú nə mi bə́ nu an có də́ji kabá gbɔxo nə ma cɔ́ ɖə kíən jó. ²⁰ Mawu, amə fafa kə fɔn mian kprɔtɔ́ lə amə kúkú wó domə kidə rɔnrɔn yé hún mavɔ́ mavɔ́, kə lə nyín mian axotɔ Yésu, ²¹ lə cɔ́ kaká də mian nə ədɔ́ ɖəsiaɖə kə mi an wɔ́ lə yé jojró mə, í yé cá á cɔ́ kə jə́ a də alɔ́mə mi lə Yésu christo yé ŋkɔ́mə, i kafú kafú a lə jə́ nə mi tɛgbɛ: acɛ! ²² Nɔnvi nyə wó, mi an jə agbagba í xɔ́ ənyɔ lá wó də́ ədɔ́ wɔ́wɔ́ mə, cagbə ənyɔta wo ɖəɖə í ŋnu nə mi. ²³ Mi an nya bə wo gbə mi an nɔnvi timothée xə lə áá, wó gbə ɖɛ́, í lə́ ma diŋdin a va ɖo mian mẹ. I lə́ biɔ́ có mian gbɔ bə mi an lə un ɖɛ́ gbɔxó nə ma vá. ²⁴ Mi cí mi an kprɔtɔ́ wó kidə amə cɔcɔ wó. Italie tɔ wó lə cí mi. ²⁵ Mawu yé mənuvəvə na nɛn kidə́ mi. acɛ!