¹ Kə́ ìlə nean, kə ì nyi bə amewó túkpá xrixa də mí í lə xónu có enu kə wó kpɔ́ a wó un, mí án cɔ́ ənu kə́ nyi agban í lə kpən mi a danŋkpin kuɖə ənuvɔnɛn kə do áwú ɖɛ nə mí an. Mí an sudu kidə kaká ɖəji nən azɔnrin kələ́ ŋukɔ́ nə mí an. ² Mian cɔ́ mían ŋkúvi də Yesus ji, yé kə i nyí mían xɔ́sə̀ yé tátɔ́, lə ayétitɛ́ mə ədró aticógà, í gbə ŋkpən, íva kánrɛn ɖə Mawu yé lɔ̀ dúnù kpáxó. ³ Ina mə an, mi an ɖó bubu ame kə kpə fú də aməvɔnɛn kə wó có də Yesu ji, gbɔ̀xó nə mì ŋ́ká gbə mì an ɖə ki wó ɖɛ nɔ mí ranməna kúmi wó. ⁴ Miŋfú ahua kə kə́ əhun na kɔ́ nə mi, nɔmi có ɖə ənuvɔnɛn wó ji o. ⁵ Í mì nyrənbə bə́ ə́cɔ́ mí sigbə́ əvi wónə: "Ǝvinyə, ká xɔ́ ta dada yé tó dɔndɔ́n kidə vəvə səsə́, ran mə ŋka və wo nə ilə dɔn to nəwo". ⁶ Mia Dada don nə ətó aməsiamə kə yé nyɔn gbɔ ì rɔ́n an. ⁷ Mixɔ́ tə́təkpɔ́wó sigbə́ bubu nə. Mawu lə xónù kidə mi sigbə əvió nə, cagbə́ əviɖə ŋlɛ́ kə yé Dada ŋdɔn ne ə́tó nə wo? ⁸ Nə əvi kə yé Dada ŋ dɔn to nə an ŋnyi ə́vi í wóá hrən də́ əviwó me o. ⁹ Í mí an ɖada kə lə ányi gbán jí a wó í i a ɖɔn tó ne mi, i i mi an ɖo bubu gbɔn gbɔn kɔkɔ wo ne míán nɔ́n agbə a? ¹⁰ Dó míà dàdá wó dɔ́n ne etó nə əxó húɛ̀ɖəká sigbé ijro nə do nə vɔ̀ à Mawu yá dɔ́n nə̀ etó nə mí nə mià nyɔ̀nà nə mià teŋ̀ kpɔ́ yé ŋti kɔ̀kɔ́. ¹¹ Ǝtó dɔ̀ndɔ̀n ɖékɛ́n ŋvíví nə o, vèvé sésé í ì nyìnə. Vɔ́ à ènunyɔɛn dó nə có ámə̀ ke dóji wó mə. ¹² Ítà ɖó a mia do ŋsɛ̀n mia lɔ̀ wó kide mia krówó, ¹³ í lə ŋsɛ̀n là mə anmia zɔn emɔn jə́jə́ jí kide mia fɔ́wo, í amɔ kə lə cá rúkú wó á có ì zɔ́n. ¹⁴ Nə mí jí fafá nə xixé bribo á, kide eji kɔkɔ nə ŋ nyi nɛ an ame ɖe ŋ ká kpɔ́ mia Dada ó. ¹⁵ Mì na nə Mawu yé síjə̀je na sú aməsiamə simə, nə áti yé ké vévé wó ŋká cin i vá da ké yɔnŋbi a wó. ¹⁶ Mia nya zɔnzɔn nə mi ka da lé Mawu yé séwo ji o sigbe Esaii, ké cagbè énúɖuɖu i cɔ́ yé sɔ́ kele siá i seŋ sá. ¹⁷ Dó kè ì wɔ́ enunawó sé vɛ̀ a, eji bé yéà xɔ́ yayrá, vɔa ŋkpɔ́ emɔ́nnú ké à sé trɔ́ jimə le Dada gbɔ kide aɖaci. ¹⁸ Cagbè mì vá etó kègbɔ wo á té ŋ tálɔ̀ ò, étɔ á sé nyi ezó le àkpá ɖéo ècí le afiɖé wó, avé lé aékpá ɖò wójí, aŋja wo vruudé. ¹⁹ Mìŋvà ke èkpɛn ɖeka ɖí á ó, í ègbé ɖiɖi ɖekà ɖócó mə, vɔa aməke seá wó ŋ́eɔ́ èɖélémə ó. ²⁰ Cagbé wó ŋ́ká te ŋ hən enyɔn ke wo nú an o: "Ɖó nə éran ɖé cá tébɔ étó á wóà wùi". ²¹ Nɔ̀nɔn mə àn và sənhu kéké Moïse bè: "Enúán kpácá yè kéké ye húnhún." ²² Vɔ̀à míà kpɔ be mì va sion tóji kidè Mawu àgbèàgbé xómè lé Jerusaleme kɔ̀kɔ́, le Mawu yémə dɔ́ tɔ́ sùgbɔ̀ wó mə. ²³ Mìvá bɔ̀bɔ̀ dè devì yéyé kè wó jì le jiŋkori wó kɔ̀mə, Mawu ɖékɛ̀n í nyí kójó ɖotɔ́, kidé gbɔngbɔn kɔ̀kɔ̀ wo kè wó jágbàgbá nə enuan jájradoá wó. ²⁴ Mì vá Yesu gbɔ́, yé ké nyi amə ke cɔ́ rɔnrɔn yeye a va i nyɔn wu Abel ye hun. ²⁵ Mì ɖòtó nə mia sé amə kə́lə́ xónú àn. Nə̀ wó teŋ si gàkémə kə wó gbə́ bə̀ wó ka ɖótó amə́kə́ lə na kànkrán wó lə ányígbán jí á, mí ŋnáteŋsi nə mí lə trɔ́ de amə kèlè na kànkprán mi có jiŋ̀kori. ²⁶ Ga xoxo na mə án, əgbə́ ɖiɖi dəká húhú ányígbán. Vɔa ə́donùgbə̀ íbə́: "ŋ́nyí anyígbán ɖekɛ́n í yè ká húhú o, yé a húhú jíŋkoríwo." ²⁷ Ǝnyɔ́n nán wó kə̀: "zə̀ ɖə̀ká kə́á" Ǝlə disa ənú wúwú nəənu kə ŋgbə́ lə́ wɔ́ dɔ̀a wó, í ɛnù yéyé kə va jɔ̀ à wó wa cí àgbə̀. ²⁸ Ítá ɖó á, mia ɖo və́və́ Mawu yé hómə, mi dó jèsi, mia súbɔ́ Mawu kidǝ və́və́ dodo, kidə vɔnvɔn. ²⁹ Dó mia Mawu nyí əzó kə́ bínə ənú án.